Зголемен бројот на заболени кои се пријавуваат во тријажниот центар во болницата 8 Септември

Позитивните пациенти со Ковид 19 кои се лекуваат дома, а имаат потреба од контроли и прегледи на преглед да заминуваат во тријажниот центар во болницата „8 Септември“. 

Пациентитите, доколку се во можност доаѓаат сами на преглед во болницата, објаснуваат докторите. Бројката во последниот месец стигнала и до 200-те пациенти дневни кои побарале лекарска помош, доколку им се влошува состојбата со болеста ковид 19. Четири амбуланти кои работат во две смени, и ноќно дежуртство ги прегледуваат болните од ковид, од болницата апелираат оние кои треба да доаѓаат на контрола да не доѓаат во вечерните часови.

Од болницата велат дека досега не е вратен ниту еден пациент, доколку во моментот нема место се испраќааат во друга болница. Дневно десет пациенти ја напуштаат болницата и на нивно место доаѓаат други. Најтешко е на интезивната нега, каде лекувањето трае со недели, на овој оддел има 26 пациенти, најмладиот на ципап маска има 20 години.

Во оваа болница пет оддели се отстапени на ковид пациентите. Хируршките сали работат со полна пареа. Костов вели дека има сала за негативни и позитивни пациенти. Болницата доби донација на апарат за операции во вредност од три милиони денари.

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

Девет лица приведени во Таџикистан поради поврзаност со нападот во Москва

Државниот комитет за национална безбедност на Таџикистан уапси девет лица за кои верува дека се поврзани со осомничените за нападот во концертната сала во Москва.

Светските агенции повикувајќи се на извори во безбедносните сили на Таџикистан, денеска наведуваат дека осомничените се уапсени и поради нивните врски со огранокот на терористичката организација Исламска држава во Хорасан (ИСИС-К).

Според нивните информации, сите девет лица биле приведени на 25 март во градот Вахдат и се одведени во Душанбе.

Истражниот комитет на Русија вчера соопшти дека е уапсено уште едно лице осомничено дека учествувало во финансирањето на нападот во Москва. /МИА

притисни ентер