Земјоделците бараат одложување на новиот модел на субвенционирање

Одложување на примената на новиот модел на субвенции кој треба да стартува по Нова година и наместо казни и услови за земјоделците да се воведат дополнителни стимулации за оние кои ќе произведат повеќе храна .

Новиот модел на субвенции кој треба да стратува за еден месец наидува на жестоки критики кај земјоделците.

Според нив ништо не значи авансната исплата на субвенциите кога за да го добијат главниот дел од парите условени се да го дадат производството за многу ниски цени на откупувачите а не се предвидени заштитни механизми како активирање на стокови резерви или загарантинарни откупни цени под кои ако се откупува би се вршела доплата разликата.

Во новиот буџет според нив пари за стокови резерви има само за пченица и јачмен а интеврнентио фонд е преполовен па не може да се надеваат на исплата на разлика во цена туку се оставаат на милост и немилост на откупувачите.

За ваквиот нов модел потескторакската група за градинрство имала серизони забелешки дека нема развојна цел но сепак се донел од страна на министерството. Тие се револтирани од досегшниот однос на надлежните кои за да ги смират протестите по падот на откупната цена на зелката ветија дека со фонд од милион евра ќе се долатат 5 денари за секој килограм откупена зелка во најкус можен рок.

Но дури по 6 месеци градинарите кои на нивите веќе ја собраа втората култура добија наместо 5 по 3 денари и наместо по кантрарна белешка исплатата се пресметува по просечна родност од површина за што наместо милион евра се исплатија 650 илајди евра.

Како успешна приказна за новиот модел на субвенции власта често го потенцира сончогледот кој годинава го имаше двојно повеќе од лани но според земјоделците кај оваа култура не се дадоа авансно субвенции што е еден од принципте на новиот модел а двојното зголемување се должи пред се на ветувањата за повисоки откупни цени заради недостигот од масло за јадење по војната во украина ив воведувањето на дополнителна субвенција за остварен и предаден принос што е сосема различен модел од оној кој ќе се применува во 2023.

Земјоделците укажуваат дека по информациите кои пристигнуваат од Украина дека нема да има земјоделски производи од таму и ќе има голбален недостиг наместо манипулации со производителите да се одложи примената на новиот модел кој треба да се доработи заедно со земјдоелците и да се дадат навреме директните субенции за што поголемо домашно производство на храна.

Првите шест авиони „Рафал“ во Хрватска пристигнуваат оваа недела

Хрватскиот министер за одбрана, Иван Анушиќ, денеска соопшти дека неделава во Хрватска ќе пристигнат првите шест од вкупно 12-те купени борбени авиони „Рафал“.

„Со историски прелет од Бордо до Загреб, пилотите на хрватското воено воздухопловство, кои беа обучени Франција, в четврток ќе ги донесат моќните ловци и нови заштитници на хрватскиот воздушен простор“, напиша Анушиќ на социјалната мрежа Х.

Тој додаде дека модернизацијата на воздушната флота е најголемата инвестиција на Владата и Министерството за одбрана во безбедноста на државата.

Во 2021 година Хрватска потпиша договор со Франција за купување на 12 половни француски борбени авиони „Рафал“ во вредност од 999 милиони евра.

Првиот авион беше преземен во октомври минатата година во француската воена база во Мон де Марсан.

Во Франција на обука беа испратени околу 90 членови на техничкиот и летечкиот персонал. /МИА

Рикен нов генерален директор на Борусија Дортмунд

 Поранешниот германски фудбалер Ларс Рикен (47) е назначен за нов генерален директор на Борусија Дортмунд, соопшти бундеслигашот

Рикен речиси целата своја играчка кариера ја помина во Борусија Дортмунд, а од 2001 година е на чело на клупскиот тренинг центар. На новата должност ќе стапи на 1 мај.

Рикен доаѓа на местото на Ханс-Јоаким Вацке, кој претходно оваа сезона најави дека ќе се пензионира на крајот од сезоната.

„Уверен сум дека со неверојатната сила на овој клуб ќе оствариме големи победи“, порача Рикен.

Борусија Дортмунд во моментов е петтопласирана во Бундеслигата, а на почетокот на мај ќе игра против Пари Сен Жермен во полуфиналето од Лигата на шампионите. /МИА

Гласањето за претседател во затворот Идризово се одвива без проблеми

Во затворот Идризово гласањето за претседателските избори денеска се одвива без проблеми, иформираат за МИА од Избирачкиот одбор. 

-Подготвките за гласањето завршија одлично. Гласањето започна во 7 часот и се одвива без проблеми. Во Избирачкиот список за ова гласачко место број 2536 се запишани 887 избирачи, а до пладне на гласање излегоа 235, изјави за МИА членот на Избирачкиот одбор Тони Трајковски.

Согласно Избирачкиот список денеска треба да гласаат 2.147 лица кои се на издржување казна затвор или се во притвор.

За претседателските избори денеска гласаат и болните и изнемоштените и лицата во старските домови.

Членови на Избирачките одбори ги посетуваат во нивните домови за да гласаат и 6.935 болни и изнемоштени лица, чии пријави беа прифатени.

Запишани се и 534 избирачи, кои поднеле пријава за гласање, во посебниот извод од Избирачкиот список за лица кои за време на изборите се наоѓаат во установи за вон семејно згрижување, како и двајца избирачи со статус на внатрешно раселени лица, согласно евиденцијата на Министерството за труд и социјална политика.

Право на глас на седмите претседателски избори имаат 1.814.317 избирачи. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.

притисни ентер