Свет

Зеленски до Швајцарците: Нашите градови ги уништуваат луѓе кои кај вас живеат во луксуз (ВИДЕО)

Украинскиот претседател Володимир Зеленски ја повика Швајцарија да се справи со руските олигарси кои, како што рече, помагаат да се води војната против неговата земја од безбедноста на прекрасните швајцарски градови.

Зеленски преку аудиолинк им се обрати на илјадниците луѓе кои присуствуваа на антивоениот протест во Берн, ѝ се заблагодари на Швајцарија за поддршката, но им даде јасни коментари за тоа што мисли за швајцарскиот финансиски сектор.

„Во вашите банки лежат парите на луѓето кои ја започнаа оваа војна. Ако сакате да се борите против злото, замрзнете ги нивните сметки! Можете да го направите тоа“, им рекол тој на швајцарските власти.

„Украинците чувствуваат како е кога нивните градови се уништуваат. И тие градови се уништуваат по налог на луѓето кои живеат во прекрасните швајцарски градови, каде што имаат недвижен имот. Би било навистина добро да им се одземе оваа привилегија“, рече Зеленски.

Зеленски, исто така, ги критикуваше компаниите со седиште во Швајцарија кои продолжуваат да работат во Русија.

Швајцарија, која не е членка на Европската унија, целосно ги усвои санкциите на ЕУ против руски поединци и субјекти, вклучително и оние кои го чуваат своето богатство во швајцарските банки, но не е познато дали ја донела таа одлука и кога ќе ги замрзнат имотите на руските олигарси.

Швајцарската асоцијација на банкари (SBA) проценува дека банките чуваат меѓу 150 и 200 милијарди швајцарски франци или 213 милијарди американски долари од руски клиенти на офшор сметки. Швајцарската асоцијација на банкари реши да ја открие оваа информација откако Швајцарија презеде необичен чекор и по руската инвазија на Украина реши да ги примени санкциите од Европската унија за руските пари.

Швајцарското Министерство за економија соопшти дека нема јасна проценка за замрзнатите руски средства, но ги следи извештаите од банките кои се соочуваат со растечкиот список на швајцарски санкции. Од СБА истакнуваат дека учеството на руските средства во швајцарските банки е мало во однос на вкупните средства што се чуваат во Швајцарија, односно дека тоа е едноцифрен процент од уделот.

Аналитичарите велат дека кога станува збор за руски клиенти, директната изложеност на швајцарските банки е „поднослива“. За прв пат, Credit Suisse детално ја претстави својата нето кредитна изложеност кон Русија на крајот на годината, која вклучува кредитирање на богати клиенти, како и изложеност на трговско финансирање и инвестициско банкарство.

Credit Suisse соопшти дека имала бруто изложеност кон Русија од 1,6 милијарди франци (1,73 милијарди долари) на крајот на 2021 година и ја откри големината на потенцијалните загуби бидејќи западните санкции ја исклучија Русија од глобалниот финансиски систем. UBS бележи изложеност кон Русија во вредност од 634 милиони долари.

Свет

Фон дер Лајен: Русија хибридно ја напаѓа Финска преку испраќање мигранти на границите

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја.

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја, која цврсто ја поддржува Украина и која влезе во НАТО пред една година.

Финска ја затвори границата во средината на декември 2023 година по приливот од 1.000 илегални мигранти од руска територија од средината на август. Двете земји имаат заедничка граница долга 1.340 километри, а Хелсинки ја обвинува Москва дека систематски испраќа мигранти во Финска. Русија ги отфрла обвинувањата.

„Од хибридниот напад на Белорусија во ноември 2021 година врз Литванија, Полска и Латвија, сите знаеме дека Путин и неговите сојузници ги инструментализираат мигрантите за да ја тестираат нашата одбрана и да нѐ дестабилизираат“, рече шефицата на Европската комисија.

„Сега Путин се фокусираше на Финска“, додаде таа.

Претседателката на ЕК се сретна со финскиот премиер Петри Орпа во градот Лапеенранта во југоисточниот дел на земјата, на околу 30 километри од руската граница и разговараа што „ЕУ и Финска можат да направат за да ја спречат инструментализацијата на финската граница.“

Во април Финска одлучи граничните премини да останат затворени. Односите меѓу Хелсинки и Москва се влошија по руската инвазија на Украина. По приемот на Финска во НАТО, Москва најави „контрамерки“.

Финска исто така подготвува закон за спротивставување на пристигнувањето на мигрантите.

Македонија

Османи:Го институционализиравме достоинството на нашиот народ,но мисијата сè уште не е завршена

Форумот на жени и Форумот на млади на ДУИ, огранок Сарај, организираа отворена дебата со кандидатот за претседател Бујар Османи и кандидатите за пратеници од Европскиот фронт во ИЕ1 Блерим Беџети и Наим Бајрами.

Кандидатот за претседател Бујар Османи им вети на младите од Сарај дека како следен претседател ќе создаде држава во која без разлика на етничката припадност секој ќе има можност да ги оствари своите соништа.

Османи го опиша Европскиот фронт како идеја чие време е дојдено. „Од исклучен народ сега сме народ кој го постигна првиот премиер Албанец. Го институционализиравме достоинството на нашиот народ. Почнавме да ги уриваме моноетничките тврдини: претседателот на Собранието, првиот премиер, но сè уште не сме завршиле, бидејќи сè уште имаме тврдина која за нас е забранета зона.

Оваа мисија е света и не случајна. Затоа ве повикувам да ја одобрите“, рече Османи.

Кандидатите за пратеници Блерим Беџети и Наим Бајрами побараа од младите масовна поддршка за Бујар Османи и Европскиот фронт. Поканија на 24 април и на 8 мај да биде запечатена големата победа на Фронтот, со која ќе се заокружи последната мисија за етничка еднаквост и ќе се заокружи европскиот сон на младите во Северна Македонија.

Во текот на денешниот ден, караванот на Бујар Османи пристигна во Сарај и неговата околина, односно во селата Кондово, Бојане и Копаница, се наведува во партиското соопштение.

Македонија

Николовски: Пензискиот фонд повторно е стабилен, а пензиите растат

Преку одговорни политики и посветена работа, пензискиот фонд денес повторно е стабилен, а пензиите за пензионерите растат.

Минималната и просечната пензија пораснаа за 50%, па денес минималната пензија изнесува 13.900 денари, а просечната пензија 20.195 денари, истакна на денешната средба со пензионерите од Пробиштип коносителот на изборната единица 3 Љупчо Николовски.

Донесовме економска стабилност за пензионерите.

„Подготвивме нова Методологијата за раст на пензиите, со која на пензионерите им гарантираме постојан раст на пензиите. Сите 330.000 пензионери два пати годишно имаат гарантирано усогласување на пензиите, следејќи ги растот на трошоците за живот и порастот на просечната плата“, истакна Николовски.

Постигнатите резултати до сега, се нашиот гарант дека дадениот збор повторно ќе го исполниме.

„Во новиот мандат, даваме збор дека минималната пензија ќе достигне најмалку 20.000 денари, а пак просечната пензија 30.000 денари. Пензионерите два пати во годината ќе имаат усогласување на пензиите, однсно секој јануари и јуни. За оние пензионери кои живеат сами планираме енергетски пакети, во висина од 1.500 денари месечно во периодот од октомври до март“, истакна Николовски.

Го јакнеме животниот стандард на пензионерите.

„Пензионерите добиваат потрошувачка картичка со попуст од 30% на прехранбени производи, како воведување новогодишен пакет за секој пензионер во висина од 6000 денари“, истакна Николовски.

Нашата грижа за највозрасните лица ја продолжуваме и земаме обврска за изградба на најмалку 12 нови домови за стари лица, со вкупен капацитет од 2.000 лица.

„Имаме конкретна програма и јасен план, што гарантира европска иднина и европски стандард за секој еден граѓанин дома во својата татковина. Докажавме дека можеме да ги подобриме работите кон подобро, но имаме уште многу работи што заедно треба да ги продолжиме. Не смееме да се откажаме, сега кога тргнавме кон сигурна иднина за сите во држaвата“, истакна Николовски, се наведува во соопштението.