Заврши поднесувањето кандидатури за претседател на СДСМ

Истече рокот за кандидатури за претседателскaта функција во СДСМ- официјално четворица ставија потпис за влез во трката на внатрепартиските избори на 12ти наредната недела.

По Димитар Ковачевски, Фросина Ременски и Властимир Алексовски, денеска поднесе кандидатура и Јован Деспотовски. Во изјава за Канал 5, директорот на ТИРЗ рече дека е мотивиран од долгогодишното искуство, а фокусот во неговата програма насловена “Концепт 28”, вели дека ќе бидат потребите на граѓаните, а не на партијата. Непосредното гласање од членството, со повеќе понудени опции, покажува дека СДСМ е поразлична од другите политички партии и дека има кандидати кои прифаќаат големи предизвици, смета Деспотовски.

Иако вчера најави дека размислува, поранешниот советник на Заев, Миле Зечевиќ, денеска не поднесе кандитура. Пристигнатите четири утре треба да ги провери и потврди Централната изборна комисија на СДСМ, дали сите тие ги исполнуваат условите.

Денеска заврши и регистрацијата на членството кое ќе гласа на партиските избори, а колку се пријавени, се уште не се знае.

Истиот ден како и СДСМ, на 12ти декември, на Конгрес, партиски лидер ќе бира и ВМРО-ДПМНЕ. Освен актуелниот претседател Христијан Мицкоски, засега нема пријавени други кандидати.

Прва седница на Владата предводена од премиерот Димитар Ковачевски

Владата предводена од новиот премиер Димитар Ковачевски денеска ќе ја одржи првата седница, со почеток во 14 часот. 

Новиот состав на Владата беше изгласан синоќа пред полноќ во Собранието. Владата има 21 член, еден повеќе од претходниот состав.

Претседателот на Владата Ковачевски ќе има четворица заменици, Артан Груби – прв вицепремиер и министер за политички систем и односи меѓу заедниците, Славица Грковска – вицепремиер за борба против коруција и криминал, Бојан Маричиќ – вицепремиер за европски прашања и Фатмир Битиќи – вицепремиерот за економски прашања.

Оливер Спасовски е избран за министер за внатрешни работи, Славјанка Петровска – за одбрана, Никола Тупанчевски – за правда, Благој Бочварски – министер за транспорт и врски, Љупчо Николовски – за земјоделство, шумарство и водостопанство, Јована Тренчевска – за труд и социјална политика, Бисера Костадиновска-Стојчевска – за култура, Горан Милевски – министер за локална самоуправа, Беким Сали – за здравство, Јетон Шаќири – за образование и наука, Бујар Османи – за надворешни работи, Фатмир Бесими – министер за финансии, Крешник Бектеши – за економија, Насер Нуредини – за животна средина, Адмирим Алити – за информатичко општество и администрација и Џемаил Чупи – министер без ресор задолжен за дијаспората.

Цената на златото со благ раст поради монетарната политика на ФЕД

Цената на златото утрово благо порасна поради очекувањата дека ФЕД нема нагло да ја заостри монетарната политика и покрај високата инфлација, покажуваат податоците за трговијата.

Во 7.41 часот цената на февруарските фјучерси на златото на Њујоршката берза порасна за 0,18 отсто или 3,25 долари на 1819,8 долари за троја унца. Мартовските фјучерси на среброто се зголемија за 0,48 отсто на 23.027 долари за унца.

Вниманието на инвеститорите е насочено кон понатамошните активности на ФЕД, кој најверојатно ќе ја зголеми основната каматна стапка на следниот состанок.

Според аналитичарите на TD Securities, цитирани од Волстрит Журнал, неодамнешната изјава на претседателот на ФЕД, Џером Пауел, е сигнал дека каматните стапки може благо да се зголемат. Ова значи дека благородниот метал има можност за поскапување.

Северна Кореја истрела неидентификуван проектил во Јапонското Море

Северна Кореја истрела неидентификуван проектил во Јапонското Море, соопшти Заедничкиот комитет на началници на Генералштабот на Јужна Кореја.

Пентагон соопшти дека САД сакаат да разговараат за спорните прашања со Северна Кореја.

Ова е четврто истрелување ракета од страна на Пјонгјанг оваа година. Претходните се извршени на 5, 11 и 14 јануари. Во првите два случаја, Северна Кореја соопшти дека успешно тестирала хиперсонични ракети. На 14 јануари, две балистички ракети со краток дострел беа истрелани од железнички ракетен комплекс.

притисни ентер