Застрашувачки податоци: 10,5 милиони деца останале без родители поради панедемијата

Околу 10,5 милиони деца ширум светот изгубиле родител или старател во пандемијата затоа што починале од ковид-19, според студијата објавена во списанието JAMA Pediatrics.

„Последиците за децата можат да бидат погубни, вклучувајќи злоупотреба, трауматска тага, проблеми со менталното здравје, адолесцентна бременост, лоши образовни резултати и хронични и заразни болести“, предупредуваат научниците од Универзитетот во Оксфорд, Империал колеџ, Африканскиот институт за математички науки, Центрите за контрола и превенција на болести (ЦДЦ) и Светската здравствена организација (СЗО).

Податоците во студијата се резултат на анализа на бројки за смртност објавени од голем број земји и собрани од СЗО, магазинот Економист и Институтот за мерење и евалуација на здравјето (IHME) на Универзитетот во Вашингтон во Сиетл во периодот од 1јануари. 2020 до 1 мај 2022 година. . Моделот сугерира дека 7,5 милиони деца изгубиле еден или двајцата родители, додека 10,5 милиони деца изгубиле родител или старател.

Според податоците на СЗО, кои се најконзервативни, најпогодена земја е Индија, каде што се проценува дека околу 3,5 милиони деца загубиле еден или двајцата родители. Индонезија (660.000) и Пакистан (410.000) исто така забележале голем број деца кои останале сираци за време на пандемијата. Некои од најнаселените земји во Африка исто така биле сериозно погодени, вклучувајќи ги Египет (450.000) и Нигерија (430.000). Во западната хемисфера, најпогодени се Мексико, САД и Бразил, кои истовремено бележат најголем број смртни случаи од ковид во Северна и Јужна Америка.

- Загубата на родител или старател може да предизвика доживотни последици за децата: покрај трауматичната тага поради загубата, децата без родители имаат поголема веројатност да доживеат ментални проблеми, злоупотреба и хронични болести - изјави за Nature, Сузан Хилис од Оксфорд и коавтор на студијата.

Таа истакнува дека владите и заедниците мора да дејствуваат за да им помогнат на децата кои изгубиле еден или двајцата родители за време на пандемијата. Децениските истражувања на децата чии родители починале од СИДА покажуваат дека три „акцелератори“ се основата за да им се помогне на децата да закрепнат: образовна и економска поддршка и помош за преостанатиот родител или старател.

- Идентификувањето на децата на кои им е потребна помош и нејзиното брзо обезбедување е почетната точка од која треба да тргнеме - заклучува Сузан Хилис.

Кралот на Маорите на Нов Зеланд сака на китовите да им даде основни човекови права

 Кралот на Маорите на Нов Зеланд денеска повика на китовите да им се дадат основни човекови права за да се заштитат ранливите видови.

Кралот Тухеитија Паки рече дека величествените морски цицачи треба да ги имаат основните човекови права како што е правото на здрава животна средина за да се овозможи обнова на нивната популација.

- Звукот на песната на нашите предци ослабна, а живеалиштето е загрозено. Затоа мора да дејствуваме сега, рече Тухеитија во редок јавен настап.

Во 2017 година, Нов Зеланд донесе закон со кој се дава правен субјективитет на планината Таранаки и реката Вангануи, кои се важни за Маорите, домородни луѓе кои сочинуваат околу 17 отсто од населението на Нов Зеланд, или околу 900.000.

Тухеитија смета дека давање ист статус на китовите би делувало како „наметка на заштита“.

Тој се обрати заедно со високиот поглавица на соседните острови Кук, Травело Ту Арики.

Тие се залагаат домородните знаења да се комбинираат со науката за да се обезбеди „похолистички пристап“ за зачувување на китовите.

- Китовите играат витална улога во здравјето на целиот наш океански екосистем, рече Травел Ту Арики. „Мораме итно да дејствуваме за да ги заштитиме овие прекрасни суштества пред да биде предоцна“, додаде тој.

Сините китови можат да пораснат до 30,5 метри и да тежат до 200 тони.

Но, големината не ги штити. Шест од 13-те големи видови китови се загрозени или ранливи, според WWF, светската организација за заштита на природата.

Откажани летовите од Виена до Скопје и обратно поради штрајк

Откажани летовите од Виена до Скопје и обратно поради штрајк на вработените во „Аустријан ерлајнс“.

Откажани се летовите од Виена до Скопје и обратно поради штрајк на вработените во авиокомпанијата „Аустријан ерлајнс“.

На официјалната веб страница на Меѓународниот аеродром Скопје не се ставени ниту полетувањата, ниту слетувањата со оваа авиокомпанија.

Поради штрајкот, којшто според најавите треба да трае денеска и утре, глобално откажани се околу 400 лета и засегнати се околу 50.000 патници.

Во текот на овие два дена оваа авиокомпанија требаше да реализира 24 лета од Виена до градовите во поранешна Југославија вклучувајќи летови до Белград, Сараево, Загреб, Приштина, Скопје, Подгорица, Дубровник и Сплит.

Царинските службеници во Грција ќе одржат 48-часовен штрајк следната седмица

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк.

Дводневен штрајк за 2 и 3 април закажаа грчките царинските службеници, што ќе влијае и на сообраќајот на граничните премини од Грција кон соседните земји, меѓу кои и Македонија, јави дописничката на МИА од Атина.

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк, а од Синдикатот на вработени во јавниот сектор преку соопштение изразија поддршка за штрајкот.

Според информациите на дописничката на МИА од Атина, поради 48-часовниот штрајк на цариниците целосно ќе биде во прекин сообраќајот на граничните премини од и кон Грција за товарните возила и секаков вид пратки, додека пак во однос на автомобилите, не е исклучена можноста возилата повремено да се пропуштаат, нешто што ќе се дефинира и појасни непосредно пред почетокот на штрајкот.

притисни ентер