Западниот Балкан наместо во ЕУ во „своја“ западнобалканска унија?!

Изборите во Бугарија закажани, Софија не пропушта да повтори дека и по 4 април позициите кон Македонија ќе останат непроменети.

Скопје да престане со крадење на историјата и говорот на омраза, вели вицпремиерот Каракачанов во последното интервју, овој пат за БТВ.

- Можевме да постапиме како нашиот сосед Грција да бидеме порадикални, како што тие 28 години наметнуваа бариера и велеа „не“, ние сакавме со дијалог да ги решиме проблемите. Немојте да мислите дека некој однадвор ќе не притисне по изборите, вели Каракачанов.

Дека Бугарија може да стане втора Грција, не искучува и Симонида Кацарска од Институтот за европски политики, коментирајќи ја вчерашната анализа на угледниот Франкфуртер Алгемајне цајтунг, кој предвидува дека шансите за членство на земјите од Западен Балкан се речиси невозможни, поради можноста секога одредена земја да најде причина за вето. Вели безидејноста во ЕУ е очигледна, а уште помалку за ентузијазам да разрешува билатерални прашања.

-Тоа, го почувствуваме и со Грција, бидејќи ЕК по ветото во 2009 се оддалечи, го замрзна процесот, што е ризик да се случи и сега, вели Симонида Кацарска, Институт за европски политики

Случајно или не, германскиот весник вчера повторно ја реафирмираше и идејата за старата алтернатива - членство на земјите во Европската економска зона, цитирајќи го сопартиецот на Меркел, Елмар Брок, кој смета дека се работи за испробано решение кое нуди полноправно економско членство, без право на политички збор.

Идејата за членство во оваа зона, која овозможува слободен европски пазар, размена на работна сила и слободен транспорт на стоки и капитал, не наиде на согласност кај македонскиот државен врв, за разлика од опозицијата, која оцени дека треба да се искористат сите шанси кои би го подобриле стандардот на граѓаните.

Во зоната, освен земјите од Унијата, членуваат и Исланд, Лихтенштајн и Норвешка.

Ли: Австралија треба да ги остави настрана несогласувањата со Кина

Премиерот на Кина, Ли Кечијанг денеска вети нова двојка џиновски панди за зоолошка градина и ја повика Австралија да ги остави настрана несогласувањата со Пекинг.

Ли доцна синоќа пристигна во главниот град на сојузната држава Западна Австралија, Аделаида. Во Западна Австралија се произведува најголемиот дел од австралиското вино извезено во Кина, откако во март беа укинати царините, поради кои беше прекината трговијата во 2020 година.

Посета на Ли во Австралија е фокусирана на дипломатијата на пандите, обновувањето на трговските и дипломатските врски откако Кина ги рестартираше односите во 2022 година. Билатералните односи помеѓу Пекинг и Канбера беа нарушени за време на деветгодишното владеење на претходната конзервативна австралиска администрација.

Шефицата на австралиската дипломатија, Пени Вонг истакна дека посетата на Ли е резултат на „двегодишната многу фокусирана и трпелива работа на оваа влада за стабилизирање на односите и отстранување на бариерите во трговијата“.

- Ќе соработуваме кога можеме, нема да се согласуваме кога треба и ќе работиме на заштита на нашите национални интереси, посочи Вонг.

Ли синоќа по пристигнувањето во Австралија потенцира оти односите помеѓу Кина и Австралија по период на подеми и падови се вратиле на правиот пат.

- Историјата докажа дека заемното почитување, барањето заеднички јазик и ставањето настрана разликите, како и заемно корисната соработка се вредни искуства во развојот на кинеско-австралиските односи, наведе Ли.

Додека премиерот на Австралија, Ентони Албанез најави дека со Ли ќе разговара за неодамнешните судири меѓу воените сили на двете земји во Јужно Кинеско Море и Жолто Море.

Ли во Австралија допатува од Нов Зеланд, а неговата турнеја низ регионот ќе заврши во Малезија.

Зеленски: Путин нема да стави крај на војната

 Киев утре ќе одржи мировни преговори со Русија ако Москва се повлече од целата украинска територија, изјави претседателот на Украина, Володимир Зеленски по завршувањето на дводневната мировна конференција во Швајцарија.

- Но, Владимир Путин нема да стави крај на војната. Затоа, мораме да го спречиме со какви било средства, било воени или дипломатски. Западната помош не беше доволна за да се добие војната, но самитот покажа дека меѓународната поддршка за Украина не слабее, посочи Зеленски.

Прво реми на ЕУРО2024, Данска и Словенија одиграа 1-1

Данска и Словенија го одиграа вечерва првиот натпревар на ЕВРО2024 кој заврши без победник, ремизирајќи 1-1 во воведниот натпревар во групата Ц.

Данска, на дуелот во Штутгарт кој од трибините го следеа 60.449 гледачи, поведе во 17 минута со голот на Ериксен.

Словенија избегна стартен пораз во групната фаза со голот на Јанжа во 77 минута.

Првото коло во групата Ц ќе биде комплетирано вечерва со дуелот меѓу Англија и Србија.

притисни ентер