Законот за попис утре на гласање пред пратениците

Законот за попис се уште не е донесен, а веќе почнаа лицитација со бројки за етничките заедници. 

По ставот на Арбер Адеми од ДУИ дека тие нема да го прифатат резултатот од пописот доколку Албанците се под 20 проценти, денеска од неговата партија рекоа дека се работи за личен став, а тој се дообјасни дека бил сигурен оти процентот на Албанци во Македонија е повисок.

Стекнатите права не може да се изгубат по конечните резултати од пописот, вели премиерот Зоран Заев. Според него никој нема право да ги оспорува, и рече дека раководството на ВМРО ДПМНЕ е неодговорно бидејќи досега заеднички не го изгласале законот.

ВМРО ДПМНЕ се сомнева во политички договор во власта за попишувањето и обвинуваат за непочитување на европски стандарди како и спроведување на важна операција без консензус со опозицијата.

Гласањето за Законот за попис е закажано за утре. Расправата заврши минатата недела со одбивање на сите предлози од опозицијата, но седницата се одолговлекуваше бидејќи од власта има ковид-позитивни пратеници и го немаше потребното мнозинство за гласање.

Фото: Иванишевиќ и Селеш како деца

Легендарниот екс југословенски тенисер Горан Иванишевиќ, сега тренер на најдобриот светски тенисер Новак Ѓоковиќ на социјалните мрежи објави фотографија стара повеќе од 30 години.

Старата фотографија ги разбудила спомените на Горан од времето на поранешна Југославија.

На носталгичната фотка тинејџерот Горан Иванишевиќ се ракува со едно насмеано девојче, за оние кој не ја препознаваат, тоа е некогашната најдобра светска тенисерка славната Моника Селеш.

-Добри стари времиња со една од најдобрите на сите времиња, Моника Селеш. Мислам дека немавме поим што ќе постигнеме во годините кои доаѓаа, напишал Иванишевиќ во описот на сликата.

Моника и Горан подоцна го достигнаа светскиот врв. Иванишевиќ го оствари сонот со освојување на Вимблдон, а Моника Селеш владеше со светскиот тенис со до трагичното ранување во Хамбург во 1993 година од луд навивач на ривалката Штефи Графт.

Селеш во кариерата освои девет Грен слем титули.

Фото: Карлеуша во ленти

Српската пејачка Јелена Карлеуша повторно се разголе на социјалните мрежи.

Популарната Карли уште еднаш ги воодушеви своите фанови со бујните облини покриени со минијатурни врвки.

Јелена нема проблем да позира во костим за капење или во долна облека, но со последниот избор на гардероба ги изненади сите. Карлеуша одлучила да се фотографира во минијатурен градник и уште помали гаќички врзани со ленти.

Во оваа прилика може да се каже дека Карлеуша покажа скоро се. Нејзините фанови за „храброста“ ја наградија со рекорден број од 70 илјади лајкови.

Флик на излезната врата на Баерн Минхен

 По само две години работа и освоени титули меѓу кои и во Лигата на шампионите, Ханси Флик си заминува од германскиот гигант  Баерн Минхен на крајот на сезоната.

Иако се споменува дека ќе стане селектор на Германија, тоа не е причината за заминувањето туку конфликтот со директорот на баварците Хасан Салихамиџиќ.

Германските медиуми остро коментираат дека откако Салхимаиџиќ е дојден на функцијата, Баерн кој беше познат по сигурноста за тренерите и работата на долги патеки, сега го смени курсот и пребрзо ги менува шефовите и тоа со добро завршена работа.

Се тврди дека од истите причини Баерн предвреме ги набрка Нико Ковач и Карло Анчелоти.

Критиките одат до таму што на Баерн јавно му се упатува прашање...дали е можно секогаш да се виновни тренерите, а директорите да се во право?

притисни ентер