Заев во Шпанската конфедерација на бизнис организации

 Широко ги отвораме вратите на Македонија за шпанските бизнисмени како пријателска средина за странски инвестиции.

Претседателот на Владата на Република Македонија Зоран Заев, работната посета на Кралството Шпанија, во рамките на неговата европска агенда, денеска ја започна со состанок во Шпанската конфедерација на бизнис организации (CEOE).

На средбата со претседателот на конфедерацијата Антонио Гараменди, на која присуствуваше и заменик-претседателот во Владата задолжен за европски прашања Никола Димитров, премиерот Заев истакна дека неговата посета на Шпанија, меѓу другото, има за цел да покаже дека Македонија ги отвора широко вратите за шпанските инвеститори.

Премиерот Заев ја претстави економската програма за финансиска поддршка за директните странски инвестиции во земјата како и сите други поволности како даночните, царинските и другите олеснувања за странските компании и додаде дека Македонија како раскрсница на Западен Балкан и на Југоисточна Европа, претставува своевиден хаб од кој понатаму нуди развој и бизнис експанзија и на други пазари.

„Нашата економија се развива врз принципите на слободниот пазар и ги негува најдобрите европски и светски вредности за водење бизнис. Македонија развива пријателска средина за странските инвестиции и тоа го потврдуваат десетици најреномирани компании од светот", потенцираше премиерот Заев на средбата и додаде дека за шпанските инвеститори од посебен интерес можат да бидат вложувањата во зелената дигитална економија, обновливите извори на енергија, земјоделството и транспортната инфраструктура како поволни области за соработка.

Претседателот на Шпанската конфедерација на бизнис организации Антонио Гараменди, на средбата истакна дека тие со внимание го следат развојот на Македонија, перформансите на бизнис средината во земјата и дека една од главните причини за интересот на бизнисмените од оваа конфедерација се должи на стабилната и предвидлива економска ситуација.

Гараменди додаде дека Конфедерацијата ќе даде сериозен придонес Македонија да биде ставена на мапата за инвестиции на шпанските компании кои, во најголем дел покажуваат интерес за инвестиции во сферата на инфраструктурата, обновливите извори на енергија и менаџментот со води.

На состанокот преовлада согласноста дека оваа средба доаѓа во вистински момент кога и во двете земји се прават сериозни напори за заздравување и мобилност на економијата и стопанските движења после големите ограничувања од кризата што ја донесе пандемијата.

Фото: Нивес повторно провоцира

Хрватската пејачка и манекенка повторно ги остави без здив нејзините фанови.

Таа овој пат е облечена во боите на Хрватска за да им пружи поддршка на фудбалските репрезентативци кои учествуваат во ЕУРО 2020.

- И денес сончање во соодветни бои ... Каде го гледате натпреварот? - напиша Нивес.

„Ма каква Карлеуша, бомба си “, стои во еден од коментарите на фотографијата.

Затворена најголемата онлајн продавница за украдени податоци

„Slilpp“ - најголемата онлајн продавница со украдени податоци, конечно е затворена.

„Slilpp“ постои од 2012 година и се проценува дека сопствениците на оваа страница заработиле милиони долари.

Тие продавале украдени податоци, од обични налози за плаќање преку Интернет до податоци за кредитни картички, тековни сметки во банка и тн.

За девет години се проценува дека е направена штета од 200.000.000 американски долари преку оваа страница.

Продадени се повеќе од 80 милиони податоци за најавување на одреден налог.

Околу 1.500 компании настрадаа од „Slilpp“ .

Интернет експерти предводени од експерти од Соединетите Американски Држави конечно и ставија крај на оваа страница и таа е под контрола на ФБИ.

Фото: Ким Кардашијан има необично Ламборџини

Ким својот автомобил го обложи сто ткаенина која наликува на крзно.

Тешко дека на обожувателите на Ламборџини би им се допаднала оваа идеја, но зад екстравагантниот потег стои добро смислен маркетинг.

Имено, Ким го направи своето Ламборџини Урус во крзно со цел да ја промовира својата продавница „Скимс“.

Ова сигурно не е најчудниот персонализиран автомобил на некои од личностите од светот на шоу-бизнисот што сме го виделе досега, но Ким успеа во тоа што го посакуваше - да го привлече вниманието на обожавателите кон нејзината продавница.

притисни ентер