Македонија

Заев: Рашковски ќе биде разрешен, ако има повреда на законот

Три дена по втората објавена бомба за генералниот секретар на Влада, Драги Рашковски, премиерот Зоран Заев не гледа негова одговорност.

Но како што вели, подготвен е да го разреши доколку се утврди прекршување на законите. Случајот околу набавката на опрема за М- НАВ засега го истражуваат само антикорупционерите, но и тие се уште не можат да отворат предмет бидејќи ја чекаат тендерската документација од М- НАВ но и образложението од Рашковски во кое својство се нашол во објавениот снимен разговор. Засега првата антикорупционерка Билјана Ивановска потврди дека Климент Чепуњовски, екс техничкиот директор во М – НАВ, посочен и како снимател на разговорот од состанокот нема да добие статус на укажувач бидејќи не се запазени законските процедури.

Во врска со случајот Рашковски, но и објавената аудио снимка од канцеларијата на градоначалникот на Шуто Оризари Курто Дудуш, поранешната антикорупционерка Слаѓана Тасева вели дека и двата случаи не може да се сметаат за укажување.

Обвинителството и натаму будно ги следи случувањата со Рашковски, но во моментов не постапуваат по допрен глас во врска со обвинувањата во јавноста за владиниот генерален секретар, но доколку утврдат елементи на сторено кривично дело ќе се постапи согласно законот. Од Антикорупциската комисија најавија и дека ќе го разгледаат случајот со продажбата на авионски билети во институциите.

Регион

Вуќиќ: Тоа ни е фала за се што направивме за Скопје

Тоа е германска идеја, поддржана од НАТО и од сите останати.

„Тоа е благодарност за сето она што го направивме за Скопје“,изјавил српскиот претседател александар Вучиќ коментирајќи го коспонзорството на Македонија за резолуцијата за геноцидот во Сребреница во ОН, како лична одлука на шефот на дипломатијата Османи.

Тоа е германска идеја, поддржана од НАТО и од сите останати. Ја најдоа и Руанда, ги најдоа и Нов Зеланд и Чиле. Пронајдоа и неколку земји кои отсекогаш биле спонзори на вакви проекти, како Малезија и Јордан. Кон нив им се придодава и Македонија, така што таму нема голема филозофија. Им благодарам за тоа, претпоставувам дека тоа е благодарност за она што го направивме за Скопје. Ја видов и Австрија тука, ништо чудно со оглед на сето она што Шаленберг го прави против нашата земја, изјавил Вучиќ во гостувањето во дневникот на ТВ Пинк.

Тој додал дека нешто што е во надлежност на Советот за безбедност е преместено во генералното собрание на ОН.

-Знаеја дека русите и кинезите ќе стават вето и затоа сега одат на генералното собрание на ОН, бидејќи очекуваат сигурно мнозинство и сакаат да им зададат удар на Србите и Србија.

Македонија

Две жртви во сообраќајка на експресниот пат Штип-Кочани

Тешка сообраќајна несреќа се случи на експресниот пат Штип-Кочани, во близина на ТИР зоната во Штип. Според првичните информации во несреќата животите ги загубиле две лица.

Портпаролот на СВР-Штип, Гордана Панајотова потврди дека на овој експресен пат има тешка сообраќајна несреќа.

Таа за МИА изјави дека во тек е увидот и обезбедувањето на местото на несреќата од страна на полицијата.

Несреќата се случила околу 14.25 часот, помеѓу две патнички возила.

Македонија

Саем на книга во Скопје: Само преку книгите, најмладите ќе ги насочиме на правилниот пат

Родителите и училиштето се двете најважни работи кои можат да всадат љубов кај децата за книгите, во време кога тие живеат во светот на интернетот и мобилните технологии. 

Само преку книгите, најмладите ќе ги насочиме на правилниот пат и вистинските вредности.

Ова е заедничкиот став на посетителите, издавачите и авторите на 36. издание на Саемот на книга, кој до 24-ти април се одржува во спортскиот центар Борис Трајковски во Скопје.

А токму најмладите беа едни од најприсутните на саемот. Преку орагнизирани училишни посети, досега над 2.000 ученици ги посетиле овој книжевен настан.

Приказната се чита, е слоганот на овогодинешниот Саем на книга. Организаторите велат дека само на тој начин, децата можат да влезат во светот на книжевноста.

Дека интернет технологијата го одзема вниманието на децата, согласни се дел од авторите и издавачите. Нивната мисија е, додаваат тие, да им ги доближат квалитетните книги на младата популација па и преку електронски форма.

Од популарна присохологија, до македонски и светски познати автори. На Саемот на книга ќе се претстават над 60 издавачи, и ќе има повеќе од 30 промоции на книги, детски работилници, настани и дискусии.

Овој книжевен настан завршува на 24 април, чии врати се затвораат во 20 часот.

притисни ентер