Заев: Работиме за ЕУ и за разлика од порано, лидерите од регионот зборуваат во ист дух

„Нема алтернатива за членство во ЕУ и Владата и парламентарното мнозинство остануваат на овие вредности", порача премиерот Зоран Заев на денешната седница за пратенички прашања во Парламентот, се наведува во соопштението од Владата.

„Нашата земја никој пат повеќе не била афирмирана на патот на членството во ЕУ колку што е во последните две - три години. Нашата земја е пример за соживот и контра аргумент на сите негативни тези за етнички територии, етнички граници, за какви било поделби и на Балканот, а и пошироко на европскиот континент. Нашата земја е пример дека низ дијалог и дипломатија може да се решаваат најтешките прашања, коишто можеле да бидат решени многу од поодамна, ако навистина сите сме се залагале за членство во ЕУ и НАТО", рече премиерот Заев.

Тој потсети дека државата доби одлука за почеток на преговорите во март 2020 година и таа одлука ја донесоа 27 земји членки на ЕУ, дека во официјалниот извештај на ЕУ стои дека нашата земја направила повеќе од тоа што е барано и се стопроцентно потврдени процесите коишто беа обврска за добивањето датум, но дека денес само една земја членка, Бугарија, не дава согласност да се закаже првата меѓувладина конференција со ЕУ.

Премиерот Заев ја повика опозицијата на одговорно однесување за евроинтеграцискиот процес.

„Ако сме за ЕУ, тогаш работиме за ЕУ и ако целиот свет вели дека сме исполниле сѐ и дека сме пример и за европски вредности, европски манири, европски односи, за сѐ, а само Бугарија е причината за следните наши чекори за интеграцијата во ЕУ, ама посочувате прст кон оваа Влада, тоа е недозволиво и лицемерие", оцени премиерот Заев.

Тој ја објасни иницијативата „Отворен Балкан" и укажа на промената во соработката на политичарите во регионот денес, во однос на минатото, а во полза на потребите на граѓаните.

„Додека чекаме ЕУ да се одлучи, нема дилеми дека треба да работиме, да градиме пријателство, да ги отвораме сите административни пречки и бариери, со конечна цел да донесеме поголема благосостојба на нашиот народ, на нашата економија, трговијата, извозот, затоа што тоа носи поголем БДП, поголем економски стандард, повеќе работни места. На времето имаше кавги меѓу политичарите. Не така долго, пред четири години бевме скарани и со Србија и со Албанија и со Косово и со Бугарија и со Грција, со сите до еден - и што добивме од тоа?! Да заминат граѓаните надвор од државата, разочараност, апатија во општеството. Денеска имаме соработка во регионот, денеска лидерите седат заедно, зборуваат во исти дух за придобивките на својот народ. Има разлика од небото до земјата за политиките денес и пред пет години и затоа ред е да се приклучите на тоа што е добро, на тоа што носи придобивки на нашиот народ. „Отворен Балкан" е добро за државата, интеграцијата во ЕУ е добро за државата, треба да го поддржите и практично", ја повика премиерот Заев опозицијата, на седницата за пратенички прашања во Парламентот.

Скандал: Советничка го јава градоначалникот на Бања Лука во неговиот кабинет (ВИДЕО)

На социјалните мрежи се шири видео на кое се гледа како девојка во канцеларија седи на грбот на градоначалникот на Бања Лука, Драшко Станивуковиќ, додека тој ја учи како да јава коњ.

Според блогот на Слободан Васковиќ, станува збор за Олга Бабиќ, вработена во Градската управа, за која се вели дека е негова десна рака, пренесува Кликс.ба.

„Го исправаш грбот и ми ги земаш јаките, како да се узди од коњ ...“, вели Станивуковиќ, додека девојката што седи на грбот вика „иха“. Потоа и дава инструкции како да управува со коњот, која нога, каде и како да удри, симулирајќи јавање. После тоа, девојката паѓа во прегратките на градоначалникот.

„Каков коњ си ...“, вели девојката и двајцата се смеат.

Медиумите во БиХ ја објавуваат веста за снимката, нарекувајќи ја скандалозна.

Израелскиот премиер за нуклеарната програма на Иран: Ги преминаа сите црвени линии

Премиерот на Израел, Нафтали Бенет изјави денеска дека, што се однесува до „нуклеарната програма“, Иран во голема мера ја минал недозволената граница и рече дека Израел нема да дозволи Техеран да поседува нуклеарно оружје.

Во својот прв говор пред Генералното собрание на ОН, Бенет рече дека Иран се обидува да добие доминација на Блискиот Исток под „нуклеарен чадор“ и повика на посилни меѓународни напори за запирање на иранските нуклеарни активности.

"Иранската нуклеарна програма е на крстопат. Сите црвени линии се преминати, инспекциите се игнорирани. И сето тоа минува низ нив", рече Бенет, кој во јуни оваа година стави крај на 12-годишното владеење на Бенјамин Нетанјаху како премиер.

Тој, исто така, стави до знаење дека Израел исто така може да дејствува еднострано против Иран.

"Иранската нуклеарна програма е во пресвртница, како и нашето трпение. Зборовите не можат да го запрат вртењето на нуклеарните центрифуги", рече Бенет.

Особено, тој побара американскиот претседател Џо Бајден да заземе построг став кон исламскиот режим во Техеран.

Бенет се противи на напорите на новата американска администрација насочени кон враќање во рамката на меѓународниот нуклеарен договор меѓу големите сили и Иран од 2015 година.

Под раководство на Доналд Трамп, САД се повлекоа од договорот во 2018 година.

Посебното мени за храна на Роналдо ги разбесни соиграчите од Јунајтед

Кристијано Роналдо вовел ново мени во тренинг центарот на Јунајтед, Карингтон, пишува The Sun. На него нема повеќе јаглехидрати, сокови и слатки.

Роналдо го прилагодил менито по своја желба, и тоа не им се допаднало на некои играчи на Манчестер Јунајтед. Португалецот обожава бакалар со салата, традиционално португалско јадење. Тука се појавил проблемот, бидејќи тоа не им се допаѓало на останатите соиграчи.

Наводно, играчите мрчат и му велат на Роналдо дека не е нутриционист, туку фудбалер.

"Роналдо обожува октопод, но остатокот од тимот не. Тој е зависник од протеини и авокадо, па готвачите често го среќаваат на општо разочарување на другите играчи во соблекувалната на Јунајтед. Тој побара од своите соиграчи да се откажат од пудингот што традиционално го јадат после ручек во петоците “, откри неименуван извор за британски Сан.

Роналдо ова лето се врати во Манчестер Јунајтед од Јувентус.

притисни ентер