Македонија

Заев: Не мислам дека цела влада треба да си поднесе оставка поради трагедијата во Тетово

Премиерот Заев останува на ставот за оставките на министерот Филипче, неговиот заменик Хасани и двајцата директори на тетовската болница да одлучува откако ќе се утврдат причините за пожарот во тетовската модуларна болница.

Тој во првото јавно појавување пет дена по несреќата, во одговор на новинарско прашање кажа и дека не гледа причина за оставка на целата Влада, како што бара опозицијата.

-Трагедии се случуваат насекаде во светот и како што реков го разбирам високиот морален чин и од страна на министерот и од зам. Министерот, од директорот и од економскиот директор , како чин пред се од човечка причина, чин што е пред се од етички и морален аспекти и еве тие ја доставија оставката..Не мислам дека целокупната влада треба да си поднсе оставка за ова.“///„ Ред е прво да почекаме да се добијат сите одговори од сите експерти од форензичарите од целокупната истрага од сите можни аспекти за после тоа да го кажам моето мислење во однос на поднесените оставки.. На министерот, зам министерот, директорите. //-Зоран Заев – Претседател на Владата

Во меѓувреме, од ВМРО-ДПМНЕ велат дека нема да ја чекаат одлуката на Заев и до Собранието ќе поднесат предлог одлука за разрешување на Филипче. Денеска од партијата кажаа дека предлогот го потпираат на членот 68 од Уставот кој му дава право на Собранието да избира, назначува и разрешува носители на јавни функции.

„После една ваква катастрофа кава што беше горењето на болницата во Тетово, сметаме дека Талат Џафери треба да се стави во улога на заштита на граѓаните и конечно да искаже политичка воља оставката на Венко Филипче да биде констатирана во Собранието бидејќи после една ваква катастрофа најмалку што може Собранието да направи за граѓаните е да ја констатира оставката на Филипче, а потоа истражните органи да си ја водат работата кон тоа дали и кој сноси кривична одговорност.“-Антонио Милошоски – Пратеник на ВМРО-ДПМНЕ.

Од СДСМ пак велат членовите на Владата оставките ги поднесуваат пред премиерот, повикувајќи се на членот 94 од Уставот.

„ Уставот на државата е јасен. Член на Владата може да поднесе оставка, но пред премиерот. Претседателот на Владата може да предложи разрешување на член на Владата, а за предлогот за разрешување Собранието одлучува на наредната седница. Мицкоски и ВМРО-ДПМНЕ се однесуваат неодговорно, сето тоа е доказ за очајот во кој е западнат Христијан Мицкоски. Заврши времето кога политиката доминираше над правото“,-Богданка Кузеска – СДСМ.

Канал 5 го контактираше собранискиот спикер Џафери, кој во куса телефонска изјава кажа дека не е возможно премиерот да предлага избор на министер, а предлогот за разрешување да го врши Собранието,,,Тој посочи дека пратениците имаат право на интерпелација како интрумент за одговрност на министер, но опозијата сака да ја избегне оваа алатка, за како што велат, да не одлогвлекува процесот.

Додека се расчисти судбината на оставките, и Филипче и неговиот заминик Хасани, како и директорите на тетвоската болница продолжуваат со работа, сопшти премиерот.. Но, самиот Хасани на неговиот Фејсбук профил веќе објави фотографија како се подготвува за операција и напиша дека се вратил во матичната клиника за трауматологија.

Свет

Британка загинала на скијање на Алпите, се удрила во друг скијач

Британка (62) загинала на скијање на француските Алпи.

Англичанката скијала на една од најпредизвикувачките падини на француската планина кога се судрила со друг скијач, објавија локалните медиуми. Несреќата се случила вчера околу 10 часот и 30 минути на планината Еги Руж во Савоа, кога удрила во 35-годишен маж кој во тој момент стоел на истата патека, јавува Скај њуз.

Службите за брза помош и спасувачките екипи брзо пристигнале на местото на несреќата, но не успеале да ја оживеат жената која починала од трауматски шок. Човекот со кого се судрила, наводно, бил британски државјанин. И двајцата скијале на нелегални патеки, најпредизвикувачките ски патеки со особено стрмни падини.

„Го поддржуваме семејството на Британка која почина во Франција и сме во контакт со локалните власти“, рече портпаролот на Министерството за надворешни работи.

Свет

Израелската војска: Во Сирија заробивме 3.300 парчиња оружје и два тенка

Израелските одбранбени сили (ИДФ) соопштија дека трупите кои дејствуваат во јужна Сирија заплениле повеќе од 3.300 оружје и друга воена опрема од падот на режимот на Асад.

Според војската, меѓу запленетите оружја има два тенкови, 70 гранати, 165 гранати и ракети, 20 противвоздушни проектили и околу 1.500 РПГ.

Војниците заплениле и 60 парчиња опрема за надзор и 570 електронски уреди, вклучувајќи компјутери и уреди за комуникација. ИДФ соопшти дека нивното распоредување во тампон зона на сириската страна на границата и на стратешки позиции надвор од таа зона е одбранбена и привремена мерка поради ситуацијата во Сирија.

The IDF says troops operating in southern Syria since the fall of the Assad regime have captured over 3,300 weapons and other spoils.

Among the weapons captured include two tanks, 70 grenades, 165 shells and rockets, 20 anti-aircraft missiles, and some 1,500 RPGs, the military… pic.twitter.com/MXFLhceOvz
— Emanuel (Mannie) Fabian (@manniefabian) January 15, 2025

Фудбал

Пеп Гвардиола по разводот се сели од вилата, што ја купил за 10 милиони евра (ФОТО)

Пеп Гвардиола наводно ќе се исели од семејниот дом во Барселона вреден 10 милиони евра, пренесуваат шпанските медиуми.

Неодамна се појави веста дека шпанскиот фудбалски тренер и неговата сопруга Кристина Сера се разведуваат по повеќе од 30 години брак.

Тренерот на Манчестер Сити секогаш остануваше во семејната куќа кога се враќаше во Барселона. Луксузниот имот во најелитниот кварт на Барселона некогаш бил во сопственост на Рафаел Маркез, а Гвардиола го купил за 10 милиони евра пред четири години. Вилата има четири ката и голем базен, а зафаќа парцела од повеќе од 22.000 квадратни метри. Самата куќа има 8.000 квадратни метри.

Според шпанските медиуми, се очекува Пеп по разводот да се исели од вилата и да продолжи да живее во луксузниот имот во Салфорд, Англија.

За потсетување, тренерот на Манчестер Сити и неговата сопруга раскинаа во декември минатата година. Веста ја соопштија водителките на подкастот на Мамараци - Лаура Фа и Лорена Васкез. Тврдат дека за разводот бил информиран само најтесниот круг на луѓе, а бил избегнат секаков контакт со медиумите. Тие додаваат дека засега не е познато дали Пеп и Кристина го започнале официјалниот процес на развод.

Двојката беше заедно повеќе од 30 години. Тие се запознале во 1994 година, а се венчале во 2014 година во Матадепера во близина на Барселона. Заедно имаат три деца, Марија, Мариус и Валентина. „Ел Периодико“ пишува дека врската меѓу Пеп и Кристина, и покрај разводот, е „целосно срдечна, стабилна и пријателска“.

Двојката живее одвоено во последните пет години. Таа живееше во Барселона, а тој остана во Манчестер поради работата. Семејството на Кристина зад себе има успешна модна компанија, а странските медиуми пишуваат дека таа се вратила во Барселона токму поради работата. Кристина е и писателка, по потекло од Бразил.