Заев: Ја прифаќаме суштината на Резолуцијата, но важно е и да е во согласност со Уставот

Ја прифаќаме суштината и структурата на Резолуцијата, како и текстот, без да менуваме ниту точка, ниту запирка. 

Но кога премиерот ќе поддржи документ спротивно на Уставот, тоа зборува за Владата, тоа зборува за државата, тоа зборува за институциите. Ова денеска го изјави премиерот Зоран Заев на новинарско прашање дали доколку не стои уставното име на државата во текстот на Резолуцијата поднесена од ВМРО-ДПМНЕ за националнуите црени линии, истата ќе ја поддржи.

– Покажавме доблест и се надминавме за целиот свет, за Бугарија, секако за сите нас дома нема дилеми за македонскиот јазик и за македонскиот идентитет. Имаше дилеми за Мицкоски, поднесоа резолуција. Суштината и структурата на целата Резолуција и текстот го прифаќаме без да менуваме ниту запирка, ниту точка. Има што да додадеме, би сакал да стои Преспански договор, би сакал да стои Договорот за пријателство и соработка со Бугаирја, зошто не. Еве не чепкаме да биде така, рече Заев.

Потсети дека пред некоку дена едногласно со 84 пратеници беше изгласан Мешовитиот комитет каде што стои Република Северна Македонија, потпишан и го копретседава господинот Александар Николовски, како и закони од безбедноста и одбраната гласани од сите заедно во Парламентот, вклучително и партијата ВМРО-ДПМНЕ.

– Испраќам позитивна порака, се разговара на овие прашања, навистина покажавме доблест и големина, еве и ДУИ во разговорите се приклучи, албанската опозиција исто така се приклучи, помалите партии се приклучуваат, суштината е важна, како што е важен и Уставот, оцени Заев.

Вчера шефот на дипломатијата Бујар Османи рече дека ДУИ ќе ја поддржи резолуцијата за црвените линии во преговорите со Бугарија, доколку се користи уставното име на државата, а Резолуција во која нема уставно име, како што рече, нема правна форма. Истакна дека во однос на тој документ е поважно да не се направи штета и повика на внимателност оваа политика да не добие етничка и партиска димензија, бидејќи, како што рече, може само да ја ослабе нашата позиција.

Резолуцијата на ВМРО-ДПМНЕ за евроинтеграцискиот пат на земјата и националните црвени линии е на дневниот ред на денешната 47. седница на Собранието.

Претседателот на ВМРО-ДПМНЕ, Христијан Мицкоски синоќа од скопски Карпош побара резолуцијата да биде прифатена од сите политички партии „без условувања и барање на изговори".

Научниците се обидуваат да го спречат изумирањето на белите носорози, останале само две женки

Екипа од меѓународни научници кои работат на изнаоѓање начини за што побрзо спасување на редок вид на северен бел носорог, велат дека постигнале напредок со производство на уште три ембриони.

Конзорциумот BioRescue, предводен од професорот Томас Хилдебрант од Лајбниц институтот за зоолошки градини и диви животни во Германија, соопштил дека овој месец се произведени уште три ембриони од подвидот на носорогот, со што вкупниот број живи ембриони се искачил на 12.

Научниците зеле јајца од една од двете преостанати женки од северниот бел носорог во паркот за диви животни во Кенија. Замрзнатите сперматозоиди од двајцата мртви мажјаци биле користени за оплодување, и велиот експеримент е направен во италијанска лабораторија.

Два од трите нови ембриони се произведени со користење на семето на северниот бел носорог, чиј генетски код служи за сите постоечки ембриони.

Сепак, третиот ембрион е произведен откако семето на Ангалифу, носорогот што живеел во Сафари паркот Сан Диего, а почина во 2014 година, е користено за прв пат.

Сегашниот план е да се создаваат повеќе ембриони на секои три до четири месеци, а тие наскоро ќе бидат всадени во сурогат мајки, женки на јужниот бел носорог, за да се спречи изумирањето на северната варијанта на белиот носорог. Тоа е потфат кој започнал во 2019 година.

Санкционирани 51 возач за пребрзо возење на територија на СВР Битола

Полициски службеници од СВР Битола денеска од 8 до 13 часот спроведоа засилена акциска контрола за санкционирање на возачи кои управуваат возило со брзина поголема од пропишаната на територија на СВР Битола, при што санкционирани се 51 возач.

Засилените сообраќајни контроли продолжуваат и во наредните денови, известуваат од МВР.

-Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, потенцираат од МВР.

Секторот за внатрешни работи Битола ги известува граѓаните дека на 1 и 2 август 2021 година (недела и понеделник), поради одржување на прослава по повод националниот празник Илинден во Крушево, ќе бидат преземени посебни мерки за безбедно и непречено одвивање на сообраќајот.

-Од тие причини, СВР Битола ќе преземе мерки за посебен режим на сообраќај, почнувајќи од 15.00 часот утре, па сè до 22.00 часот на 2 Август, на регионалниот пат Р-1306, делница: Прилеп – Кривогаштани – Крушево – Демир Хисар, како и на регионалниот пат Р-2337, делница: Крушево – место наречено Слива, на уличната мрежа низ градот Крушево и на патеките кои водат кон Мечкин Камен, информираат од полицијата.

За безбедно одвивање на сообраќајот потребно е да се почитуваат сообраќајните знаци, прописи и наредби на полициски службеници, велат од МВР.

Руски „Иљушин-76“ пристигна на помош во Турција за гаснење на пожарите (ВИДЕО)

Авион на руската служба за итни случаи Иљушин-76 слета денеска во Турција за да им помогне на тамошните власти во гаснењето на пожарот што беснее во околината на Анталија.

Три авиони што Русија ги испрати во Турција, од типот Б-200, веќе се во акција и го гаснат пожарот во околината на Анталија.

Еден од авионите денеска го гаснел огнот неколку часа на потегот помеѓу градовите Анталија и Манавгат, објави ТАСС .

Турските власти побарале помош за гаснење на пожарите во близина на населбите и туристичките зони каде што се руските туристи.

Руското Министерство за одбрана и Руската служба за вонредни ситуации одлучиле да одговорат на барањето на Турција за помош со испраќање 11 авиони за гаснење на пожарите.

Пожарите избувнале во средата, недалеку од одморалиштето Манавгат, јужно од регионот Анталија, поради екстремно високите температури, а во четвртокот огнот се проширил и на други области, вклучително и одморалиштата во Ајдин и Мугла.

притисни ентер