Заев: Европеизацијата на општеството и членството во ЕУ немаат алтернатива

Не станува збор просто само членството во ЕУ, за нас клучна цел е европеизацијата на нашата земја. 

„Не станува збор просто само членството во ЕУ, за нас клучна цел е европеизацијата на нашата земја. Покажавме вистинска посветеност на овој процес и покрај тоа што од 2005 година сме земја кандидат и 16,5 години чекаме да се случи следниот чекор. На јасно сме дека до членството ќе поминат можеби уште 5, 7 или 10 и повеќе години, но ЕУ е неопходно да ги исполни своите ветувања, да ни овозможи да го направиме следниот чекор", истакна претседателот на Владата на Република Македонија, Зоран Заев во емисијата „Конфликт зоун" на „Дојче веле" на англиски јазик и наведе дека за жал ЕУ не го испорача ветувањето пред граѓаните на Република Македонија и сега разочарувањето е навистина големо.



Претседателот на Владата Заев посочи дека европеизацијата и членството во ЕУ немаат алтернатива, пред сè поради вредностите на Унијата кои значат подобра и просперитетна иднина, но додаде дека земјите од Западен Балкан, кои се како своевиден остров оставен во ЕУ на овој начин се оставаат на можноста да се соочат со други влијанија.

Во однос на нашиот европски пат со Албанија, премиерот Заев истакна дека станува за збор за спојување од практична причина, при што наведе дека секоја земја треба да се оценува самостојно, иако во слична ситуација се најдовме пред неколку години, но во обратна насока кога патот на Тирана беше блокиран.

Премиерот Заев посочи дека оваа Влада преку Договорот од Преспа со Грција и со Договорот за добрососедство и соработка со Бугарија успеа во еден европски манир да реши децениски прашања.

Во насока на европеизацијата на нашата земја претседателот на Владата Заев истакна дека Северна Македонија е позитивен пример во регионот како мултиетничка и мултиконфесионална функционална демократија.

Во однос на пречките со Бугарија на нашиот европски пат, премиерот Заев изрази оптимизам дека по формирањето на политичка Влада во Софија се отвора можност за надминување на овие прашања и посочи дека Владата на Македонија го задржува курсот на посветеност и пријателство.

Владата бара разрешување на директорот на „Водостопанство“

Владата на последната седница го задолжи Управниот одбор на АД „Водостопанство“ да го раскине менаџерскиот договор со директорот, Локман Лимани и наложи надоместоците за членовите на Управниот одбор да се намалат за 50% во следните 12 месеци.

Ова според соопштението е заклучокот од владината седница на која што се разгледуваше прашањето за акционерското друштво кое е во долгови и чии вработени излегоа на протест да си ги бараат платите.

Од Локамни не добивме коментар на оваа владина одлука туку само информација дека се работи за препораки за раскинување на менаџерски договори и склучување на нови според препораки на министерството за финансии.

Претходно министерто за земјоделство Николовски за неисплатените веќе 4 плати и придонеси на државното Водостопанство се прогласи ненадлежен и остави со ова да се занимава Владата со појасснување дека од пред 4 години имаме добиено 3 милиони европски пари за проект кој треба да го врати стариот модел на управување со водоснабдувањето - локално преку водни заедници.

Во изминатиов месец протести за неисплатените плати и придонеси протести имаа речиси сите водостопански претпријатија кои својата работа на терен ја вршат, имаат и наплата на воден надомест а парите од централата не стигнуваат за плата.

Прстот за лошото менаџирања на Лимани го вперија и кочанските оризопроизводители за неплатените семтки за струја на водостопанство брегалница, тиквешките лозари остануваа без вода по каналите и со намалени приноси заради откажаните ремонти на пумпите во село Марена, а чашата се прелеа кога од ССМ во чиј склоп е агро синдикатот најавија дека ќе побараат предстечајна постапка за државното водостопанство.

За скандали поврзани со работењето на кадарот на Алијанса Лимани обвинија претходно и левица кои обвинуваа дека тој се луксузира а Вмро дпмне објави дека механизацијата на ова претпијатие се давала под закуп на прватни фирми по нереално ниски цени во исто време кога се откажувале барања за чистење на речни корита заради недостиг од механзиација.

ВМРО-ДПМНЕ: СДС призна вмешаност на чичкото на дезертерот Ковачевски, во неговото дезертирање

​СДС призна вмешаност на чичкото на дезертерот Ковачевски, во неговото дезертирање од АРМ.

Дезертерот Ковачевски не служел војска поради дијагноза трајно неспособен. Денес СДС призна дека во тоа бил вмешан неговиот чичко, кој во тоа време бил началник во Министерството за одбрана во Куманово.

Дезертерот Ковачевски да излезе и во камера да признае дека искористил фамилијарни врски да се пише трајно неспособен, во спротивно се спроведе постапка за одземање на деловната способност.

Откако точно самиот дезертер Ковачевски ќе каже зошто избегал од војска, тој треба да си поднесе оставка.

Центар за комуникации на ВМРО-ДПМНЕ

Зеќири сведочеше против Рашковски, вели дека не бил запознаен со софтверот

Немало одлука на Влада за набавка на сообраќајниот софтер на екс генералниот секретар Драги Рашковски.

Ова произлезе од денешното рочиште на кое тој се соочи со неговиот наследник Мухамед Зеќири како сведок. Тој кажа дека кога се набавува софтвер за друга институција, во случајов МВР, тогаш треба тоа да биде побарано, а потоа да се донесе одлука на Влада.

-Се запознав со софтверот откако се отвори случајот. Во одговорот кој до обвинителството го доставивме преку службите стоеше дека не постои одлука на Влада.

-Дали ви е познато дека се вршени проверки во генералниот секретаријат за ваков вид на софтвер пред да се набави?

-Точно не се сеќавам, мислам дека не беше.-Мухамед Зеќири – Сведок.

По што посочи дека софтверот не бил ставен во функција додека бил генерален секретар.

Обвинителката Трајчева е сигурна дека сведочењето на Зеќири го потврдило обвинението против Рашковски.

-Јас сум сигурна во тоа бидејќи ако ги слушнавте одговорите на сведокот, тој беше дециден дека Генералниот секретаријат не може да утврдува просечна брзина на возила во сообраќајот ниту да изрекува казни. И да не го кажеше тоа сведокот постои Закон за безбедност во сообраќајот во кој точно е појаснето кој може да ги врши тие функции.изјави – Ивана Трајлева – Обвинител во ОЈОГОКК.

Зеќири додаде и дека на владините седници на кои тој присуствувал не се разговарало ниту за софтверот за одредување на просечна брзина во сообраќајот ниту пак за системот за биометриска идентификација на вработените.

Токму околу ваков софтвер одговараше како сведок и ексдиректорот на Дирекцијата за заштита на на лични податоци, Горан Трајковски. Кога Рашковски го набавувал овој софтвер, добил известување во кое му било посочено да се води сметка на законите.

-Во ниту еден субјект кој е работодавец не може со биометрија да се врши евиденција на работно време. Ниту во Генералниот секретаријат, ниту во Македонија, ниту каде било во светот.

-Лажете дека никаде во свет биометриски податоци не се обработуваат поради евидентирање на работно време – му се спротистави Рашковски, на што Трајкоовски одговори дека

-Доколку некој работи во администрација – сигурно не му се обработуваат биометриски податоци.- Горан Трајковски – Сведок.

Судењто против Рашковски за набавката на софтверот и перење пари започна на почетокот на годинава додека Зеќири од домашен притвор е под истрага за сомнителни договори за консултантски услуги без постапка за јавна набавка.

притисни ентер