Заедно до победа за малиот-огромен јунак Василиј, кој има само 15 дена!

Канал 5 ТВ ги повикува сите оние кои можат да му помогнат на овој наш заеднички македонски јунак, кој е роден предвреме 28 недела, но за жал со проблеми со срценцето, белите дробови и малото јуначко главче

Роден е на 25 март, има само 15 дена „стариот“ Василиј, долг 44 цм а тежок 1,3 кг и за нас во моментов е најголемиот македонски јунак!
По раѓањето однесен на неонатална интензивна нега каде е ставен во инкубатор на респираторна поддршка. Белите дробови на Василиј не биле воопшто развиени и затоа морал да биде ставен во вештачка кома и префрлен на респираторна машина која ќе дише за него. Терапијата која докторите му ја препишле за развој на белите дробови делувале одлично и тој за само една недела делумно ги разви своите белите дробови.
Василиј имал и проблем со срценцето, но неговата мајка Симона Анчева вели:
„За среќа нашиот мал бореш со голема желба за живот во само 3 дена ја прифати новата терапија и се избори и со оваа голема битка и неговото мало срценце оздраве што уште повеќе ни даде надеж на сите. Толку е мал а толку голем борец и јунак, во само 7 дена се избори со две големи битки во животот, но животот сега му даде уште една нова во која сите веруваме дека ќе успее да победи“.

Поради своето предвремено раѓање малиот Василиј почна да крвари во главата кое докторите се обидуваат да го санираат и се надеваат дека повторно ќе му ја стабилизираат состојбата за да ја добие и третата „битка“.

Тој сеуште е во инкубатор и машина за дишење, процес кој ќе трае долго, можеби повеќе и од 2 месеци, за што се потребни средства овој наш можеби најмлад херој да ги добие сите битки и наскоро да ни се насмевне на сите во Македонија.
Затоа , нашата компанија Канал 5 ТВ ги моли сите добри луѓе, свои гледачи и читатели, знајни и незнајни, кој колку може финансиски да му помогне на Василиј - атој сигурни сме ќе ни врати со една насмевка !
Сметката на која можете да ги уплатите средствата е следнава:
Стопанска Банка АД Битола 500600019060885 – Симона Анчева
ул.Шарски Одред бр.11, Скопје-Центар

Заедно за Василиј!

Била бездомничка, а сега заработува милиони од фотографии и го вжештува Инстаграм (ФОТО)

Приказната на Елиза Роуз Вотсон звучи како сценарио на некој холивудски филм. 

31-годишната поранешна наставничка во еден момент од животот се најде на улица, како бездомник зависничка од наркотици и алкохол, а денес заработува милиони на платформата „ OnlyFans “.

Овој дипломиран психолог станала зависник од дрога на 23-годишна возраст, кога започнала да работи како манекенка. Потоа започнала да користи кокаин и некои други опијати, а покрај тоа станала зависна од алкохол. Се борела со тоа цели четири години.

„Би ги дала сите пари што би ги заработила за алкохол или кокаин“, изјави сега Елиза за британските медиуми, признавајќи дека украла пари и од нејзината мајка. Наскоро се нашла на улица, справувајќи се и со спиење со непознати мажи. Еден пријател ја убедил да побара помош.

"Еден ден таа се појави пред мојата врата и јас бев толку уморна што само отидов со неа кај анонимни алкохоличари. Почнав да се справувам со моите проблеми. Дотогаш, неколку пати се обидов да извршам самоубиство додека бев во болница и во полиција. Знаев дека не можам да продолжам така “, вели Елиза.

По рехабилитацијата се вработила во градинка. Таа вели дека за време на вработувањето била целосно искрена за своето минато и дека решиле да и дадат шанса, за што е многу благодарна. "Работата беше совршена, но не можев да заработам доволно. Сакав да ги вратам парите што ги украдов од мајка ми, да вратам некои долгови и да станам независна", вели таа.

Затоа, таа се свртела кон „ OnlyFans “. Во декември 2019 година, таа отворила профил на таа 18+ платформа. Првично заработувала, вели таа, 2.000 фунти месечно, а во пандемијата 100.000 фунти месечно. Заработила милион фунти последнава година.

Работи 16 часа на ден, седум дена во неделата. "Не се само сексуални разговори, сè е таму. Постојат жени кои ме прашуваат за совети за вежбање и слично", вели таа. "Тоа е како заедница. OnlyFans ми дозволува флексибилен живот, кога мајка ми или некој близок ми е потребен, веднаш можам да бидам таму за нив", заклучила Елиза, која сега на Инстаграм ја следат скоро милион луѓе.

Нема кислород во индиските болници, се ограбуваат камионите со боци

Шест болници во индискиот главен град Њу Делхи целосно останале без кислород и лекарите велат дека на останатите болници им преостанува снабдување за само неколку часа.

Голем број луѓе починале додека чекале кислород, а повеќе од 99% од сите кревети за интензивна нега се полни, јавува Би-Би-Си..

Индија е во костец на вториот бран на инфекции со Ковид-19 и денеска го забележа најголемиот еднодневен биланс на нови случаи во светот.Земјата досега забележала скоро 16 милиони потврдени инфекции.

Во изминатите 24 часа имало 314.835 нови случаи на коронавирус, додека смртните случаи пораснале за 2.104.

Има полициски извештаи за луѓе кои ги спречувале цистерните со кислород да отпатуваат во други држави, според телевизиската станица НДТВ од Делхи. Некои болници се обвинети за складирање на нивните залихи, додека имало појави и на грабежи.

Млад човек од Шпанија си ја убил мајка си и ја јадел, заедно со кучето (ВИДЕО)

На млад човек од Шпанија му се суди за убиство на неговата мајка, распарчување на нејзиното тело и јадење делови, пишува Би-Би-Си.

Алберто Санчез Гомез бил уапсен во 2019 година, откако полицијата отишла во станот на неговата 66-годишна мајка. Нејзините познаници повикале полиција, загрижени дека со денови не им се јавувала.

При влегувањето во станот, детективите пронашле делови од мртвата жена во пластични контејнери расфрлани низ станот и во фрижидерот. Локалните медиуми напишале дека младиот човек го расекол телото на повеќе од илјада парчиња. Тие исто така го пронашле 26-годишникот, како готви некои делови од нејзиното тело.

Полициските службеници на кои им ја отворил вратата изјавиле дека на прашањето дали неговата мајка е во станот, тој одговорил: „Да, мајка ми е тука, таа е мртва“.

Младиот човек признал дека готвел и јадел делови од телото, а некои му ги дал и на кучето.

На почетокот на судењето, Санчез Гомез тврдел дека слушнал „тајни пораки“ од ТВ и гласови кои му велеле: „Убиј ја мајка ти“. Гласовите, како што тврди, им припаѓале на неговите соседи, познаници и познати личности.

Тој, исто така, на судењето тврдел дека не се сеќава на убиството или на распарчувањето на телото.

Сега се соочува со казна од 15 години до доживотен затвор.

притисни ентер