Зачестена употребата на пиротехнички материјали во пресрет на празниците

Музика, празнична еуфорија и некоја чашка повеќе, предновогодишните празници веќе ги полнат угостителските објекти.

А, потоа ќе ги наполнат улиците со несовесни возачи, кои со некоја чашка повеќе седнуваат позади воланот, носејќи се себеси и сите околу себе во опасност. Од Брза Помош велат, зачестеноста на интервенции во овој период отскокнува од вообичаеното, од МВР пак најавија зачестени контроли и казни за алкохолизираните лица, со апел возачите да бидат одговорни.

-Возачите да се воздржат од консумирање на алкохолни пијалаци доколку планираат да управуваат моторно возило или доколку веќе им се случило да консумираат, едонставно да не седнуваат зад воланот. Алкохолот знаеме, ја намалува способноста за управување ги намалува рефлексите ја намалува концентрацијата.- Сузана Прањиќ – Портпарол на МВР.

-Најважно нешто е да не се управува со моторно возило кога се алкохолизирани лицата, да ги почитуваат тие правила бидејќи после тоа имаме сообраќајни незгоди кои што понекогаш се и со фатален исход,- Д-р Маргарета Атанасовска Трипуновска – Брза Помош.

Но, повредите не се само од сообраќајот, пиротехничките средства секоја година во болница голем број на граѓани од кои најчесто се деца, па за оваа бројка да се намали и годинава апелите се да не се користат.

Имаме повреди од типот на топлотни, имаме опекотини, може да настане оштетување на видот, очите, оштетување на слухот и оние најфаталните каде што има механички повреди, губење на некој дел од телото. -

-Секогаш треба да го имаме на ум податокот дека над 150.000 лица секоја година остануваат инвалиди токму поради употребата на петарди и дека дури 80% од нив се деца. – Сузана Прањиќ.

Искинати јазици, повреда на очи, рани по кожа, епилетпични напади, ова се само дел од последиците со кои се соочуваат и животните кои се најизложени на пиротехничките средства, велат ветеринарите. Побараа совесност кон животните и грижа за нивното здравје.

Јавната свест што е на релативно ниско ниво, поготово помладата категорија на граѓани, намерно дури фрлаат пиротехнички средства, дали петарди или што и да е и тоа најчесто према бездомни животни, мачки, кучиња и тоа им е некаков вид на забава. Трева да им укажеме на нашите поколенија дека тоа воопшто не е добро затоа што на тој начин можеме да направиме трајно оштетување, повреда или инвалидитет на некое недолжно суштество што само случајно се нашло во околина.

Неовластената употреба на пиротехника го прекршува три закони, законот за прекршоци против јавниот ред и мир, законот за заштита од експлозивни материи и кривичниот законик. Од МВР апелираат да се почитуваат законските прописи, а неовластеното продавање на пиротехника да го пријават во полиција.

Мајка од пеколот: Тригодишни близначиња починаа од предозираност со дрога

Џестис Џејмс (22), мајка на тригодишните синови близнаци Џоши и Џестин, е обвинета за убиство и злоупотреба на деца, откако децата починале поради прекумерна изложеност на дрогата фентанил.

Како што објави „Дејлимејл“, децата биле пронајдени во несвест на 11 јули во куќа во паркот Канога, Калифорнија. Тие не реагирале и не биле свесни кога болничарите пристигнале во станот во кој била Џастис Џејмс со нејзиното момче и нејзиното семејство.

Братчињата итно биле пренесени во блиската болница, но веќе било доцна. Џоши починал подоцна истата вечер, а Џестин два дена подоцна.

Џонатан Хатами, заменик окружен обвинител, рече дека ова е прв пат во областа на Лос Анџелес родителите да бидат обвинети за смрт од предозирање поврзано со фентанил.

Употребата на оваа дрога е во пораст, што е вознемирувачки тренд во последните години во САД. Поради истрагата, која се уште не е завршена, обвинителот не сакал да даде повеќе детали за тоа како близнаците биле изложени на дрога.

„Имавме уште четири слични случаи во последните шест месеци во Лос Анџелес. Децата се највредното нешто што го имаме. Тие не купуваат фентанил, не пушат. Возрасните го прават сето тоа, но невините деца плаќаат Највисоката цена е неприфатлива“, рече Хатами.

Мајката на малите деца, Џастис Џејмс, се појави на суд во вторникот и изгледала вознемирено. Во публиката имало уште неколку членови од нејзиното семејство. Таа била задржана во притвор откако ѝ била одредена кауција од четири милиони долари.

Ќе добие адвокат на нејзиното следно судење закажано за 31 јули. Членовите на семејството тврдат дека таа била грижлива мајка и не би направила ништо за да им наштети на синовите. Близнаците неодамна го прославиле третиот роденден, а за Денот на независноста биле на плажа и го гледале огнометот.

Семејството формирало фонд на GoFundMe за да собере пари за погребот на момчињата.

„Ова е навистина тешко за семејството. Сакаме сите да бидат свесни за опасностите од фентанилот“, рекла бабата на момчињата, Реџина Холмс.

Страшна снимка од Индија: Збеснати бикови нападнаа жени во продавница (ВИДЕО)

Во драматичен инцидент минатата недела во Ришикеш, Индија, две жени биле нападнати од разбеснети бикови во продавница.

Индијките се соочија со застрашувачко искуство на 12 јули, кога два диви бикови упаднале во продавница во Ришикеш, Утараханд (Индија). На снимката од инцидентот се гледа како огромните животни, спонтано влетуваат во продавницата и демолирале сѐ пред себе, а потоа им се нафрлаат на муштериите, пренесува Мирор.

Биковите, кои првично биле преокупирани меѓусебно борење и удирање со главите, одеднаш ја свртеа својата агресија врз жените кога едната се обидела да побегне качувајќи се на робата.

На шокантната снимка се гледа како бик се пробива по Индијките: животното во паника скокнало врз нив, расфрлајќи ги торбите и робата што ги заштитила жените од сериозни повреди.

Храбриот продавач брзо интервенирал, се качил на своите производи и со стап избркал еден од биковите, правејќи простор за жените да избегаат, а потоа го избркал другиот бик кој бил заглавен зад жените.

Жените поминале добро, со неколку ситни гребаници, благодарение на чантите и другите ситници.

Извршниот директор на Муники Рети Нагар Палика, Танвер Марвах, рече дека се прават напори за отстранување на бездомните животни од улиците за да се спречат слични инциденти во иднина.

Голема размена на руски и украински заробеници: Бевме во смртна опасност

Русија и Украина денеска разменија по 95 воени заробеници во најновата размена со посредство на Обединетите Арапски Емирати, соопштија украинскиот претседател Володимир Зеленски и руското Министерство за одбрана.

Руското Министерство за одбрана во соопштението објавено на Телеграм наведува дека ослободените руски војници ќе бидат префрлени во Москва на медицински прегледи и физичка и психолошка рехабилитација.

Тие додаваат дека војниците биле во „смртна опасност“ во украинско заробеништво. Украинскиот претседател рече дека ослободените украински затвореници биле припадници на украинските вооружени сили, Националната гарда и граничната служба.

Зеленски им се заблагодари на Обединетите Арапски Емирати за помошта. Тоа е трета ваква размена во изминатите седум недели.

Во последната размена, која се одржа во јуни и беше посредувана од Обединетите Арапски Емирати, Русија и Украина разменија по 90 затвореници.

притисни ентер