За Ковачевски Собранието функционира, Мицкоски најави втор и трет чекор

Собранието не е супермаркет, каде за некои закони давате а за некои не давате поддршка, изјави денеска премиерот Ковачевски,а лидерот на ВМРО-ДПМНЕ и денеска потврди дека ќе се спротивстават само на штетните закони.

И покрај бојкотот на дел од опозицијата Собранието функционира. Дневниот ред на пленарната седница е усвоен, а вчера почна и расправата за избор на уставни судии, оцени премиерот Димитар Ковачевски по посетата на Општата болница во Прилеп. Тој одговарајќи на новинарски прашања, ги повика пратениците да бидат одговорни, бидејќи како што рече, несериозно е во време на светска енергетска криза да се бојкотира Парламентот, а со тоа и општествените процеси.

„ Не постојат закони кои не влијаат на општествените процеси во позитивна смисла и не може Собранието да се смета за супермаркет каде некој ќе одлучува кој закон ќе помине, а кој нема да помине. “

На тврдењата на СДСМ дека пропаднале обидите за блокадата на Собранието од пратениците на ВМРО-ДПМНЕ, претседателот на опозициската партија Мицкоски одговори дека тие дале шанса во првите 100 дена од новата Влада, но од власта одлучиле на брутален начин да ја одбијат подадената рака за отпочнување на дијалог за предвремени избори. Мицкоски посочи дека ВМРО-ДПМНЕ како прв чекор ќе го блокира активно секој закон кој не е во интерес на граѓаните.

„Во понеделник ќе имаме седница на Извршниот комитет, ќе отвориме и дискусија и за вториот и за третиот чекор, ова е стратегија која што многу ќе трае. Ова нема да биде инстант акција која што ќе заврши денес или утре. Ова е стратегија која што ќе трае, јас не очекувам дека туку така ќе ја напуштат луѓето фотелјата која што ја држат. Бидејќи тие знаат дека никогаш повеќе во животот ќе немаат таква можност. И грчевито се борат небаре ова е последниот ден за сите нив. А, гледаат дека само народот е тој што губи, и ќе ја испорача народот сметката.“

Во однос на преговорите со Бугарија, премиерот Ковачевски повтори дека решение е можно само доколку тоа се заснова на европски вредности, на принципи на достоинство и на меѓусебна почит. Тој рече дека на 22 мај нема да има заедничка владина конференција со Бугарија бидејќи агендите тоа не го дозволувале, додека во меѓувреме министерствата за надворешни работи разменуваат идеи, но немаат усогласено заедничко решение. Прашан за чествувањата што се организираат по повод 24 мај, Ковачевски рече дека ќе имаме наша македонска делегација во Рим која тој ќе ја предводи. Мицкоски пак оцени дека не постојат шанси за достоинствено отстранување на ветото. Тој упати порака до Европската Унија да се обедини околу политчката агресија на Бугарија врз Македонија и да дозволи конечно отпочнување на прегооврите.

Наизменичен режим на сообраќај на патот кон ГП Блаце

Сообраќајот кон граничниот премин Блаце се одвива со наизменично пропуштање на возила, поради одрон во близина на метото викано „Вражји вир".

– Поради одрони на патот на улица „Јадранска магистрала" поточно на м.в. Вражји вир, сообраќајот не е во прекин и се одвива со наизменично пропуштање на возилата, информираат вечерва од АМСМ.

Претходно, денеска сообраќајот беше прекинат во двата правци./MИА

Започна ноќното бележење на хоризонталната сигнализација на градските улици и булевари

Екипите на ЈП Улици и патишта, кои ја одржуваат хоризонталната сигнализација, по налог на Град Скопје почнаа со ноќното обележување на сообраќајниците  низ градот.  

Во текот на изминатата ноќ се вршеше бележење на хоризонталната сигнализација на бул. Илинден во насока од бул. ВМРО кон улицата Никола Парапунов, машинско обележување на надолжни линии и такси станици кај СЦ Борис Трајковски, како и на улицата Франклин Рузвелт.

Вечерва машинско бележење на хоризонтална сигнализација ќе се врши во општина Центар на бул. М.Т.Гологанов на потегот од бул. Климент Охридски кон Рузвелтова.

Во рамки на пролетната акција во општина Ѓорче Петров вчера вечер започна обележувањето на такси станиците. Вечерва обележувањето на такси станиците од страна на ЈП Улици и патишта продолжува во населба Автокоманда.

Според однапред утврдената динамика на Град Скопје и Секторот за сообраќај, екипите на ЈП Улици и патишта продолжуваат во наредниот период со обновување и бележење на хоризонталната сигнализација и на сите преостанати сообраќајници со цел зголемување на безбедноста на сите учесници во сообраќајот.

Град Скопје

Маск со критика до „Twitter“: Алгоритамот манипулира со корисниците

Илон Маск, избвршниот директор на компаниите „SpaceX“ и „Tesla“, истакна дека алгоритамот на „Twitter“: манипулира со корисниците.

Идниот сопственик на „Twitter“ на својот личен налог на оваа мрежа одлучи да го критикува алгоритамот на популарната платформа. Според неговите зборови, многи е важно Твитер корисниците да го поправат својот „Twitter feed“.

Маск истакна дека корисниците се „изманипулирани од страна на алгоритамот“ на начини кои и м се непознати на корисниците, и дека разликата можат да ја видат при префрлање меѓу „Latest Tweets“ и „Home Tweets“.

Маск објаснува дека не сугерира дека има „злоба во алгоритмот“, туку дека, во рамките на „Home Tweets“, алгоритмот се обидува да му покаже на корисникот што сака да прочита, што ненамерно ги манипулира/зајакнува неговите ставови без да сфати дека тоа се случува.

Маск понатаму споменува дека има грешки во кодот на „Twitter“, а за да се решат овие проблеми со доверба во алгоритмот, тој треба да биде со отворен код.

притисни ентер