Врие во јавниот сектор - вработените во судската администрација и денеска излегоа на улица

Барањата остануваат исти – револтот од ден во ден се поголем, вработените во судската администрација и денеска излегоа на улица. 

На министрите во Владата им порачаа дека не сакаат трошки од Буџетот, си ги бараат, како што велат законски предвидените 0,8% од БДП кој изминативе години ни половина од нив не ги добивале.

„Да не ни се доделува трошка, како минативе години 0,3%, со тоа што со тие 0,8% ние би имале и за покачување на платите и реновирање на судници, и сите потреби за нови вработувања, бидејќи преголем е одливот на вработени во судовите кои даваат откази... “-Јасмина Величковска - синдикална организација на судска администрација

Во петок излегуваат на голем протест пред Собранието, заедно со вработените во обвинителствата, Фондот за здравство, Народниот правобранител.

„Овој протест ќе биде пред Собрание на Македонија, каде што ќе укажеме на пратениците дека постојат служби кој работат за нив, кој работат за државата. Не само што ќе го искажеме нашето незадоволство, овој револт постои не само во судскиот систем, туку и во другите сектори....“- Горан Ристевски – независен синдикат на државна администрација

Пари за плати има за сите, но има и општ колективен договор кој треба да се почитува, им порача министерката за труд и социјална политика Јованка Тренчевска на буџетарите, откако вчера првиот човек на УПОЗ рече дека се сомнева дека јавната администрација во март нема да го добие усогласувањето на минималанта плата.

„Усогласувањето во март ќе видиме дали ќе биде затоа што потпишувањето на оштиот колективен договор беше воспоставување на нова методологија, 10 % во септември што ги зедоа сите вработени во јавниот сектор. Во септември 2024 година уште едно уште едно усогласување на платите и во март 2025 година да започнеме со новата пресметка на платите, односно коефицинет помножен со просечна плата.“- Јованка Тренчевска – министерка за труд и социјална политика

Премирот Ковачевски пак уверува дека усогласување со минималецот наредната година ќе има, а дијалогот со синдикатите ќе продолжи.

„Буџетот се наоѓа во собраниска процедура, меѓутоа сметам дека на крајот повторно ќе се изнајде решение во текот на оваа и идната година. Усогласување со минималната плата нормално дека ќе има бидејќи тоа е законска обврска и тоа ќе се случи во текот на идната година...“- Димитар Ковачевски – премиер

Револтот кај вработените во јавниот сектор се појави откако пролетва се заголемија фунцкинерските плати за 78%... аргументот на сите е истито – ако има за функционерите, мора да има и за останатите...

Тиквеш пристигна во Исланд, утре игра реванш натпревар со Бреидаблик

Екипата на Тиквеш, која го освои Купот на Македонија, доцна синоќа пристигна на Исланд, каде утре треба да го одигра реванш натпреварот од 1. коло во Конференцуската лига на УЕФА против тамошниот претставник Бреидаблик.

Кавадарчани во Скопје пред една недела со пресврт славеа над исландскиот тим со 3.2, па сега со позитивни мисли заминаа на реваншот кој е на програмата утре.

„Јас на полувреме им реков на играчите дека ќе биде греота за сите нас ако не иизедначиме, барем на 2:2. Го имавме и оној психолошки момент кај некој играчи. Јас знам како можат да изиграат. Тиквеш може многу многу повеке од ова. Тиквеш денеска покажа само 50% од своите можности. Одиме и во четврток да победиме, нема да се браниме, напротив. Знам дека сега ќе не гледат со други очи“, изјави тренерот на Тиквеш по натпреварот во Скопје.

ММФ ја задржа прогнозата за светскиот економски раст од 3,2 отсто годинава и 3,3 отсто во 2025

Светската економија ќе има раст од 3,2 отсто во 2024 година и за 3,3 отсто во 2025 година, се вели објавената јулската светска економска перспектива на Меѓународниот монетарен фонд (ММФ).

Прогнозата е непроменета во однос на претходниот извештај од април.

„Економската активност покажа отпорност на почетокот на годината, поддржана од силната приватна потрошувачка во клучните економии“, рече Жан-Марк Натал, заменик-шеф на Одделот за светски економски студии во Одделот за истражување на ММФ.

Тој предупреди дека глобалниот пад на инфлацијата во светот забавува поради постојаната инфлација во услужниот сектор, се наведува на веб-страницата на ММФ.

„Приоритет за креаторите на политиката е да ја вратат стабилноста на цените и да се справат со наследството од неодамнешните кризи. Централните банки треба да бидат претпазливи во поглед на прераното ублажувањето на монетарната политика и да останат отворени за дополнително заострување доколку е потребно“, додаде Натал.

Според прогнозата на ММФ, американската економија ќе има раст од 2,6 отсто годинава и 1,9 отсто во 2025 година, додека економскиот раст на еврозоната ќе изнесува 0,9 отсто годинава и 1,5 отсто следната година.

Кинеската економија ќе има раст за пет проценти годинава и ќе забави до 4,5 проценти следната година, според Меѓународниот монетарен фонд.

Американските тајни служби добиле информации за наводен ирански план за атентат врз Трамп

Американските тајни  служби добиле информации за наводен ирански план за атентат врз поранешниот претседател Доналд Трамп, објавија Си-Ен-Ен и „Њујорк тајмс“, повикувајќи се на доверливи извори. 

Поради тоа американска тајна служба неодамна ги зголемила безбедносните мерки за заштита на Трамп.

Атентаторот од Батлер, Пенсилванија, кој во саботата пукаше врз Трамп, според актуелните сознанија на истрагата се смета дека делувал самостојно.

Ирански дипломати веднаш ги демантираа медиумските извештаи. „обвинувањата се без основа и злонамерни“, изјавил претставник на Техеран во ОН.

„Трамп е криминалец против кого се водат кривични постапки и кој мора да биде казнет на суд поради смртта на Касем Сулејмани“, истакнал иранскиот амбасадор.

Сулејмани беше командант на бригадите Кудс и на почетокот на 2020 година беше убиен во американски ракетен напад во близина на аеродромот Багдад во Ирак. Сулејмани важеше за една од најмоќните водечки фигури во иранскиот режим.

притисни ентер