Мицкоски: Добив информации за моја елиминација која ја нарачува власта

Интегрален текст од прес-конференција на Претседателот на ВМРО-ДПМНЕ Христијан Мицкоски.

Почитувани претставници на медиумите,

Почитувани граѓани,

Ова што вечерва ќе го говорам го кажувам со ладна глава и со повик за смиреност во овие тешки времиња.

Вечерва се случи тежок инцидент кој по сите параметри е класична полициска монтажа чија цел беше или убиство на некој недолжен граѓанин, мајка со дете, пензионер, млад човек или мое убиство.

И ова требаше да личи на меѓуетнички конфликт, а всушност не е ништо повеќе од борба за власт, фотелји и функции на партиите кои се дел од владата.

Ова нема врска со меѓуетничка нетрпеливост, туку единствено борба за гола власт.

Меѓу другото подолго време добивам неформални информации кои говорат за моја елиминација која ја нарачува власта. Не придавав значење

Вечерва видовме најмалку две лица со огнено оружје кои беа подготвени тоа да го направат. Полицијата ја немаше на потребното место, и мистериозно се појави помала група од 10тина луѓе кои беа наоружани со огнено оружје. Тие дури направија и повеќе истрели кои само за чиста среќа не завршија во илјадниот народ кој излезе мирно да протестира против оваа власт.

Сакам да потсетам дека ваквото сценарио ќе повторам ваквото сценарио го најави власта. Министерот за надворешни работи Бујар Османи најави дека ќе има меѓуетнички тензии ако не поминел предлогот кој опфаќа асимилација и бугаризација на Македонија.

Ковачевски и Спасовски во континуитет градат милитантен контекст на создавање тензии и поделби. Најава за молотови коктели, жртви и слично. И тоа откако не им успеа а тоа беше сценариото за уфрлање на полициски инфилтрати кои ќе предизвикаат инциденти, а за кои подоцна ќе биде обвинет мирниот и достоинствен народ. Вечерва го достигнаа врвот во својата монструозност каде требаше да се загуби човечки живот, еден или повеќе за да тие останат на власт и што е пострашно да продолжат да крадат.

Овој пиштол кој го гледате на фотографијата и видете го народот кој не му се плаши е свртен кон народот. Тоа е пораката од власта. Оваа слика јас ви ветувам дека нема да ја заборавиме.

Тој беше насочен за губење на нечиј невин човечки живот.

На овие слики кои ги гледаме не е најважна етничката припадност , туку гледаме криминалец, хушкач на власта кои заедно со власта оди против народот.

И немојте да се обидувате да кажувате дека луѓево се припадници на една или друга политичка опција. Тие имаат една страна, а тоа е страната на криминалот, и тоа дека имаат тесни врски со власта за која одработуваат.

Ќе ми дозволите една директна порака до албанците... Оваа борба е заедничка, наша, за нашата заедничка иднина, каква што била низ вековите, и каква што ќе биде во заедничката иднина која ќе ја градиме заедно во достоинствена Македонија.

Бидејќи нема да има колективна среќа ако македонскиот народ биде понижен.

Порака до Македонците, да останеме мирни и достоинствени, и грчевито, храбро да се бориме за нашата иднина. Знам колку е тешко и какви времиња носиме со себе. И против што се бориме.

Сакам да ве уверам дека и покрај тоа што има хушкачи помеѓу Македонците, луѓе кои што лиферуваат на дневна основа лажни вести сакајќи да ги манипулираат Македонците нема да отстапам, ниту да се повлечам. Ќе одиме до крај. Уште побројни, помасовни продолжуваме утре во 19 часот пред владата, а јас заедно со вас ќе го предводиме повторно победничкиот марш за слободна Македонија.

Нема чекор назад. Затоа што ќе одиме напред со народот на Македонија, силно, мирно и со крената глава.

Христијан Мицкоски, претседател на ВМРО-ДПМНЕ

Министерот Сали во посета на дебарската болница

Министерот за здравство Беким Сали ја посети Општата болница со проширена дејност во Дебар, која здравствени услуги нуди и за жителите од Општина Центар Жупа, а по потреба и за оние од долнореканскиот крај, Општина Маврово и Ростуше.

За посетата тој информираше преку објава на Фејсбук, во која наведува дека на оваа здравствена установа и се потребни инвестиции во опрема но и кадар.

-Имав прилика да ја посетам дебарската болница. Најпрво морам да му се заблагодарам на медицинскиот персонал, кој дава се од себе за да биде на услуга на граѓаните и нивните потреби. Болницата во Дебар веќе подолго време се соочува со недостиг на инвестиции, како во кадровско планирање, така и во професионална опрема, напиша Сали.

Додава дека во разговорот со пациентите, лекарите и персоналот на оваа болница, констатирале дека на болницата во Дебар и се потребни инвестиции во опрема и кадар за да се обезбедат најквалитетни здравствени услуги.

Болницата во континутет се соочува со недостиг пред се на лекари специјалисти. Неодамна се пензионираа неколу, а се очекува за неколку месеци во пензија да заминат и други лекари. Во меѓувреме најмалку седум лекари се на специјалзација по разни медицински гранки на клинките во Скопје.

По пензонирањето на досегашниот директор Баки Алили, познат специјалист за уво, грло и нос, вршител на должноста е педијатарот Севдие Коџа.

Лукаревска: Советничката листа на СДСМ е вистинско решение за Тетово

Изборната програма и кандидатите за советници на СДСМ и Коалицијата се најдоброто за Тетово,се наведува во партиското соопштение. 

Тоа се вредни и угледни луѓе кои знаат како да се борат за реашавање на вашите секојдневни проблеми, за развој и подобар живот за сите во европско Тетово, порача заменик претседателката на СДСМ Сања Лукаревска.

Таа ги повика граѓаните на 20 август, во сабота да гласаат за број 1 за советничката листа на СДСМ и коалицијата, бидејќи бројот 1 го гарантира најдоброто.

Во сабота вие одлуччувате дали ќе дозволите Тетово и понатаму да биде парализирано и нефункционално или ќе ги поддржите проектите кои му се потребни на градот и на сите граѓани, вие одлучувате дали ќе продолжат празните ветувања или ќе гласате за нов парк и спортска сала, реконструирани улици и училишта, повеќе паркинг места, спотски сали, истакна Лукаревска,

СДСМ му мисли добро на Тетово и на тетовчани, советничката листа на СДСМ предводена од Глигорије Стојановски е вистинско решение за Тетово, гласајте за број 1 за европско и модерно Тетово, порача заменик претседателката на СДСМ Сања Лукаревска.

Позната е внатрешноста на новиот електричен Мерцедес (ФОТО)

Mercedes ја откри внатрешноста на новиот модел, чија премиера е закажана за 16 октомври.

Станува збор за теренецот EQE, нов електричен модел кој на пазарот ќе пристигне како „мултифункционална верзија на седанот EQE“. Најновиот член на растечкото семејство EQ ќе ја има најновата верзија на интерфејсот MBUX Hyperscreen со три големи екрани под еден капак. Моделирани по лимузината, отворите за „турбина“ се задржани, но и целокупниот израз се гледа на основната EQE.

Предвидени се пет комбинации на ентериерот, а на фотографиите може да се види изданието во комбинација од балао кафена и нева сива кожа. Исто така, Mercedes ќе понуди и „хибриден“ материјал кој ја комбинира топлината на дрвото со технички студениот изглед на вистинскиот алуминиум.

Кога станува збор за возењето, не треба да има изненадувања. Почетниот модел ќе има батерија од 90 kWh и нешто помалку од 300 КС. По него ќе следи AWD верзија со два електромотори и наводно две AMG верзии. На точка на врвните перформанси, зборуваме за 688 КС и дури 950 Nm.

притисни ентер