Во земјава активни 19.104 случаи со Ковид-19, дневно во светот по три милиони новозаразени

Лесното пренесување на новата варијанта на Ковид-19 – омикрон, како во светот, така и кај нас, продонесе за драстично зголемување на бројот на новозаразени. 

Според последните податоци во земјава се активни 19.104 случаи. Од почетокот на пандемијата досега се направени вкупно 1.727.856 тестирања, дијагностицирани се 250.876 заболени, оздравеа 223.606 пациенти, а починаа 8.166 лица.

Министерот за здравство Беким Сали, околу најавите на промените во Комисијата за заразни болести, нагласи дека тие промени ќе бидат во насока на проширување и дополнување на нејзиниот состав со нови професионални кадри од повеќе области, посочувајќи дека во тек се дискусии за тоа прашање.

Професионалното работење на Комисијата за заразни болести, посочи министерот, е од најголема важност, а одговорот кон потребите на граѓаните врвен приоритет.

– Апсолутно го разбирам интересот на јавноста за натамошните чекори поврзани со составот на ова тело, бидејќи околностите бараат засилено и координирано дејствување врз основа на стручни и реалистични проценки. Во оваа Комисија веќе има доста искусни професионалци во своите области, а натамошните чекори ќе подразбираат надградба, усовршување и професионализација. Целта на овие мерки е секако намалување на бројот на заразени лица, како и воопшто заштита на јавното здравје, во најдобар интерес на граѓаните, додаде министерот Сали.

Имено, повеќе од три милиони новозараени со коронавирус дневно биле пријавувани во просек во светот помеѓу 13 и 19 јануари, повеќе од петпати отколку на крајот на ноември кога се појави сојот Омикрон.

Во изминатите седум дена во просек биле пријавени 3.095.971 случај на ден, што е зголемување за 17 отсто во однос на претходната недела.

Ширењето на сојот омикрон, предизвика нагло забрзување на пандемијата во светот во последниве недели: сегашните бројки се околу 440 проценти повисоки од 569.000 случаи дневно пријавени во просек помеѓу 18 и 24 ноември 2021 година, кога омикрон сојот на коронавирусот беше откриен во Јужноафриканската Република и Боцвана.

Тековните податоци се значително повисоки од бројките во претходните бранови на Ковид-19 во светот. Пред појавата на омикрон, рекордот беше 816.840 случаи на ден кои беа пријавени во просек помеѓу 23 и 29 април 2021 година.

Во моментов, најголем пораст на инфекции има во Азија (385.572 случаи на ден во просек во последните седум дена, што е за 68 проценти повеќе од претходната недела), Блискиот Исток (89.900 заразени дневно, +57 проценти) и Јужна Америка и Карибите (397.098, +40 проценти).

И бројот на смртни случаи во светот моментално е во пораст (7.522 смртни случаи дневно во просек во последните седум дена, што е за 11 отсто повеќе од претходната недела) и тој број е поголем од бројките објавени кон крајот на ноември.

Тешките форми на болеста, исто така, се чини дека се поретки кај омикрон отколку кај делта, варијанта која претходно доминираше. Во Велика Британија, на пример, бројот на нови инфекции се зголеми за повеќе од 330 отсто во просек помеѓу крајот на ноември и почетокот на јануари. Во исто време, бројот на пациенти на респиратори не се зголеми.

Вчера грчкиот весник „Та неа" објави дека најмалку 40 монаси на Света Гора починале од Ковид-19, од вкупно 1.800 монаси, околу 1.000 се разболеле, а само 500 се вакцинирани.

Игуменот од еден од манастирите, архимандритот Вартоломеј за весникот вели дека процените се дека над 40 монаси починале од Ковид-19, од кои двајца вчера и додава дека некои монаси се хоспитализирани и приклучени на апарати на интензивна нега.

Весникот пишува дека еден манастир е во карантин, два-три манастири, превентивно се затворени за верниците, а меѓу постојаните жители на Света Гора има и 400 монаси од Србија, Романија, Бугарија и Русија, кои категорично одбиваат да се вакцинираат и кога дел од нив се разболеле, побарале лекари од Белград, бидејќи не сакале лекување од грчки лекари.

Според „Та неа", но и според натписите во грчките медиуми од изминатиот период за време на пандемијата, на Света Гора постојат постари монаси кои се категорично против вакцинацијата и се најгласни меѓу антиваксерите, а воедно ги советуваат и верниците кои ги посетуваат дека не треба да се вакцинираат.

По изјавите на монах од Света Гора дека постојат монаси – антиваксери кои со нивната реторика ги повикуваат верниците да не се вакцинираат и се одговорни за многу смртни случаи, пред неколку дена реагираше Обвинителството во Солун и покрена истрага за евентуално ширење лажни вести.

Бројот на заразени за зголемува и секоја земја презема различни мерки, па така австрискиот Парламент вчера изгласа задолжителна вакцинација на возрасните против Ковид-19 од 1 февруари.

Австрија е првата земја во Европа која воведува задолжителна вакцинација. Пратениците гласаа за задолжителна вакцинација, што ќе важи за сите жители на возраст од 18 и повеќе години. Исклучок се бремените жени, лицата кои не можат да се вакцинираат од здравствени причини или кои закрепнале од инфекција со коронавирус во последните шест месеци.

До средината на март е планиран преоден рок без казни, а потоа високи казни до 3.600 евра.

Од друга страна, британскиот министер за здравство Саџид Џавид, нагласи дека Велика Британија мора да научи да живее со Ковид-19, бидејќи болеста може да остане меѓу нас засекогаш.

– Мораме да научиме да живееме со него. За жал, луѓето умираат и од грип: во тешка година со грип, за жал може да изгубите околу 20.000 животи, но затоа не ја затвораме целата земја. Ковидот нема да замине. Ќе биде меѓу нас многу, многу години, можеби засекогаш, и мора да научиме да живееме со него... Мислам дека сме лидери во Европа во транзицијата од пандемична во ендемична и водиме во покажувањето кон светот како може да се живее со Ковид-19, истакна министерот.

Британскиот премиер Борис Џонсон завчера најави дека следната недела ќе ги укине повеќето рестриктивни мерки воведени за контрола на омикрон сојот на коронавирусот во Англија, како и дека во март планира да ја укине изолацијата за луѓето кои биле позитивни на вирусот.

Од 27 јануари носењето маска веќе нема да биде задолжително, нема да биде официјално препорачливо да се работи од дома, а ковид потврдите веќе нема да се бараат за влез во ноќни клубови и одредени поголеми собири, изјави конзервативниот лидер во Парламентот.

– Со оглед на фактот дека ковидот станува ендемична болест, ние треба да ги замениме законските обврски со упатства и препораки, истакна Џонсон.

Манифестација „Цртање на асфалт" на Детски културен центар „Карпош"

ЈУ Детски културен центар „Карпош" денеска организира манифестација „Цртање на асфалт", во која учествуваат најмалите, односно децата од сите градинки од Скопје и околината.

Манифестација, како што информираат од Детски културен центар, е посветена на денот на македонските просветители Св.Кирил и Методиј, кои се едни од најзначајните личности во македонската историја.

ДКЦ Карпош за манифестацијата ќе обезбеди материјали за цртање (креди во боја), ќе организира пригодна програма, како и запознавање на децата за значењето и одбележувањето на овој голем ден како празник.

Децата од предучилишните установи, како и изминатите години ќе можат да ја изразат својата креативност со своите цртежи кои ќе бидат по слободен избор. Манифестацијата ќе се одржи на плочникот позади Соборен храм, посочуваат од Детски културен центар.

Бајден Во Токио се сретна со јапонскиот цар и премиерот Кишида

Претседателот на САД, Џо Бајден имаше средба со јапонскиот цар Нарухито во кралската палата во Токио, за време на своето патување во Азија.

Станува збор за прв состанок, откако двајцата се сретнаа во декември 2013 година. Тогаш Нарухито беше престолонаследник, а Бајден потпретседател на САД, информираше Кралската прес агенција.

Ова е вторпат, актуелниот јапонски цар, кој го презеде тронот на 1 мај 2019 година, да биде домаќин на американски претседател за време на државна посета. Претходно, тоа беше Доналд Трамп.

Американскиот претседал потоа се сретна и со неговиот „добар пријател", премиерот Фумио Кишида, кого го уверуваше дека САД се целосно посветени на одбраната на Јапонија, за време на засилени тензии со Кина и последици од рускиот напад на Украина, пишуваат медиуми.

Една од темите беше и Северна Кореја. Бајден денеска ќе се сретне и со семејства на Јапонци, кои пред неколку години беа киднапирани за да обучуваат шпиони во Северна Кореја

Главната тема на дводневната посета на Бајден на земјата, каде ќе се сретне и со лидерите на Јапонија, Индија, Австралија, ќе биде започнување Инфо-пацифичката економска рамка, широк план што го поддржува економскиот столб на САД во Азија.

– Американско-јапонската алијанса долго беше основа за мир и напредок во Индо-пацификот, а САД се длабоко посветени на јапонската одбрана, изјави Бајден на почетокот на разговорот во палатата Акаска во централно Токио.

ММФ: Меѓународната заедница треба да ги намали трговските бариери за да се бори со инфлацијата

 Меѓународната заедница треба да ги намали трговските бариери, за да се бори со инфлацијата. 

Оваа препорака ја има во заедничката статија, објавена денеска од извршната директорка на Меѓународниот монетарен фонд (ММФ), Кристалина Георгиева, нејзиниот прв заменик Гита Гопинат и директорката на Одделот на стратегија, политика и анализа на ММФ, Џејла Пазарбасиоглу.

Авторите повикаа на „враќање на довербата во глобалниот систем, заснован на правила".

„Можеме да започнеме уште сега со намалување на трговските бариери, за да се надмине недостигот и да се намалат цените на продуктите и другите стоки. Не само државите, туку и компаниите треба да го диверзифицираат увозот, за да се обезбедат синџири за снабдување и да се зачуваат огромните деловни придобивки од глобалната интеграција".

Во објавениот текст се забележува дека тензиите околу трговијата, технолошките стандарди и безбедноста, „се зголемуваат со години, поткопувајќи ги растот и довербата во сегашниот глобален економски систем".

Според ММФ, „само несигурноста околу трговската политика довела до пад на светскиот БДП за речиси еден процент во 2019 година. Во меѓувреме, од почетокот на војната во Украина, околу 30 држави ја ограничија трговијата со храна, енергија и со други клучни стоки".

притисни ентер