Украина штотуку започнала да вакцинира 41 милион луѓе против ковид-19 откако минатата недела ја добиле првата пратка од 500.000 дози вакцини на АстраЗенека, но се соочува со борба против скептицизмот во врска со вакцината.
Владата дала приоритет на вакцинирање на медицинските работници од првата линија, но статистичките податоци покажуваат дека 47 проценти од Украинците не сакаат да се вакцинираат.
,,За нас е важно да разбереме зошто лекарите одбиваат да се вакцинираат, рече на онлајн состанокот, Олександар Корниенко, лидер на владејачката партија на претседателот Володимир Зеленски.
„Многу е лошо, но нема друга опција ако некое лице не дојде, шишето со вакцина може да се чува отворено два или три часа, по што мора да се фрли“, рече претседателот на парламентарна здравствена комисија, Михајло Радукиј.
Вкупно 3.141 дози биле администрирани до 28 февруари, вклучувајќи 90 вакцини во последните 24 часа, според податоците на Министерството за здравство.
Министерот за здравство Максим Степанов рече дека владата работи на спречување на фрлањето вакцини, додавајќи дека тоа се случува и во други земји.
Тој бил вакциниран денеска на телевизиски пренос и изјавил дека Зеленски наскоро ќе биде вакциниран.
„Со мојот пример, докажав дека вакцината со која сме вакцинирани е апсолутно безбедна и ефикасна“, рече тој.
Недовербата кон вакцините во Украина овозможила појавата на сипаници да прерасне во епидемија во 2019 година.
Бројот на заразени се зголемил по затишјето за време на строгиот карантин на почетокот на годината, особено во Киев и западна Украина, каде владата формирала подвижни болници за борба против наглиот пораст на бројот на заразени.
До 1 март, Украина забележала 1,3 милиони заболени и 26.050 смртни случаи.
Во северниот град Чернихив, само 87 од 280 лекари се согласиле да бидат вакцинирани, објавил секретарот на градскиот совет на Фејсбук на 24 февруари.