Во ТИРЗ близу 160 милиони евра нови странски инвестиции

Влегуваат три нови инвестиции кои што ќе отворат 680 работни места во земјава соопшти денеска директорот на ТИРЗ Јован Деспотовски. 

Инвеститорите се од САД, Турција и В. Британија. Станува збор за фармацевтска компанија, втората е компанија од градежна индустрија со модерни елемнти за изградба, а третата е дел од автомобилскиот свет, таа е веќе тука, но ќе ги проширува своите капацитети.

-Вкупен обем на инвестиции од нови 54 милиони евра, планиран број на работи места – 680, проектирани вкупни приходи на компаниите кои што би ги оствариле во наредниот десетгодишен период е близу една милијарда евра, околу 850 милиони, а она што е важно и тоа нов квалитет во нашиот пристап кон инвестициите, а тоа е правиме и проценка на повратот што ќе го има државата од самите инвестиции, односно бенефитот, истакна Јован Деспотовски – Директор на ТИРЗ.

Две од новите инвестиции се во внатрешноста на државата, а инвеститорите ќе бидат мотивирани и понатаму да вложуваат надвор од Скопје, дополни Деспотовски, со тоа што инвестирањето во некој помал град ќе чини помалку, а на тој начин индустријата ќе живне и надвор од главниот град.

Македонија веќе не е дестинација на евтина работна сила, туку во иднина инвеститори ќе привлекува со добри услови за функционирање. Деспотовски вели дека земјава ќе биде поднебје каде што ќе заработат сите, и граѓаните кои што на тој начин ја зголемат продуктивноста, а и инвеститорите.

-Јас го избришав зборот евтина работна сила, тоа апсолутно го забораваме со полна одговорност дека утре некој ќе каже дека сме биле неуспешни во тој сегмент, не сме привлекле инвеститори. Значи инвеститорите ќе дојдат, ќе им ги овозможиме сите услови за функционирање меѓутоа ќе платат, ама нема да ме платат мене, нема да платат никој друг, ќе ги платат луѓето кои што се ангажирани во самите компании.-Јован Деспотовски – Директор на ТИРЗ.

Анализата на ТИРЗ покажува дека во август имало највисоко ниво на извоз во првите осум месеци, споредено со истиот период во изминатите четири години и рекордна извозна и увозна активност.

Еден од главните шефови на Камора се согласил да соработува со властите по четврт век во затвор

По повеќе од 25 години затвор и одбивање да зборува, еден од главните шефови на италијанската комора, Франческо Скијавоне, одлучи да соработува со обвинителството, објавија италијанските медиуми, пренесе Бета.

Истражните органи се надеваат дека ќе добијат повеќе информации за Камора и нејзината можна поврзаност со италијанската политичка сцена.

Седумдесетгодишниот Скијавоне бил еден од основачите и „кум“ на кланот Камора „Касалези“ во провинцијата Касерта во близина на Неапол.

Пред неколку недели, како што јави ДПА, тој воспоставил контакт со антимафијашките служби.

Двајца од неговите синови соработуваат со властите од 2018 и 2021 година, а уште двајца се во затвор.

Камора е една од најозлогласените мафијашки организации во светот, а нејзиното родно место се јужните италијански провинции Казерта и Неапол.

САД ја обвинија Русија за ширење дезинформации околу терористичкиот напад во Москва

САД ја обвинија Русија за дезинформации околу терористичкиот напад во концертната хала „Крокус сити хол“ минатата недела во кој загинаа 143 лица.

Од Стејт департментот изјавија дека Москва ја користи оваа трагедија за да ја оправда својата агресија против Украина.

- Мислам дека руската влада води пропаганда и дезинформација. Мислам дека сосем очигледно тие се обидуваат да го искористат овој терористички чин, овој трагичен инцидент во кој, за жал, загинаа руски граѓани за да се оправда нивната агресија во Украина, рече Милер.

Тој укажа дека Москва „не дава значање на основните факти, се измислуваат факти за да се поддржи тоа што тие сакаат да го направат“.

„Тоа е истото поведение од почетокот на војната, и за жал тие исто постапуваат и сега“, рече портпаролот на Стејт департментот.

Четврти ден од потрагата по двегодишната Данка

Четврти ден ни трага ни глас од двегодишната Данка Илиќ, која исчезна во непосредна близина на мајка си. 

Во областа утрово пристигнаа специјалци од Белград и Нови Сад и детално го пребаруваат просторот околу куќата пред која исчезна двегодишното девојче. Полицијата и денеска вршеше претреси во неколку куќи во Бањско Поље. Багерите го расчистуваат теренот бидејќи куќата на семејството е опкружена со депонија од гломазен отпад, се острануваа шутот за полицијата полесно да ја пребарува поблиската околина. 18 пожарникари-спасувачи со 5 теренски возила, придружени од далеку прочуениот белгиски овчар Зиги познат по херојските дела по разорниот земјотрес во Турција, пристигна во Бор, но засега ништо не води до трага што ќе ја разреши мистеријата. Како минува времето шансите се се помали, вели првиот човек на центарот за исчезнати деца, Игор Јуриќ. Единствена опција детето да е живо е некој да побара откуп за него или да се случи чудо вели Јуриќ, кој што го оцени случајот како исклучителоно специфичен поради возраста на детето.

„Се’ побудува сомнеж и сите оклности на ова исчезнување се сомнителни и будат сомнеж. Многу е тешко сега да се зборува за тоа. На прв поглед беше многу тешко да се поверува дека двегодишно девојче може да отиде толку далеку така што и пристигнувањето на полицијата на лице место толку брзо не ја пронајде, како прво. Второ, сите околности и пристугнувањето на тоа место зборуваме за детето како се нашло тука, подоцна многуте изјави на блиските лица на девојчето се многу контрадикторни и тоа се што апсолутно нам ни буди сомнеж. Едноставно ми се чини дека не постои личност која е во близина, а да не буди сомнеж.“- Игор Јуриќ, Директор на центар за исчезнати и малтретирани деца

Мајката на исчезнатото девојче Ивана Илиќ повторно била донесена во полициска станица за да даде изјава во врска со информациите до кои дошла полицијата. Повеќе српски медиуми денеска објавија дека вештачењето на нјзиниот мобилниот телефон наводно покажало дека многу пораки и податоци за повици биле избришани, но информацијата никој официјално не ја потврдува. Во морето од шпекулации, во јавноста се повеќе доминира впечатокот за можна инволвираност на родителите во случајот.

Инаку синоќа босанската полиција уапси три лица кои преку социјалната мрежа „Тик Ток“ тврделе дека знаат каде е Данка, побарале 50 илјади евра како награда, а по апсењето изјавиле дека се шегувале. По исчезнувањето во вторникот, во Србија за прв пат е активиран системот „Најди ме“.

притисни ентер