Пандемијата, зафатила 210 земји и територии, откако во Кина се појавија првите случаи на инфекција во декември минатата година.

Турција го доживува вториот врв на епидемијата на корона вирусот поради невнимание на свадби и други социјални собири, изјави денеска министерот за здравство Фахретин Коца, во услови на рапиден пораст на нови заболени и смртни случаи.Говорејќи по состанокот на неговиот научен тим за коронавирус, Коца рече дека главниот град Анкара неодамна забележал најбрз раст на бројот на случаи, пренесува Ројтерс. Тој додаде дека досега со вирусот биле заразени 29.865 здравствени работници, од кои 52 починале.

Во Франција, во последните 24 часа се регистрирани 7.017 нови случаи на коронавирус, што е трет пат од почетокот на пандемијата да се регистрираат повеќе од 7.000 случаи на дневно ниво.Франција бележи нагло зголемување на бројот на пациенти во споредба со вторникот, кога биле пријавени 4.982 заразени лица, пренесува Ројтерс.

Бројот на новозаразени со корона во Холандија се зголеми за 743 во изминатите 24 часа, што е најголем број на заразени за еден ден од средината на август, објавија холандските власти.Во изминатите две недели, бројот на новоинфицирани бил претежно околу 500 на ден, објави Ројтерс.

Во Индија, во последните 24 часа се потврдени 78.357 нови случаи на коронавирус, што е близу до минатонеделниот рекорден дневен број на новоинфицирани лица во светот од почетокот на пандемијата, кога биле регистрирани 78.761 нови случаи.Така, вкупниот број на заразени лица во таа земја се зголеми на повеќе од 3,7 милиони, пренесува АП.

Во Јужна Кореја бројот на нови инфекции од вирусот денес се зголеми за 267, што е трицифрен број на заразени 20-ти ден по ред.Корејскиот центар за контрола и превенција на болести објави дека вкупниот број на лица заразени со Ковид-19 е 20 449, додека 326 лица починале од вирусот, објави АП.

Според Министерството за здравство, на Филипините се регистрирани 2.218 случаи на инфекција со коронавирус во последните 24 часа, што е најмало зголемување на бројот на пациенти во последните пет недели.Од вчера починале уште 27 лица, пренесува Ројтерс.

Во Украина е забележано зголемување на бројот на пациенти со коронавирус, а во последните 24 часа се регистрирани 2.495 нови случаи.Поради тоа, властите воведоа привремена забрана за влез на странски државјани во земјата, која ќе важи до 28 септември, објави лондонски Гардијан.

Во последните 24 часа, во Австрија се регистрирани 327 нови случаи на инфекција со коронавирус.Од таа бројка, дури 140 отпаѓаат на Виена, а потоа следуваат Тирол со 61, Долна Австрија со 46, Горна Австрија со 33 нови случаи.

Мексиканското Министерство за здравство објави дека во последните 24 часа во таа земја се регистрирани 6.476 нови случаи на ковид-19 и 827 смртни случаи.Вкупниот број на потврдени случаи досега е 606.036, со 65.241 смртни случаи како резултат на „ковид-19“, така што Мексико е на четвртата позиција на најзагрозените земји во Јужна Америка, по Бразил, Перу и Колумбија, пренесува Си-Ен-Ен.

Во Русија, во последните 24 часа се регистрирани 4.852 нови случаи на коронавирус, со што вкупниот број на заразени достигна 1.005.000, објави агенцијата ТАСС.Пријавени се и 115 смртни случаи, што е помалку од претходниот ден, кога 123 пациенти починале како резултат на „ковид-19“, објави кризниот штаб.

Регистрирани се 1.256 нови случаи на коронавирус во Германија, објави Институтот Роберт Кох (РКИ).Според податоците на РКИ, уште 11 лица починале во последните 24 часа како резултат на инфекција со ковид-19, според Ројтерс.