Македонија

Во сообраќајна несреќа кај Врање загина 25 годишно момче од Македонија

25 годишен македонски државјанин доцна синоќа загина во сообраќајна несреќа која вчера се случила во близна на Врање.

Според српските медиуми момчето и неговиот пријател биле во кафеана во Врање и тргнале кон Македонија. Првично тие се вратиле назад по заборавен мобилен телефон назад во градот. Според снимките се гледа дека возилото излетало од патот и паднало во насипот. Од болницата во Врање“ за Канал 5 телевизија објаснуваат дека во сообраќајната несреќа тој на самото место починал од тешките повреди, а другиот сопатник исто 25 годишен по прегледот е пуштен дома.

„Кај него се констатирани следните повреди: нагмечна повреда на главата, рана со крварење на десната надлактица, и рана и изгребатина на хеморалната регија на десниот бут. Констатирана е главоболка пост-трауматска. На пациентот му беше направено снимање. Тој нема скршеници и нема никакви повреди на коските. Тој нема губење на свеста и е пратен на преглед кај невролог. Од каде е пуштен на домашно лекување. Не е хоспитализиран, полесно е повреден. “ изјави Наташа Стоиљковиќ управник на болницата во Врање.

Телото на загинатиот Македонец е во болницата во Врање каде се прави обдукција, потврдуваат од болницата за Канал 5. Несреќата се случила вчера околу 17.45 минути. Едната коловозна лента на патот кон Врање била затоворена додека траела истрагата, по направениот увид патниот правец е целосно отворен.

Шоу биз

Ќерката на Мадона, Лурд, тврди дека е проколната во љубовта

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Таа исто така многу рано влезе во светот на музиката, а кариерата ја гради под уметничкото име Лолахол, иако е многу поуспешна во светот на манекенството.

Зад себе веќе има неколку неуспешни љубовни врски кои го привлекоа вниманието на јавноста, а Лурд вели дека за неа љубовта е проклетство.

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Со години се шпекулира дали и се допаѓаат мажи или жени, а сега таа одлучи да стави крај на таа приказна.

- Би рекла дека мојот најголем грев е што сакам момчиња. Тоа е такво проклетство. Јас сум болно стрејт, тоа е ужасно. Посакувам да не беше така, но за жал, ова се картите што ги добив – изјави таа во интервју за „The Face“.

Свет

Летонија има нов претседател, тој е деклариран геј

Министерот за надворешни работи на Латвија, Едгарс Ринкевичс, беше избран во парламентот за нов претседател на земјата.

Шефот на латвиската дипломатија од 2011 година, 49-годишниот деклариран хомосексуалец ќе го замени Егилс Левитс, кој одлучи да не се кандидира за втор мандат.

„Ќе направам се за да ја направиме нашата земја просперитетна и безбедна“, рече Ринкевичс по гласањето во парламентот. Ринкевичс јавно се изјасни како геј во 2014 година. Тој беше првиот политичар во Латвија што го стори тоа. Летонскиот претседател има главно церемонијална улога.

Летонија е членка на ЕУ и НАТО и силно ја поддржува Украина во војната против руската агресија и нејзиниот пристап во ЕУ и НАТО. Украинскиот претседател Володимир Зеленски му честиташе на Ринкевичс за неговиот избор, велејќи дека тој е „вистински пријател на Украина“.

Летонија ќе биде во добри раце во следните четири години“, рече Левитс по изборот на неговиот наследник. Пред да стане министер за надворешни работи, Ринкевичс работеше како надворешнополитички аналитичар за јавното радио Латвијас Радио, а потоа работеше во Министерството за одбрана и Кабинетот на претседателот, пренесе Индекс.хр.

Технологија

Огромен интерес за најскапиот телефон од „Google“

„Google Pixel Fold“ сега е подготвен за претпродажба, но изгледа дека топ моделот со 512 GB простор официјално го нема на залиха во САД.

Моделот со 512 GB е достапен само во обсидијан црна боја и покрај цената од 1.919 долари (1.899 евра), се чини дека е моделот што предизвикува најголем интерес кај купувачите.

Официјалната продавница на „Google“ сè уште го има на залиха „Pixel Fold“ од 256 GB во обсидијан и порцелан.

„512 GB Pixel Fold“ сè уште е достапен за нарачка однапред во ОК, Германија и Јапонија. Телефонот ќе биде пуштен во продажба на 27 јуни.

За потсетување, првиот телефон на „Google“ на преклопување – „Pixel Fold“ - се напојува со чипот „Tensor G2“, истиот процесор кој ја напојува серијата „Pixel 7“ и има импресивен систем со три камери на задната страна.

притисни ентер