Во САД се зголемува бројот на починати и заразени од Ковид -19

Премиерот на Британија, Борис Џонсон ноќта ја помина на интензивна нега по влошувањето на симптомите од коронавирусот.

Како што наведуваат британските медиуми, Џонсон вчера добил кислородна поддршка откако покажал потешкотии со дишењето, а тимот кој се грижи за него превентивно го сместил премиерот на интензивна нега за да биде во близина на вентилатор, доколку има потреба од истиот.

Џонсон поради новонастаната ситуација за свој заменик го назначи министерот за надворешни работи Доминик Раб, кој ќе ги води и дневните средби на кризниот штаб формиран поради вирусот.

Црниот биланс продолжува и во САД, откако бројката на починати е околу 11 илјади, а во земјата има речиси 370 илјади заразени.

На европско тло жариштата остануваат исти.Во Шпанија продолжи црниот бран  откако регистрираа нови 740 жртви и пет илјади ново заразени, најмногу во последните 4 дена. Подобро состојба нема ниту кај нивните соседи, Франција ја достигна бројката од 9000 починати, а животот за едно деноноќие го загубија 830 лица. Земјата е во четвртата недела од почетокот на рестрикциите, а можно е последната бројка да е показател на почетокот на пикот.

Оптимистичка вест пристигнува од изворот на коронавирусот. Кина последниве 24 часа не регистрираше ниту еден смртен случај за прв пат од почетокот на епидемијата, а животот се враќа во автохтоната локација на вирусот, Вухан, кој ја укина забраната за движење, која беше на сила од 23 јануари, кога градот беше ставен во целосен карантин.

Сепак една одлука од соседствтото привлече внимание во регионот. Српската влада одлучи сите позитивни на коронавирусот да бидат хоспитализирани, дури и оние кои не покажуваат симптоми и се лечеа во домашни услови, односно тие ќе бидат сместени во привремените болници ширум земјата, додека  пак тие што се со потешка клиничка слика ќе бидат сместени во Ковид-19 центрите.

притисни ентер