Николина Котевска 4 пати е оперирана од карцином. Најпрво и се појавил на тироидната желзда по што следеле зафати, а потоа и на грлото и на дојката. Вели дека раната дијагностика, како и грижата од лекарите и го спасиле животот. На сите жени им препорача редовно да вршат прегледи и самопрегледи на дојките.
,,Карциномот не го викам карцином, туку проклетник затоа што напаѓа и млади и стари и е најголемиот убиец. Јас сум денес здрава жена. На болните им препорачувам да не се предаваат, да мислат позитивно, да се борат и ќе победат. На сите жени им препорачувам порано да одат на предгледи, да вршат самопрегледи на дојките. Се спасив бидејќи болеста навреме ми беше откриена и на тироидната жлезда и на дојката и на ларингот, рече Николина Котевска.
Годишно се дијагностицираат околу 8 илјади заболени од карцином, најголем дел се со карциноми на белите дробови и на дојката. Годишно умираат над 4 илјади. Ова го покажува статистиката на здружението „Борка“ кое го одбележа Светскиот ден за борба против рак.
На одбележувањето присуствуваше и министерот за здравство Венко Филипче, кој посочи дека изминативе две години направиле значаен чекор во третманот, дијагнозата и превенцијата на малигните заболувања.