Во Охрид викендов празничен турнир во мал фудбал

Во организација на Фондацијата „Климент Колески“ од Охрид, а по повод празникот „Свети Климент Охридски“ – Патрон на градот, во текот на деновите на викендов во Охрид ќе се одржи Првиот турнир во фудбал за деца „Климент Колески - 2013“.

Учество на турнирот потврдија шест екипи и тоа „Металург“ и „Работнички“ од Скопје, „ЛГ“од Битола, „Победа“ од Прилеп, „Караорман“ од Струга и Фудбалската академија „Пандев 10 – јуниор“ од Охрид.

Екипите ќе настапат со по две генерации играчи и тоа 2002 година и помлади и 2004 година и помлади. Тие силите ќе ги одмерат во спортските сали „Билјанини извори“ и „Климент Колески“ во Охрид.

Турнирот има натпреварувачки карактер, а за најдобрите генералниот покровител – Фондацијата „Климент Колески“, обезбеди пригодни награди.

Отвореањето на турнирот е закажано за денеска во 11:30 часот во спортската сала „Билјанини извори“, додека натпреварите започнуваат од 13 часот и тоа генерацијата 2004 во „Билјанини извори“, а генерацијата 2002 во салата „Климент Колески“. Елиминациските натпревари ќе се играат в недела од 9:30 часот. Доделувањето на пехарите и признанија за најдобрите е закажано за 14 часот во спортската сала „Билјанини извори“.

Влезот за сите натпревари е бесплатен. /Извор: МИА/

„Гответе со Дракче“ - Кумановска салата

Во четврток (28.03.2024) во емисијата гостин ни беше Нино Величковски.

Состојки за денешниот рецепт:

3 црвени домати

1 свежа краставица

1 главица кромид

1 морков

2 лажици лупен сончоглед

100 гр. сирење

балсамико, масло за јадење, сол по вкус

Погледнете како се подготвува овој рецепт:

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

притисни ентер