Во Квебек се зголеми бројот на вакцинации по најавата за данок за невакцинирани

Откако канадските власти во Квебек објавија дека парично ќе ги казнат жителите кои не биле вакцинирани, тамошниот министер за здравство Кристијан Дубе објави дека е зголемен бројот на граѓани заинтересирани за првата доза на вакцината против корона.

Имено, жителите кои одбиваат да се вакцинираат против Ковид без валидна здравствена причина ќе треба да платат „здравствен придонес“, односно некаков вид данок. Од владејачката партија не прецизираат колкава сума, но наведуваат дека се работи за „значителна“.

„Ова е охрабрувачки“, напишал на Твитер министерот за здравство на Квебек, Кристијан Дубе, додавајќи дека значителен број луѓе се пријавиле за првата доза на вакцина во вторникот и дека таа бројка е најголема во последните неколку дена. Казната за невакцинирање нема да важи за оние со медицинско ослободување, а деталите не се објавени. Сепак, официјалните лица рекоа дека сумата што ќе се наплати ќе биде „значајна“.

Владата на Квебек вели дека иако скоро 90 отсто од жителите на Квебек кои ги исполнуваат условите примиле барем една доза од вакцината против коронавирус, невакцинираните остануваат товар на јавниот здравствен систем на покраината.

На вчерашен брифинг за Ковид-19, канадскиот премиер Џастин Трудо рече дека нема да процени дали казната на Квебек за невакцинираните е добра политика, велејќи дека мора да се видат дополнителни детали. Трудо нагласи дека Канада има строги мерки во врска со вакцинацијата за патниците со авион или воз, федералните работници и работните места регулирани од федералната влада.

Минатата недела, Квебек, дом на речиси четвртина од сите Канаѓани, објави дека жителите ќе мора да се вакцинираат за да купат алкохол или канабис. Потребен е доказ за вакцинација за јадење во ресторани, одење во теретана или присуство на спортски настани. Огромното мнозинство од пациентите во болниците во Квебек се сè уште невакцинирани, а властите не го прецизираат бројот.

Изложба на дела од Владимир Темков во Кавадарци

„Виножито" е насловена ликовната изложба што вечерва е отворена во Музеј галеријата во Кавадарци. Претставени се дела од ликовниот уметник Владимир Темков.

Директорката на Музејот, Весна Ѓорѓиева посочи дека се презентирани педесетина дела со спектар од боите на виното и житото.

За 40-годишното ликовно творештво на Темков, говореше Трајче Цветков, виш кустос историчар на уметност при Музејот.

-Тој припаѓа во редот на хиперактивните сликари, кои секојдневно работат и по 12 часа во своите ателјеа. За тоа сведочат и над 100 самостојни и групни изложби во нашата земја и насекаде низ светот. Иако во неговиот богат творечки опус има повеќе фази, сепак има една нагласена универзална симболика за убавините на својот роден крај, истакна Цветков.

На љубителите на уметноста им се обрати и самиот автор, кој денеска слави роденден.

Темков е роден во Кавадарци во 1959 година. Педагошка академија, Факултет за ликовни уметности и магистерски студии завршил во Скопје.

– Има работено на повеќе работни позиции, меѓу кои и референт за култура, директор на Младински дом „Младост", директор на Дом на култура „Иван Мазов – Климе", потоа ја има извршувано функцијата претседател на Комисија за култура на бивша СФРЈ и тн. Во својата досегашна плодна уметничка кариера има реализирано повеќе проекти и интервенции од областа на уметноста и учествувано на повеќе меѓународни конференции. Има реализирано над 50 самостојни изложби, учествувано на многубројни групни изложби како и ликовни колонии, стои во неговата биографија.

Фото: „BMW“ се простува од „V12“ моторот во голем стил

Последните 12 примероци ќе бидат произведени ова лето.

„BMW“ уште претходно најави крај за моќниот „V12“ мотор, по 35 успешни години. Крајот на едната еда ќе биде обележан со специјална ограничена серија од моделот „BMW M760i xDrive“ со ознака „Final V12“.

Во рамките на оваа серија ќе бидат направени само 12 примероци од најмоќниот модел во серија 7 а сите автомобили се резервирани за американскиот пазар.

Засновата на стандардниот „BMW-u M760i xDrive“, верзијата „Final V12“, ќе има единствени ознаки на надворешноста и во ентериерот, потоа ексклузивни тркала и широк спектар за опции за персонализација на возилото по желба на купувачот.

Под хаубата се разбира се наоѓа 6.6 литарскиот „V12“ мотор со 609 КС. СИлата на сите четири тркала се пренесува преку 8-степен автоматски менувач.

Сите возина ќе бидат нумерирани со броеви од 1 до 12 а производството започнува во јуни 2022 година додека автомоблите кај своите сопственици ќе пристигна во јули.

Цената стартува од 200.000 долари.

Санкционирани 95 возачи кои возеле побрзо од дозволеното на автопатот Куманово-Скопје-Велес

Во акциска контрола на полицијата денеска на автопатот Куманово – Скопје – Велес санкционирани се 95 возачи кои возеле побрзо од дозволената брзина.

Од нив, 16 возачи се движеле со брзина над 50 километри на час повеќе од дозволеното, а четворица се движеле со над 70 километри на час повеќе од дозволената брзина.

Засилените акциски контроли продолжуваат и во наредните денови, велат од МВР, апелирајќи до учесниците во сообраќајот да ги почитуваат сообраќајните правила и прописи.

притисни ентер