Македонија

Во Крушево почнуваат чествувањата за Илинден и 120 години од Илинденското востание

Со отворањето на манифестацијата „10 дена Крушевска Република“ вечер на Гумење во Крушево и официјално почнува чествувањето на големиот празник Илинден. 

Годинава се одбележуваат 120 години од Илинденското востание и Крушевската Република. На отворањето на манифестацијата ќе се обрати претседателот на Владата, Димитар Ковачевски.

Во рамките на чествувањата за Илинден, делегација денеска во 10 часот ќе ја посети Спомен-куќата на Смилевскиот конгрес во Смилево, а пред споменикот на Дамјан Груев ќе положи свежи цвеќиња.

Пред отворањето на Манифестацијата, околу 19 часот, пред столбот на Крушевската Република во центарот на Крушево, крушевчани ќе ја пречекаат илинденската коњаница. Пристигнуваат коњаници од повеќе места за потоа да бидат пречекани на Гумење. Во чест на големиот илинденски јубилеј, Државниот архив пред Македониумот ќе ја отвори изложбата на документи и фотографии насловена „120 години Илинденското востание – архивска меморија“.

Делегација од Манифестацијата ќе им оддаде почит на: Веле Марков, пред неговата биста, на Питу Гули, на неговото вечно почивалиште на Гумење, на Тоше Проески, на Илинденските востаници пред криптата и на борците од НОБ на партизанските гробишта.

Манифестацијата „10 дена Крушевска Република“ нуди богата програма и целовечерен концерт на повеќе изведувачи.

Утре, на 2 август, на празникот, чествувањата во Крушево започнуваат изутрината од 9 часот. Бројни делегации ќе се поклонат и ќе му оддадат почит на претседателот на Крушевската Република, Никола Карев пред неговото вечно почивалиште во куполата од споменикот „Илинден“ на Гумење, во Македониумот. Делегацијата на Собранието, кое е покровител на годинашниве чествувања, ќе ја предводи собранискиот спикер Талат Џафери. Почит ќе им биде оддадена и на загинатите Илинденци пред споменикот во месноста „Слива“, а панихида за загинатите ќе се одржи во црквата „Свети Никола“.

Централното чествување за Илинден е од 11,30 часот на 2 август, на Мечкин Камен. На народниот собир на Мечкин Камен ќе се обрати претседателот на Собранието, Талат Џафери.

Фудбал

Португалец се облекол како женско во смешно видео на ТикТок- му пропаѓа трансферот (ВИДЕО)

Спартак од Москва беше на прагот да потпише договор со португалскиот лев бек Рикардо Мангас (26), кој моментално настапува за Виторија Гимараеш.

Договорот веќе бил постигнат, а играчот бил подготвен да отпатува за Москва викендов, но се појавил бизарен проблем поради кој најверојатно трансферот ќе пропадне. Инаку, договорот на Мангаса со португалскиот прволигаш е до летото 2026 година, а Трансфермаркт неговата вредност ја проценува на четири милиони евра.

"Трансферот е завршен, сѐ е договорено. Останува само да добиеме виза, а веќе имаме термин во Лисабон. Рикардо треба да отпатува за Русија во сабота или недела", изјави претходно неговиот агент Серхио Тиаго Рибеиро. Сепак, зделката може да се поништи во последен момент поради видеото што се појави на TikTok. Имено, Мангас учествувал во хумористичниот спот на неговата девојка, во кој бил нашминкан и носел фустан, високи потпетици и чанта.

„Кога ти и твоето момче ќе се случи да носите иста облека“, гласи описот на видеото. Иако видеото е очигледна шега и е многу чудно што може да предизвика некаков проблем, тоа предизвика жестоки дискусии во Русија. Шефот на организацијата „Татковци на Русија“ Андреј Згоников изјави дека на Мангас не треба да му се дозволи влез во Русија и дека властите се заинтересирани за оваа објава.

Доколку трансферот се реализира, Мангас би можел да се соочи со истрага за можна пропаганда на нетрадиционална сексуална ориентација и би можел да биде обвинет според рускиот кривичен законик. Агентот на играчот веднаш го коментираше спорното видео: "Рикардо сака девојки. Ако ја видите неговата девојка, сѐ ќе биде јасно. Тоа е само смешно видео на TikTok. Неговата девојка е популарна инфлуенсерка со многу следбеници на социјалните мрежи".

Свет

Осуденик на смрт во САД му препуштил на адвокатот да одбере како ќе биде егзекутиран

Осуденик на смрт во Јужна Каролина, Фреди Овенс, одлуката за тоа како ќе биде погубен му ја препуштил на својот адвокат, кој денеска објави дека казната на неговиот клиент ќе биде извршена со инјекција.

Според судските документи, Овенс (46) рекол дека одлучувајќи за начинот на погубување, активно ќе учествува во сопствената смрт, а неговата муслиманска вера го учи дека самоубиството е грев, пренесе АП.

Доколку неговиот адвокат не ја донесеше одлуката, според законот на Јужна Каролина, Овенс ќе беше испратен на електричен стол, а тој рекол дека не сакал да умре на тој начин.

Егзекуцијата на Овенс е закажана за 20 септември.

Тој е осуден на смрт во 1997 година, откако убил продавачка која се борела да отвори сеф во продавница што ја ограбил со друг соучесник.

Фудбал

Меси му упати порака на Сурез, кој се прости од репрезентацијата: Чао, дебел! (ВИДЕО)

Еден од најголемите напаѓачи на сите времиња, Луис Суарез (37) се прости од дресот на уругвајската репрезентација.

„Ел Пистолеро“ го одигра последниот од своите 142 настапи против Парагвај на стадионот Сентенарио во Монтевидео. Натпреварот заврши без голови, а Суарез се повлече како најдобар стрелец во историјата на Уругвај со 69 голови.

„Ти благодарам за се Лучо!“, „Ти беше и ќе останеш мој вечен идол“, се дел од пораките на повеќе од 60 илјади фанови кои дојдоа да го испратат големиот Суарез, кој важи за еден од најдобрите напаѓачи на сите времиња. Пред една година ја мина бројката од 550 голови и 300 асистенции во кариерата. На клупско ниво освои сѐ. Од 2010 до 2019 година беше единствениот фудбалер кој ја прекина доминацијата на Меси и Роналдо во борбата за Златната копачка (најдобар стрелец во Европа), а тоа го направи двапати.

Во својата кариера најпрвин играше за Национал и Гронинген пред да биде префрлен во Ајакс (111 гола, 68 асистенции на 159 натпревари), а потоа во Ливерпул (83 гола, 46 асистенции на 133 натпревари), каде што помина три години.

За Барселона играше шест години (195 гола, 113 асистенции на 283 натпревари), а во Шпанија играше и за Атлетико Мадрид со кој ја освои шампионската титула. По Атлетико ја напушти Европа и следни два клуба беа неговиот роден Национал со кој повторно ја освои титулата и бразилскиот Гремио. Во кариерата богата со трофеи, тој беше петкратен шампион на Шпанија и еднаш шампион во Лигата на шампионите. Моментално е член на Интер Мајами со кого има договор до крајот на годината.

Во Интер игра со Лионел Меси со кого неколку години делеше соблекувална во Барселона и има големо пријателство. За збогувањето на Суарез од репрезентацијата, Меси сними видео кое беше прикажано на стадионот на кое вели: „Здраво дебел, сакав да бидам присутен и да го направам ова видео на еден толку важен ден за тебе, за твоето семејство, за Уругвајците и љубителите на фудбалот воопшто поради тоа што си и поради сѐ што си дал за репрезентацијата и за својата земја.

Имав среќа да бидам покрај тебе и знам колку ти беше тешко да ја донесеш оваа одлука бидејќи знам колку ти значи играњето за уругвајската репрезентација. Се надевам дека ќе уживаш во оваа чест што ти ја даваат, а која е повеќе од заслужена за сѐ што веќе спомнав и за сѐ што ѝ даде на репрезентацијата. Секогаш го даваше својот максимум, до последниот ден. Зад себе остави големо наследство за луѓето денес и за генерациите што доаѓаат.

Ова е крај на едно важно поглавје во твојата кариера, но се надевам дека има уште многу години фудбал пред тебе и среќен сум што тие години ќе бидат тука, што ќе можеме повторно да играме заедно и да уживаме секој ден. Се надевам дека ќе уживаш во оваа вечер со твоите најблиски и со сите луѓе кои секогаш си ги посакувал со тебе. Испраќам голема прегратка, те сакам многу“.

Leo Messi sends a heartfelt message to Luis Suarez, who played his final game for Uruguay yesterday
byu/oklolzzzzs insoccer
притисни ентер