Македонија

Во Дебар расте бројот на новозаразени со Ковид-19, но и на оздравени

Во последното деноноќие во Дебар потврдени се два случаи на новозаразени со Ковид-19, што е 13 -ти случај во овој месец. Најголема бројка на заразени или 10 беше регистрирана на први август, кога за жал еден заболен почина.

Во последните 24 часа во списокот на оздравени впишан е еден пациент. Најмногу оздравени, од почетокот на пандемијата, беа регистрани на 31 јули или 17 лица.

Со денес потврдените две новозаразени лица, вкупната бројка изнесува 208, од нив во списокот на оздравени се впишани 83, починаа седум, додека активни на болеста се 118 лица, од кои десеттина се хоспитализирани во здравствени установи во Скопје.

Од општинскиот Оперативен штаб посочуваат дека бројот на новозаразените ќе расте бидејќи и понатаму голем е број на граѓани кои се јавуваат со симптоми на опасниот вирус во Општата болница.

-Апелираме на строго почитување на мерките и протоколите. Посебен апел упатуваме до младите, кои во голем број се во кафулињата и се релаксираат на брегот на Дебарско Езеро, а при тоа не почитуваат ниту одржување физичка дистанца, ниту носење заштитна маска, апелираат од Оперативниот штаб.

Според статистичките податоци на дебарското одделение за внатрешни работи, во изминатото деноноќие на две лица им се издадени прекршочни платни налози за неносење заштитна маска./МИА

Регион

Мајката на осомничениот за убиството на Данка го искористи правото да не сведочи

Светлана Драгијевиќ, мајката на Дејан Драгијевиќ, кој е осомничен за убиството на двегодишната Данка Илиќ го искористи законското право да не сведочи во обвинителството.

Како што пишуваат српските медиуми, таа го има тоа право како најблиска роднина на осомничените и е привилегиран сведок. Таа го искористи правото да не сведочи – изјави адвокатот Небојша Живановиќ.

Тројца членови на семејството Драгијевиќ беа уапсени за убиство на двегодишно девојче, но помладиот син почина во притвор од срцев удар неполни 48 часа по апсењето. Срѓан Јанковиќ од Лука и Дејан Драгијевиќ од Злот се осомничени за тешкото убиство на двегодишната Данка Илиќ од Бор, по чие тело 12 дена континуирано се трага..

Свет

Аксиос: Американската министерка за финансии подготвува нови санкции за Иран

Американската министерка за финансии, Џенет Јелен, подготвува нови санкции против Техеран, како одговор на иранскиот напад врз Израел во текот на викендот, објави денеска американскиот портал Аксиос.

„Министерството нема да се двоуми да работи со нашите сојузници да ги искористи санкциите како можност да продолжи да го попречуваме малигниот ирански режим и нивните дестабилизирачки активности“, се наведува во текстот на документот што Јелен денеска ќе го прочита пред американската јавност, а до кој Аксиос имал претходен пристап.

Во текстот од изјавата на министерката се истакнува дека нападот од Иран и неговите помагачи ја нагласува важноста на Министерството за финансии да користи економски мерки за да се спротивстави на „злонамерните активности на Иран“, пренесуваат британските медиуми.

Јелен претходно истакна дека иранските акции ја загрозуваат стабилноста на Блискиот Исток и можат да предизвикаат економски проблеми, додавајќи дека САД ќе ја искористат можноста за санкции и ќе соработуваат со сојузниците. /MИА

Македонија

Јанчев: 7 години континуирано се инвестира во подобрување на јавното осветлување

Општина Кавадарци во изминатите 7 години континуирано инвестира во подобрување на јавното улично осветлување, објави градоначалникот Митко Јанчев.

„☑️Реконструкција и замена на постоечките светилки.

☑️Модернизирање на целата светлечка мрежа.

☑️ Поставување на ново јавно улично осветлување.