Во атентат е убиен главниот научник за нуклеарно оружје на Иран (ВИДЕО)

Убиен е Мохсен Фахризадех, научник и главен експерт во иранската нуклеарна програма, потврди иранското Министерство за одбрана.

Фахризадех бил шеф на одделот за истражување и иновации во Министерството за одбрана, додаваат тие.

Фахризадех е убиен во близина на Техеран, главниот град на Иран, пренесува иранската телевизија Прес.

Фахризадех преживеа атентат пред неколку години, но овој пат е убиен. Тој, наводно, бил убиен заедно со неговите телохранители во регионот Даваманду, близу Техеран.

Според соопштението за печат издадено од Министерството за одбрана, тој бил убиен во терористички напад додека се возел во автомобил заедно со неговите телохранители.Не го наведуваат виновникот за нападот.

Имало пукање, а при размена на оган меѓу неговите телохранители и терористите, Фахризадех бил тешко повреден и итно пренесен во болница каде им подлегнал на повредите.

За Фахризадех Западот, Израел и иранските дисиденти долго време се сомневале дека бил зад она што го сметаат за прикриена програма за атомска бомба, која е запрена во 2003 година.

Иран долго време негирал дека се обидел да развие нуклеарно оружје.

Иранските медиуми пишуваат дека Фахризадех бил висок политички и стратешки лик во Иран и работел како професор по физика на универзитетот Имам Хусеин. Тој исто така бил високо рангиран научник во иранското Министерство за одбрана и логистика на вооружените сили.

Некои го нарекувале иранскиот Роберт Опенхајмер и убедливо најважен ирански нуклеарен научник. Израелскиот премиер Нетанјаху неодамна го споменал неговото име на презентација и рекол „запомнете го неговото име“.

Иранците пишуваат дека тој е најдобриот ирански научник и голем експерт за нуклеарно оружје во земјата.

Никој досега не презел одговорност за нападот.

Јанчев: 81 година од стрелањето на 12те ваташки младинци

Со положување на цвеќе и пригодна културно уметничка програма им беше оддадена почит на 12те ваташки младинци.

81 година од стрелањето на 12те ваташки младинци.

Со положување на цвеќе и пригодна културно уметничка програма им беше оддадена почит на 12те ваташки младинци.

Со свој говор кон присутните се обрати и градоначалникот Митко Јанчев:

"Почитувани присутни,

Од 15 до 28 години имаа 12те млади ваташани кои на 16ти јуни далечната 1943та година на исклучително бесчувствителен и ѕверски начин ги изгубија своите животи, токму на ова место каде што сме денес.

Ако се навратиме 7 години наназад. Сигурно сите се сеќаваме во каква состојба беше оваа локација. Го реконструиравме споменикот, хортикултурно го уредивме целиот простор, го опремивме со урбана опрема. Денес ова е едно од омилените излетнички места на младите и децата.

Изминатата година ги поставивме 12 те бисти на 12те ваташки младинци и ја отворивме спомен собата во нивна чест.

Сето ова е најмалку што можеме да направиме за нивната дадена жртва, за нивниот даден живот за нашата Македонија.

"Смртта стана немоќна пред нашата младост исправена, пред очите наши загледани уште тоа утро во иднината."

Овие зборови се испишани на овој споменик да сведочат за овој крвав злочин.

Никогаш да не ги заборавиме страдањата на овие 12 младинци, никогаш да не заборавиме дека тие, својот живот го дадоа за ова што сме ние денес. За слободата која денес ја имаме.

Слава им. ", истакна Јанчев во својот говор.

АМСМ: Интензитетот на сообраќај надвор од градските средини е умерен

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, стои во соопштението од АМСМ.

Сопственикот на Рома го купува Евертон за 475 милиони евра

Сопственикот на Рома, Ден Фридкин, ќе го купи Евертон за 475 милиони евра, јавија денеска италијанските медиуми.

Според Туто Меркато, Фридкин како резултат на трансакцијата ќе добие 94,1 отсто од акциите, кои во моментов му припаѓаат на актуелниот сопственик на англискиот клуб, Фархад Мошири.

Целата процедура околу одобрување на договорот од Премиер лигата се очекува да потрае повеќе од еден месец, но не се очекуваат никакви проблеми.

Мошири е претседател на одборот на директори и акционер на USM Holdings. Тој се здоби со акции во Евертон во 2016 година.

Компанијата Фридкин Груп стана сопственик на Рома во август 2020 година. Според пишувањата на медиумите, сумата на трансакцијата е околу 600 милиони евра.

притисни ентер