Нападот на централната автобуска станица во овој град се случи пред годишнината од нападот на Хамас на 7 октомври 2023 година врз Израел, што предизвика војна во Газа, во која досега загинаа над 40 илјади луѓе.

Земјата е во зголемена готовност додека се подготвуваат комеморациите.

Израелската полиција не го идентификуваше напаѓачот, но изјави дека нападот се смета за терористички.

Од почетокот на војната, Палестинците во Израел извршија повеќе напади со огнено оружје, нож и возила.

Пред неколку дена, седум лица беа убиени во вооружен напад во Тел Авив, кога еден Палестинец отвори оган врз група луѓе, исто така на автобуска станица. Напаѓачот беше убиен од припадници на безбедносните сили. /МИА

Потпретседателката на САД и демократски претседателски кандидат Камала Харис изјави дека Вашингтон ќе продолжи да врши притисок врз Израел и другите засегнати страни во конфликтот на Блискиот Исток за да постигнат договор за прекин на огнот во Појасот Газа.

Во интервју за Си-Би-Ес, Харис не одговори директно на прашањето дали израелскиот премиер Бенјамин Нетанјаху е „вистински сојузник“ на САД, туку рече дека „поважно е прашањето дали постои силен сојуз меѓу американскиот и израелскиот народ“, потврдувајќи дека постои таков сојуз.

Харис го повтори ставот дека Вашингтон го поддржува правото на Израел за самоодбрана од Иран и милитантните групи како Хамас и Хезболах, кои се поддржани од Техеран.

Критичарите тврдат дека САД не извршиле доволен притисок врз Тел Авив и дека не вовеле ембарго за извоз на оружје на Израел. /МИА

- Тоа се каратистките Ера Коџа и Блина Горенца кои учество на Светското првенство обезбедија по освоените први места на плејоф натпреварите, што се одржаа во Кичево, на почетокот на минатиот месец. Посакувам успех за сите членови на државната репрезентација, рече за МИА, Дурим Пачуку, тренер на КК „Дибра" воедно и на македонската карате репрезентација.

Додаде дека Светското првенство во карате ќе се одржи од 9 до 13 овој месец во Венеција, Италија.

Исто така, тренерот Пачуку ќе се обиде да добие лиценца од светски рамки за акредитиран тренер.

- Ден пред заминувањето не посети градоначалникот Хекуран Дука. Ни посака среќен пат и успех на првенството. Рече дека гордост за Дебар е и самото учество на ова значајно натпреварување. Му благодариме за сестраната подршка, посочи Пачуку. /МИА