ВМРО-ДПМНЕ:Граѓаните не се виновни затоа што Филипче ништо не презема за да се намали смртностa

Венко Филипче наместо да работи за намалување на смртноста и бројот на починати лица од Ковид, глуми портпарол на министерството за здравство, се наведува во реакцијата на ВМРО-ДПМНЕ.

Филипче да каже што преземал тој лично за да се намали бројот на починати лица.

Наместо да се запраша што тој направил за подобро справување со Ковид, тој ги обвинува граѓаните.

Филипче да излезе и да каже зошто го преспа летниот период и не направи ништо во насока на зголемување на болничките капацитети, иако за тоа имаше повеќе од доволно време. Нема изговор, затоа што тој и неговата владата потрошија 1 милијарда евра во како што велат справување со Ковид и последиците од него, каде се тие пари и на што се потрошени?!

Наместо да го подготви медицинскиот кадар со ротационен систем со цел обучување на поголем број на кадар за справување со Ковид Филипче се впушти во политичка кампања.

Филипче знаеше дека доаѓа есенски бран, кој ќе биде многу поголем и поинтензивен од пролетниот бран на Ковид, но не направи ништо за да се подготви системот во насока на справување со истиот.

Власта и Филипче имаа доволно време да се подготват за справување со Ковид кризата, но тоа не го направија, затоа што беа фрлени на поткуп, а здравјето на граѓаните им беше на последно место.

Центар за комуникации на ВМРО-ДПМНЕ

Психосоцијална поддршка за деца со попреченост во Карпош

Општина Карпош наскоро ќе обезбеди уште една социјална услуга за помош и поддршка на деца со пречки во развојот. 

Се работи на адаптација на посебен простор во рамки на ООУ „Вера Циривири – Трена“, каде што во соработка со Македонското Монтесори Здружение, најмладите ќе имаат можност да се подготват за полесно вклучување во воспитно – образовниот процес. Услугата подразбира обезбедување на стручна помош и поддршка преку индивидуален третман и психосоцијална поддршка на деца со попреченост и нивните семејства на територијата на Општина Карпош, преку примена на Монтесори методот и други современи терапевтски техники. Поддршката ќе ја обезбедува тим од специјални едукатори, психолог и социјален работник. За овој проект се користат средства од Светска банка, а истиот се спроведува преку Министерството за труд и социјална политика.

На 03. декември – Светскиот ден на лицата со попреченост потсетуваме дека борбата за подобра инклузија и едукација е секојдневна. Нема друга алтернатива освен системски и трајно да се унапредуваат правата на овие лица во заедницата.

Локалната самоуправа изминатиов период поддржа и отворање на сензорни соби во рамки на основните училишта, инклузивни игралишта по населбите (Карпош 2 и Влае 2), а одвои и буџетски средства за лични и образовни асистенти за учениците со попреченост. На овој начин, се овозможува полесно следење на наставата и вклучување во образованието и социјалниот живот и на овие граѓани.

Градоначалникот на Општина Карпош, Стефан Богоев во своето обраќање по повод денешниот ден истакна дeка секој од нас е различен, но сите споделуваме заеднички проблеми:

Светскиот ден на лицата со попреченост само нѐ потсетува на борбата да градиме поправедна и уште поинклузивна заедница. Другарчето кое можеби ти изгледа поинаку, има само поинаква потреба од тебе. Оној кој говори побавно или потешко, има само друг начин на изразување. Лицето кое е во количка, исто така има друг начин на движење. Да бидеме отворени, да ги прифаќаме различностите! Затоа што единствената попреченост е лошиот став, рече Богоев.

Општината денеска исплати и еднократна финансиска помош од 3 илјади денари, за вкупно 154 граѓани со попреченост, кои живеат на територија на Карпош. Ова е само симболична помош и признание за нивната борба.

А, како локална самоуправа продолжуваме да ги унапредуваме нивните права, но и да овозможуваме нови услуги, со цел уште помалку да се чувствуваат институционалните бариери и пречки за овие лица.

ОПШТИНА КАРПОШ

Меѓународен ден на лицата со попреченост: Градење подобар свет по Ковид-19

Почнувајќи од 1992 година, на 3 декември се одбележува Меѓународниот ден на лицата со попреченост со цел подигнување на свеста за правата на овие лица. 

Фокусот на годинешниот Меѓународен ден на лицата со попреченост – 3 декември, ќе биде ставен на градење подобар свет за лицата со попреченост, свет кој ќе биде инклузивен, пристапен и одржлив за време и по завршувањето на пандемијата на коронавирусот.

Како што соопштија денеска од Хелсиншкиот комитет, лицата со попреченост во целиот свет, но и во нашата земја, сè уште претставуваат една од најмаргинализираните групи во општеството, кои се диспропорционално засегнати од ефектите на пандемијата.

-Почнувајќи од 1992 година, на 3 декември се одбележува Меѓународниот ден на лицата со попреченост со цел подигнување на свеста за правата на овие лица. Според претпоставките на Светската здравствена организација, околу 15 отсто од светската популација се соочува со некаков вид на попреченост. Попреченоста е дел од секојдневието, имајќи предвид дека секој човек, во некој период од својот живот, ќе се најде во ситуација на времена или трајна состојба на попреченост,сопштија од Хелсиншки комитет.

Како што посочуваат, пандемијата на Ковид-19 наметна сериозна закана по здравјето и животот на луѓето во целиот свет, а лицата со попреченост генерално се наоѓаат во поголем ризик од здравствени проблеми од останатата популација и додека попреченоста сама по себе не предизвикува поголем ризик од вирусот, многу лица со попреченост имаат специфична здравствена состојба, која ја прави болеста многу поопасна за нив.

Според Хелснишки, непристапноста на информациите поврзани со вирусот, затворање на дневните центри за поддршка, неприлагодено учење на далечина, како и невозможноста за социјално дистанцирање за лицата зависни од поддршка при извршување на секојдневни функции, се само дел од проблемите кои го зголемија предизвикот на секојдневниот живот на лицата со попреченост насекаде во светот.

-И ден денес ние се уште сведочиме на дискриминација на лицата со попреченост во сите сфери на секојдневниот живот. И покрај донесените закони, и покрај заложбите за креирање на инклузивно општество за сите, сè уште значителен дел од лицата со попреченост, но и нивните родители и други лица кои се грижат за нив, се соочуваат со неразбирање од страна на своите соседи, непристапна инфраструктура, дискриминација во образовниот систем и на пазарот на труд и многу затворени врати на институциите, посочуваат во соопштение.

Имајќи предвид дека пандемијата е сè уште присутна и ефектите од нејзиното влијание ќе ги чувствуваме уште многу долго, од Хелсиншки потенцираат дека е потребно да се донесат мерки кои ќе бидат креирани во согласност со потребите на лицата попреченост, со цел да ги намалат негативните ефекти од пандемијата, но и да овозможат понатамошно одржливо функционирање.

-Потребно е лицата со попреченост да бидат вклучени во сите процеси на креирање на политики, мерки и закони, кои го засегаат нивниот секојдневен живот. Потребно е да продолжат заложбите за спроведување на процесот на деинституционализација, чија имплементација забави како резултат на пандемијата и да се продолжи со постепеното напуштање на институционалното живеење, но и зајакнување на алтернативните форми на згрижување и развивање на локални сервиси за поддршка на лицата со попреченост и нивните семејства, се наведува во соопштението на Хелсиншки комитет.

ОЈО: По поднесено обвинение, државјанин на Албанија осуден за употреба на фалсификувана ЛК

Основното јавно обвинителство Скопје поднесе Обвинителен предлог против албански државјанин за кривично дело – Фалсификување исправа согласно член 378 став 3 во врска со став 1 од Кривичниот законик.

Обвинетиот, на 16 ноември, на Меѓународниот аеродром Скопје, при излез од државава, употребил како вистинска лажна италијанска лична карта. Од личната карта била отстранета оригиналната фотографија и на нејзино место била залепена фотографија на обвинетиот. Иако знаел дека јавната исправа е преправена, обвинетиот ја приложил како вистинска на барање на овластено службено лице при редовна контрола.

Веднаш по поднесеното обвинение, во Основниот кривичен суд Скопје се одржа рочиште на кое обвинетиот беше огласен за виновен и му беше изречена условна казна затвор од две години која нема да се изврши доколку обвинетиот не стори ново кривично дело во следните пет години, како и казна – протерување од земјава во траење од пет години.​

притисни ентер