Македонија

Влијанието на КОВИД-19 пандемијата врз социјалните права

Влијанието на КОВИД-19 пандемијата врз социјалните права – фокус на новиот Извештај на Агенцијата за темелните права на ЕУ.

Влијанието на КОВИД-19 пандемијата врз социјалните права е главниот тематски фокус на Годишниот извештај за темелните права на Агенцијата за темелни права на Европската унија за 2022 година што денеска во Скопје, го презентираше Институтот за европска политика (ЕПИ).

Како дел од ФРАНЕТ, ЕПИ трета година по ред го изработува придонесот за Македонија кон годишниот извештај за темелни права на Агенцијата како национална истражувачка организација на оваа Агенција во контекст на нејзината работа во сите 27 земји членки плус дел од земјите кандидати во кои што е и Македонија.

– На настанот дел од авторките односно клучните експерти ќе ги презентираат наодите по дел од различните човекови права вклучително антидискриминација, заштита на Ромите, права на луѓе со попреченост, состојбата со азилот и правата на децата. Ќе се осврнеме на она што беа клучните предизвици во 2021 година, пред се тоа е влијанието на КОВИД, мерките коишто едноставно ќе ги чувствуваме долг период. Ние во првиот наш извештај во 2019 година видовме доста голем пробив во однос на човековите права, меѓутоа дел од овие позитивни чекори во 2020 како резултат на КОВИД беа занемарени, односно се вративме наназад, изјави Симонида Кацарска, директорка на ЕПИ.

Таа нагласи дека клучните позитивни ефекти од Извештајот од 2021 година се однесуваат на функционирањето на Комисијата за заштита од дискриминација, на носењето на новата државна стратегија за Ромите која што е веќе етаблиран документ во нашата земја.

– Но, една од најголемата грижа во извештајот сепак ни претставува инклузијата на луѓето со попреченост. Тука особено повторно би ја спомнала состојбата со КОВИД и ефектот којшто го имаше КОВИД врз бројните инструменти за инклузија коишто се однесуваат и на вклученост во образованието, мерливост на тоа како мерките коишто Владата ги донесе влијаат врз луѓето со попреченост итн., вели Кацарска во изјава за медиумите, подвлече Кацарска.

Настанот е во рамките на поддршката која ЕПИ ја добива од бранителите на граѓански права, а учествува и замнеик министерот за правда Агим Нухиу како претставник на Министерството за правда кое е клучната институција која е контакт со Агенцијата за основни човекови права на ЕУ.

Покрај презентацијата на наодите, панелистите и панелистките ќе дискутираат и за главниот тематски фокус на овој Извештај – влијанието на КОВИД-19 пандемијата врз социјалните права.

Фудбал

Иднината на Кимих останува нејасна

Иднината на капитенот на Барен М. Џошуа Кимих по крајот на сезоната останува нејасна.

Договорот на 29-годишниот фудбалер со Баерн истекува и во оваа фаза нема навестување дека ќе биде продолжен.

Според новинарот Кери Хау, Баварците остануваат фаворити за потписот на германскиот интернационалец. Од клубот се оптимисти дека повторно ќе го ангажираат Кимих, бидејќи истото го посакува и самиот играч.

За играчот од средниот ред се заинтересирани и Ливерпул и Реал Мадрид. Нивните шанси да го привлечат не се особено големи.

Се верува дека Кимих нема да се согласи на намалување на платата во Баерн и ќе биде меѓу најплатените во клубот.

Џошуа Кимих е дел од Баерн од летото 2015 година. Баварците го гледаат како следниот капитен на тимот.

Свет

Шефот на руското разузнавање, Наришкин подготвен да разговара со директорот на ЦИА, Ретклиф

Директорот на Руската служба за надворешно разузнавање, Сергеј Наришкин изјави дека е подготвен да се сретне со директорот на Централната разузнавачка агенција (ЦИА), Џон Ретклиф.

„Русија отсекогаш била подготвена за преговори“, рече Наришкин, одговарајќи на новинарско прашање за подготвеноста за состанок доколку такво барање дојде од американската страна.

На прашањето дали се уште има контакти меѓу ЦИА и Руската служба за надворешно разузнавање, Наришкин рече дека руската страна има свој претставник во Вашингтон, како што ЦИА има свој претставник во Москва.

Ретклиф, исто така, претходно беше директор на ЦИА за време на првиот мандат на Трамп, од 26 мај 2020 година до 20 јануари 2021 година, пренесуваат руски медиуми.

Македонија

Пожарникарите од Виница во 2024 година имале 112 интервенции

Пожарникарите од Виница во 2024 година имале 112 интервенции, проценетата штета е над 620 илјади денари.

Вкупно 112 интервенции за гаснење пожари имала Територијалната противпожарна единица од Виница во текот на 2024 година, што е за една четвртина повеќе во споредба со претходниот едногодишен период.

Најголем број од интервенциите, вкупно 83, биле кај пожари на отворен простор, при што била опожарена површина од 167 хектари, што е за над 50 отсто повеќе споредено со 2023 година. Во 13 случаи се интервенирало кај запалени објекти, четири излегувања на терен биле за гаснење пожари кај моторни возила, а останатите пет се друг вид интервенции.

-Лани од пожарите е предизвикана материјална штета што се проценува на вкупен износ од над 620 илјади денари, што е далеку пониска вредност во споредба со 2023 година. Причина за избувнување на огнената стихија кај 101 интервенција е човечко невнимание, кај 7 интервенции имаше спој на електричната инсталација и неисправност на електрични броила, а два пати интервениравме кај запалени оџаци. Во текот на минатата година спроведовме пет превентивни активности за заштита од пожари, односно предавања во училиштата и фирмите, како и заеднички практични вежби во стопанските субјекти, истакна Виктор Димитров, командир на ТППЕ – Виница.

Покрај гаснењето пожари, пожарникарите од Виница имале и 14 други интервенции, од кои седум биле кај сообраќајни несреќи во кои во два одделни случаја имало по едно загинато лице.

Освен со интервенции на територијата на општината, виничките пожарникари во текот на минатата година во седум случаи со опрема и кадар им помагале и на своите колеги од Кочани, Берово и Свети Николе.