Владата прогласи кризна состојба во снабдувањето со топлинска енергија

ЕСМ на 21ви јануари го презема управувањето на БЕГ и топлификација Скопје Север, откако Владата синоќа прогласи кризна состојба со топлинската енергија, информираше министерот за економија Крешник Бектеши. 

Од тој датум парно за скопјани ќе има до 1 по полноќ.

Колку точно ќе не чини оваа кризна состојба проценки нема, Бектеши вели дека за сега на располагање има 6 милиони евра, но колку точно пари ќе бидат потребни ќе зависи од движењето на цените на гасот во наредниот период.. Сепак уверува дека во државната каса на располагање има 100 милиони евра предвидени за кризи.

„Калкулациите за 6те милиони евра се направени со берзанските цени на природен гас за месец јануари. Сега ги очекуваме понудите за месец февруари и март, согласно тие проекции ќе се направат калкулации, но јавност да знае не субвенционираме приватни фирми и затоа има одлука ЕСМ да преземе и во пресрет на граѓани ќе излеземе преку ЕСМ, а не БЕГ.“ изјави Крешник Бектеши, министер за економија.

Додека ЕСМ го преземе управувањето парното нема да се гаси, но трошоците кои ќе ги направат снабдувачите со топлинска енергија за набавка на енергенси ќе си ги покријат самите, објаснува Бектеши.

Од опозициската ВМРО-ДПМНЕ пак, прашуваат зошто Владата дозволила земјава воопшто да се најде во кризна состојба кога цената на гасот е ситуација која може да се предвиди.

„Зошто Владата на СДСМ не успеа да обезбеди гас по ниска цена како што тоа го направија и останатите земји од регионот и светот ? зошто Владата на СДСМ го претставува ова како свој успех кога цената на гасот повторно ќе се плаќа од парите на граѓаните ?“ истакна Марија Митева, портпарол на ВМРО-ДПМНЕ.

Проблемите со парното греење почнаа по Нова година, кога голем број корисници се соочија со ладни радијатори или воопшто немаа греење и на минусни температури. Откако БЕГ предупреди дека веќе нема гас за да произведува топлинска енергија, Владата склучи договор со ТЕ-ТО, според кој оваа гасна централа ќе работи 7 дена во недела.. Вишокот струја ќе го купува ЕСМ по 170 евра , а топлата вода што ја добива во произведоството, ќе ја пушта во системот на БЕГ.

СДСМ: Повисоки плати и пензии со заштеди од 200 милиони евра со ребалансот на Буџетот

Со ребалансот на Буџетот, утврден од страна на Владата предводена од СДСМ се кратат непродуктивни трошоци во висина од 200 милиони евра, кои ќе се пренаменат за надминување на последиците од светската економска криза.

Средствата ќе бидат наменети за заштита на животниот стандард на граѓаните, особено ранливите категории, за финансиска поддршка на ликвидноста на компаниите и поголеми субвенции за земјоделците со цел зголемено производство на храна.

Заштитата и унапредувањето на стандардот на граѓаните е врвен приоритет за Владата предводена од СДСМ.

И во време на светска економска криза минималната плата ја зголемивме на 18.000 денари, а просечната плата се искачи на 31.080 денари што е реализација на клучното ветување за просечна плата од 500 евра.

За 15 отсто ќе се зголемат платите на вработените во образованието и детската заштита, а следува и раст на пензиите.

Максимално одговорно, посветено и ефикасно, СДСМ продолжува со реализација на мерки и политики кои го унапредуваат животниот стандард и во време на светска економска криза, обезбедуваат повеќе пари во семејните буџети.

СДСМ Центар за комуникации со јавноста

Седум држави на АПЕК со барање до Русија неодложно да ги прекине воените дејствија во Украина

Претставниците на САД, Австралија, Канада, Чиле, Јапонија, Јужна Кореја и Нов Зеланд во заедничко соопштение истакнаа дека се длабоко загрижени поради хуманитарната криза во Украина.

Претставниците на седум земји, вклучително и оние кои во знак на протест поради рускиот напад врз Украина го напуштија состанокот на министрите за економија на Азиско-тихоокеанската економска соработка (АПЕК), ја повикаа Русија веднаш да ги прекине воените дејствија.

Претставниците на САД, Австралија, Канада, Чиле, Јапонија, Јужна Кореја и Нов Зеланд во заедничко соопштение истакнаа дека се длабоко загрижени поради хуманитарната криза во Украина.

„Потврдувајќи ја важноста на меѓународниот поредок заснован врз правила, кој поддржува отворен, динамичен, отпорен и мирен азиско-тихоокеански регион, силно апелираме на Русија веднаш да прекине со употребата на сила и целосно и безусловно да ги повлече сите свои воени сили од Украина", се наведува во соопштението лиферувано од седумте држави.

Претставниците на некои земји го напуштија состанокот кога рускиот министер за економија Максим Решетников зборуваше на отворањето на дводневниот состанок во АПЕК во кој членува 21 држава. Делегациите на пет држави се вратија на состанокот по завршувањето на говорот на Решетников.

ВМРО-ДПМНЕ: Додека владее тешка криза за граѓаните, службеници на Владата се луксузираат

Додека владее тешка криза за граѓаните, службеници на Владата се луксузираат под прикритие како новинари.

Вработени во службата за општи и заеднички работи при Владата, како новинари, на државен трошок престојувале во Софија, Бугарија три дена од 24 до 26 јануари. Кај ги прикривале како новинари, па и скапо го плаќале нивниот престој. За шест лица вработени во Владата, според написите на медиумите биле обезбедени шест хотелски соби со полн пансион, за три дена, иако посетата била дводневна, плус дополнителен превоз со возила од Владата.

Ете ова е луксузот на Власта во време на криза. Додека ги убедуваат просветните работници дека нема доволно пари за законското покачување кое им следи, додека нема исплатени субвенции во образованието, додека нема ефективни мерки за зауздување на инфлацијата, оваа власт продолжува со трошењето народни пари за хотелски услуги, патувања и слично.

Да потсетиме дека стотици милиони евра од буџетот се наменети за непродуктивни трошења, луксузи и задоволства на власта. Во време на криза потрошија 2,5 милиони евра за службени возила, а дополнителни 2 милиони евра само на мебел, кафиња и режни цвеќиња.

Народот го плаќа скапо луксузот на власта. Ова мора да престане. Оваа власт е извор на скандали и кризи и мора да си замине.

Центар за комуникации на ВМРО-ДПМНЕ

притисни ентер