Македонија

Владата преку кампања вредна 350 илјади евра ќе ги промовира придобивките од членството во ЕУ

Вкупно 45 дена ќе трае новата кампања преку која Владата ќе ги промовира придобивките од евроинтеграцискиот процес и членството во Унијата, но кога ќе почне и дали ќе се поклопи со камапњата за претстојните избори не е познато.

Од она што е наведено во договорот кој Генералниот секретаријат на Владата на 8 ноември го потпишал со филмската продукција Вертиго за сума од околу 350.000 евра. Најмногу средства речиси 47 илјади евра ќе бидат издвоени за изработка на ПР стории, интервјуа и соопштенија. А за продукција на промотивни видеа пак предвидени се над 30 илјади евра. Целта на кампањата, како што посочуваат од Владата за Канал 5 е информирање на јавноста за конкретните придобивки од ЕУ , но и потврдување на посветеноста на Владата на европскиот пат и остварување на стратешката цел - полноправно членство во ЕУ.

- Промотивната кампања која е предмет на договорот има за цел да креира свесност за придобивките од евроинтеграцискиот процес и членството во ЕУ за граѓаните, да ја информира јавноста преку структурирани и лесно разбирливи информации за конкретните придобивки од евроинтеграцискиот процес и членството во ЕУ , велат од Владата за Канал 5.

Според вицепремирот Маричиќ нема никаква штета секојдневно да се разговара за придобивките од ЕУ, иако прашање е каква е целисходноста на кампањата во услови кога веќе е извесно дека без уставните измени, евроинтергацискиот пат на Македонија следниот месец ќе запре, веднаш по завршувањето на скрининг процесот во првата недела од декември..

„ Ние очекуваме да има охрабрувачки пораки, но секако, не можеме да очекуваме да се случи нешто спротивно од она што е напишано во Преговарачката рамка и во она што ни е зададено како обврска уште минатата година. Нашата блокада во моментот има име и презиме, тоа е ВМРО-ДПМНЕ. Ние не се откажуваме од тоа до последниот ден на мандатот од овој собраниски состав, да разговараме и да ги убедуваме колегите од ВМРО-ДПМНЕ да не ја блокираат сопствената држава, да не влезат во еден вртлог, во еден тунел во кој веќе еднаш не внесоа во 2008 година... и да соберат сила заедно да го направиле овој потег“, изјави Маричиќ.

Слична кампања насловна „Ние сме Европа“ имаше и пред 2 месеци, но тогаш ја организраше Секретаријатот за европски прашања. Преку граѓански трибини низ 8 градови преставници од владата ги запознаваа граѓаните со придобвиките од ЕУ, за што беа потрошени околу 80.000 евра.

Свет

Туск може да стане премиер на Полска на 13-14 декември

Туск може да положи заклетва како нов полски премиер на 13 или 14 декември.

Според висок функционер во полската претседателска администрација, Доналд Туск, лидерот на Граѓанската коалиција, најголемата партија во коалицијата со парламентарно мнозинство, може да положи заклетва како нов полски премиер на 13 или 14 декември, објавија полските медиуми, пренесе БТА.

Војчех Коларски, државен секретар во претседателската администрација, вчера на Католичкото радио објави дека Доналд Туск, кандидатот за премиер предложен од парламентарното мнозинство, може да положи заклетва пред претседателот Анджеј Дуда на 13 или 14 декември.

Во согласност со програмата на долниот дом на полскиот парламент, на 11 декември, актуелниот премиер Матеуш Моравјецки ќе го одржи својот програмски говор пред комората. Неговиот предлог-кабинет потоа ќе биде подложен на гласање за доверба, кое се очекува да пропадне бидејќи мнозинството гласови во Парламентот и припаѓаат на опозицијата. Во таков случај, во текот на денот пратениците ќе предложат свој кандидат за премиер, а неговата кандидатура повторно ќе биде ставена на гласање.

Лидерите на трите опозициски партии кои освоија мнозинство во долниот дом на Парламентот на изборите на 15 октомври сакаат нивната влада да биде предводена од Туск и планираат тој да ја преземе функцијата што е можно поскоро. Нивниот кандидат ќе ја претстави својата програма на 12 декември. /МИА

Свет

Десетици слонови угинаа во националниот парк Хванге во Зимбабве поради климатските промени

Десетици слонови угинаа од жед во популарниот национален парк Хванге во Зимбабве, а заштитниците стравуваат дека повеќе ќе умрат бидејќи сушата, предизвикана од климатските промени и глобалната временска шема на Ел Нино, ги суши дупките за наводнување

Сезонскиот Ел Нино, кој предизвикува потопло и суво време во текот на целата година, е влошен од климатските дефекти, велат научниците, што е причина за загриженост на тековните разговори за климатски акции КОП28 во Дубаи.

-Се потпираме на вештачка вода, бидејќи нашата површинска вода се намали. Бидејќи слоновите зависат од вода, повеќе од нив умреа, изјави главниот еколог на Зимпаркс во националниот парк Хванге, Дафин Мадламото.

Во Хванге живеат 45 илјади слонови, а на возрасен слон му требаат 200 литри вода дневно. Но, како што изворите на вода се намалуваат, пумпите со соларна енергија во 104 бушотини или бунари не можат да црпат доволно вода./МИА

Свет

Ердоган ја обвини Франција за обезбедувањето оклопни возила на Ерменија

Турскиот претседател Реџеп Таип Ердоган ја критикуваше Франција за обезбедување оклопни возила на јужнокавкаската земја Ерменија, опишувајќи го потегот како „провокативен“, објавија азербејџанските медиуми.

-Ова е провокација. Франција треба да знае дека не и прави добро на Ерменија, туку и штети, изјави Ердоган на новинарите на враќање од посетата на Грција.

Според него, „ерменската влада треба да учи од своето неодамнешно искуство и да не подлегнува на овие провокации“.

-Би било во интерес на Ерменија да ја искористи можноста за мир и да не падне во замката поставена од земјите што ја доведуваат во заблуда, рече Ердоган.

За време на 44-дневниот конфликт, Азербејџан го врати Карабах по речиси 30 години ерменска окупација.

-Мирните односи со Азербејџан би биле најдобрата опција за Ерменија. Оние кои ѝ ставаат оружје во рацете ќе ја остават Ерменија сама во тешки времиња, додаде Ердоган. /МИА

притисни ентер