Во меѓувреме,бугарскиот европратеник Џамбаски, кој самиот се препозна во најавите од Пендаровски,во гостување на бугарска телевизија кажа дека иако првично не планирал, сепак ќе дошол во Македонија..... Упати и индиректна закана до македонскиот претседател, алудурајќи на атентатот врз српскиот крал Караѓорѓевиќ.
„ Не мислев да одам во Македонија, имав други планови. Но, како да откажам така љубезна покана. Сега со сигурност и без сомневање ќе отидам таму.
Што претставува за нас една таква забрана? Да му порачам на Стево Пендаровски, наречен Стево Коминтерната и дека во минатото и други се обидувале да им забранат влез на лидери на ВМРО во Македонија, а последниот таков пример е со југословенскиот, со српскиот крал Александар Караѓорѓевиќ. Ако се обидат да ми забранат влез во Македонија нека погледнат во историјата и нека учат од неа “
Дали ќе му биде дозволен влез на Џамбаски, министерто за внатрешни Оливер Спасовски, рече дека ќе одлучат истиот ден кога ќе појави на граница... Спасовски вели дека на вчерашната владина седница била донесена одлука да се направи се што е во надлежност на органите за безбедност за да се сочува јавниот ред и мир во државата, но и заштита на националниот интерес.
„ Работиме заедно со АНБ во размена на податоци и информации и врз основа на тие податоци МВР ќе носи одлуки во секој поглед што ќе значи прво и основно заштита на мирот и безбедноста и второ и најважно заштита на нашиот национален интерес, заштита на националниот идентитет, на нашето право на самоопределување и на достоинството на македонскиот народ и македонските граѓани. “
Што ако се појави Џамбаски на граница ?
За тоа ќе одлучиме на 4-ти февруари“
За разлика од иницијативата на претседателот Пендаровски превентивно да се забрани влез во земјава на бугарски европратеник и уште неколку други државјани на Бугарија, шефот на дипломатијата Бујар Османи е на позиција, тоа како принцип да важи за во иднина, а не ретрокативно..
„Мојата позиција е дека не треба да имаме ретроактивен пристап кон ниту еден проблем, како што имав за Законот за клубови туку од овој момент утврдуваме принцип секој што ќе даде изјава со која негира постоење на народ или ќе покаже територијални претнезии истиот ден ќе му се забрани влез, и тоа треба да го знаат сите, ако го знаат ќе бидат многу внимателни. “
Освен во земјава, и во Бугарија има општественици кои сметаат дека на некои бугарски политичари не треба да им се дозволи влез во Македонија, а поранешниот министер за одбрана на Бугарија Бојко Ноев, вели деканим не треба да им се дозволи ниту учество во бугарската политика, поради јасната проруско и антиевропско дејствување...