Владата ги прифаќа барањата на медиумските работници – ќе се основа медиумски фонд

Владата по опсежни анализи и дебати, како и консултации со домашни и меѓународни институции, смета дека се прифатливи најголем дел од барањата на медиумите и медиумските работници, кои се однесуваат на најавените медиумските реформи.

Пакетот медиумски реформи главно се однесува на прифаќање на дел од барањата на медиумите и еснафските здруженија во делот на законските измени на членот 102 од Законот за аудио и аудиовизуелни услуги, со кои се овозможуваат за проекти од јавен интерес Владата да може да спроведе едукативна и информативна кампања и преку радиодифузерите, потоа прифаќање на барањата за формирање независен фонд за истражувачко новинарство и за продукција на медиумски содржини од јавен интерес, како и темелни реформи во медиумската сфера во правец на остварување на новинарските права.

Според истите извори, во најавените промени на членот 102 од Законот за аудио и аудиовизуелни услуги, Владата земајќи ги предвид ставовите на ЗНМ, СЕММ и делегацијата на ЕУ, одлучила да се откаже од европско знаме за законот.

Од Владата се категорични дека се работи исклучиво на модел со кој се овозможува содржинска контрола врз оправданоста на кампањите од јавен интерес и истовремено се воведува фиксен клуч за правична дистрибуција на средствата за закуп на медиумско време кај сите радиодифузери, преку строго утврдени критериуми кај кои не постои можност за интервенција на човечки фактор.

На овој начин, според Владата, ќе се отстрани апсурдната забрана за каква било владина кампања од јавен интерес, во време кога пред нас е најголемиот здравствен предизвик – вакцинацијата и кога меѓународните организации, како што се ЕУ и УНИЦЕФ, веќе имаат свои кампањи преку медиумите со кои ги повикуваат граѓаните да се вакцинираат, а македонската Влада тоа не може да го стори поради законската забрана која е резултат на лошите пракси на власта на Груевски.

– Свесни сме за задршките кои дел од здруженијата на медиумските работници ги имаат околу кампањите од јавен интерес, особено ако се има предвид лошата пракса на пропагандата на Груевски, па затоа ќе бидат воведени најстроги механизми за контрола, а законското решение, по сугестија на ЕУ, ќе го испратиме и до Венецијанската комисија, за да добиеме мислење во делот на заштитните механизми. Во исто време, го прифаќаме барањето од ЗНМ и СЕММ, а тоа е воведување на таканаречен „медиумски фонд за истражувачко новинарство и за продукција на содржини од јавен интерес“, кој би одел во пакет со овие промени, велат од Владата.

Овој т.н. „медиумски фонд“ би имал за цел да го поттикне истражувачкото новинарство и создавањето медиумски содржини по примерот на многу земји членки на ЕУ.

Средствата за фондот, според Владата, би се обезбедиле од независно и одржливо, т.н. „резервирано“ финансирање од фиксни приходни ставки. Сумата на средства која би била обезбедена на овој начин би се движела помеѓу 1,5 и 2,5 милиони евра на годишно ниво. Тие средства нема да бидат на товар на граѓаните, а би се користеле за поддршка за независни истражувачки новинарски проекти, за обуки и подигање на професионалните новинарски стандарди, како и за поддршка на домашна медиумска продукција од области од јавен интерес, како документарни, филмувани или новинарски содржини од областа на културата, спортот, екологијата, борбата против корупција, здравство и слични области од јавен интерес. Управувањето на овие средства би било со вклученост на самата фела, а фондот би имал тековен конкурс на годишно ниво, за пријавување проекти од овие области. Токму за ваков фонд јавно се заложија дел од здруженијата на новинарите и на медиумите во претходниот период.

Од Владата сметаат дека со овој пакет се прифатени и обезбедени голем дел од барањата на медиумите и медиумските работници кои ги имаат добиено.

– Никогаш не можеме да ги задоволиме сите барања, но сметаме дека ова е сеопфатен пресек на вкупните потреби со гарантирани независни механизми на заштита, велат од Илинденска, посочувајќи дека овој пакет ќе се најде во владина процедура веќе на една од наредните седници на Владата, а се очекува да влезе во собраниска процедура до крајот на месецот, брифираат владини извори за МИА.

ВМРО ДПМНЕ е за нов Клинички центар кој би се градел наспроти ,, Жан Митрев Клиника“

Многу е едноставно, ВМРО-ДПМНЕ е за нов Клинички центар, но само со изготвен проект, а не со физибилити студија од 35 страни.

Филипче треба да изработи проект, а потоа со истиот да бара пари, односно заем за реализација на вака сериозен капитален проект. Сега Филипче сака да се изгласа закон за заем од 503 милиони евра за проект кој е само во неговата глава, се наведува во соопштението од ВМРО ДПМНЕ

ВМРО-ДПМНЕ има многу јасен предлог. Предлогот е, комплетно реновирање на Клиничкиот центар „Мајка Тереза“ кое би чинело околу 100 милиони евра како и изградба на ургентен клинички центар кој би бил наспроти „Жан Митрев Клиника“ и со кој би се поврзале Поликлиниката „Букурешт“ и ГОБ „8-ми Септември“. Освен ова решение, треба да се изградат уште три универзитетски клинички болници во Тетово, Штип и Битола кои би чинеле по десетина милиони евра, се наведува во соопштението на ВМРО ДПМНЕ

СЗО ја одобри кинеската вакцина „Синофарм“ за итна употреба

Светската здравствена организација ја одобри за итна употреба вакцината против Ковид-19 на кинескиот производител Синофарм.

Вакцината, една од двете кинески вакцини што веќе се дадени на стотици милиони луѓе во Кина и во странство, е исто така и првата вакцина против коронавирус одобрена од СЗО, која не е развиена на Запад.

Исто така, СЗО за првпат одобри за итна употреба на кинеска вакцина против заразна болест.

Фактот дека вакцината на Синофарм е на списокот на СЗО на итни вакцини е сигнал до националните регулатори дека е ефикасна и безбедна и ќе овозможи да се вклучи во системот Ковакс, глобална програма за сиромашните земји.

СЗО досега одобри итна употреба на вакцините против Ковид-19 кои ги развија Фајзер/Бионтек, Астра Зенека, Џонсон и Џонсон и Модерна.

Бочварски: На семејството на Верица ќе му биде доделен стан во Струмица

Министерот за транспорт и врски ,Благоја Бочаварски анјави на ФБ дека на семејството на трагично загинатата Верица , чии органи беа дадени за транпалнтација , ќе му биде доделен стан.

„Имајќи ја во предвид бескрајната хуманост на семејството Белчовски чија ќерка Верица трагично загина во сообраќајна несреќа, а нејзините органи беа донирани, како скромно оддолжување кон ова семејство, денеска на седница на Комисијата за станбени прашања при Владата со која претседавам, едногласно одлучивме да им биде доделен на користење стан во општина Струмица.

Семејството Белчовски ги поместија вредностите во општеството, а граѓаните на Македонија бескрајно им се благодарни за највисокиот чин на хуманост.“, напиша Бочварски на ФБ

притисни ентер