Влада: Од утре промената на возачките и сообраќајните ќе биде бесплатна, како и патниот лист

Замената на возачките и сообраќајните дозволи од утре ќе се врши бесплатно, а без надомест ќе бидат издавани и патните листови на македонските државјани во странство, кои немаат пасоши со „Северна“, а треба да се вратат во Македонија да ги променат.

Замената на возачките и сообраќајните со новото уставното име на државата од утре ќе се врши бесплатно, а без надомест ќе бидат издавани и патните листови на нашите државјани во странство, кои треба да се вратат поради промена на личните документи. Во државите каде нема дипломатско конзуларни претставништва издавањето на патните листови ќе биде он-лајн и со достава преку пошта. Овие одлуки попладнево беа донесени на седница на Владата, а за нив информираа вицепремиерот Битиќи и заменик министерот за внатрешни Бојмацалиев.

На новинарско прашање што ќе се случи со оние што веќе извадиле лични документи, дали тие се дискриминирани и како и кој на нив ќе им ги врати парите, Битиќи потврди дека на владината седница се разговарало и за тоа, но во овој момент нема одговор дали и како ќе бидат обештетени..

„Моето лично мислење е дека е дискриминација за тие кои биле совесни да постапат согласно законските измени и на време поднеле барање за промена на личните документи. Соодветно треба да се постапи, за да се изнајде како на нив на некој начин им се одолжиме зашто биле совесни граѓани на нашата држава“,

Во однос на тоа зошто во 2020 година на граѓаните им се издавале патни исправи со старото уставно име, Битиќи смета дека уште од првиот ден кога бил поптишан Преспанскито договор требало да се постапи соодветно, но кажа и дека врз темпото на извдавањето на документите влијаела и ковид кризата. Вицепремиерот признава дека Владата требало и поопсежна јавна кампања за информиирање на граѓаните, но вели дека не била можна поради законот за АВМУ.. ова ограничување треба да се отстрани со новите измени, но тие се блокирани во Собранието токму од СДСМ и ДУИ, иако уште пред 4 месеци ја поминаа владина процедура и добија зелено светло од пратеиците во првото читање..

„ Поголемиот број на патни исправи почнува да се издаваат во јули 2021 година. Можеби во овој период требаше поголема медиумска кампања за да се поттикнат граѓаните . Затоа што членот 102 од Законот за АВМУ ние сме ограничени со трошоци на јавни пари за медиумска кампања, која е во насока на важно за нашите граѓани. “

Инаку, освен бенфиции за граѓаните што ќе ги менуваат сообраќјните и возачки, МВР одлучи и да ги награди вработените во управните служби ангажирани во промената на документите со 13 плата што ќе ја добијат утре..

Муцунски: На Македонија и граѓаните им треба претседател кој ќе биде лидер на нацијата

Ние за жал последните години видовме како претседател не треба да има државата. 

Претседател – аналитичар, претседател кој ги кажува проблемите, но дали можеме да се сетиме на еден проект кој што тој го предводел, на еден предизвик, а многу предизвици има во државата, кој што тој го решил. Само кажуваше колку е лоша состојбата во државата, најпрактичен ни е последниот пример со состојбата со пасошите. Па потоа не можеа да се договорат со лидерот на неговата партија Ковачевски кој да се јави кај нашиот сосед Грција во обид да се реши проблемот и на крај никој не се јави и проблемот остана. Тоа е пример како не треба, вели Тимчо Муцунски, потпретседател на ВМРО-ДПМНЕ на денешната панел дискусија на тема „Претседател на народот, заштитник на сувереноста, Уставот и законите“ на Конвенцијата за избор на кандидат за претседател на Република Македонија на ВМРО-ДПМНЕ.

Потпретседателот Муцунски рече дека на денешната Конвенција ќе се понуди надеж и претседател кој ќе биде лидер на нацијата.

Но, ние сме дојдени денес да понудиме надеж, да дадеме решенија. Да разговараме за претседател кој што треба да биде лидер на нацијата. Претседател кои што има широки надлежности во внатрешната политика, а уште пошироки надлежности во надворешната политика. Да претседател кој што ќе биде претседател на земја членка на НАТО, на земја која што посакува да стане полноправна членка на ЕУ. Но, претседател кој што ќе не води по тој пат со заштитен дигнитет и заштитени национални интереси, додаде тој.

Муцунски истакна дека треба да се избере активен претседател на државата кој што ќе се грижи за македонските национални малцинства кои живеат надвор од државата, односно како што рече тој не само претседател кој зборува за проблемите, туку претседател кој што помага и нуди решенија.

Претседател кој ќе се грижи за македонските национални малцинства кои што живеат надвор од границата на нашата држава, прашања кои што е целосно запоставено. Претседател кој ќе се грижи за ширење на влијанието и знаењето на македонскиот јазик, како на катедрите кои ги има на странските универзитети, така и помеѓу македонската дијаспора. Претседател кој што ќе ги промовира македонските компании, тоа е тоа што ни недостасува, активен претседател. Претседател кој што не говори само за проблемите, туку претседател кој што ни помага и нуди решенија, изјави Муцунски.

Муцунски посочи дека сите добри претседатели на Македонија доаѓале токму од ВМРО-ДПМНЕ.

Сите добри претседатели доаѓале од ВМРО-ДПМНЕ. Луѓе кои што биле предложени од нашата партија позади кои нашата партија застанала и кои што знаеле да ја водат Македонија и во потешки предизвици од предизвиците кои ги имаме денес, нагласи Муцунски.

На крај, Муцунски нагласи дека најзначајната одлука ја носат граѓаните на Македонија, потенцирајќи дека и покрај тоа што има центри на моќ кои што не сакаат успех на кандидатот за претседател на државата од ВМРО-ДПМНЕ, нема поголема сила и центар на моќ од тоа што автохтоно ќе го кажат граѓаните на Република на Македонија на претседателските избори.

Најзначајна е одлуката која ќе ја донесат граѓаните на Mакедонија. Првиот круг претседателски избори ќе биде предизвик, има многу сили, многу центри на моќ кои што не сакаат успех на ВМРО-ДПМНЕ и кандидатот на ВМРО-ДПМНЕ. Но, нема поголема сила и поголем центар на моќ од тоа што автохтоно ќе го кажат граѓаните на Република Македонија, заклучи Муцунски.


САД уништија ракета што Хутите планираа да ја лансираат во Црвеното Море

САД соопштија дека извршиле одбранбена акција за уништување на ракета земја-воздух што  Хутите во Јемен планирале да ја лансираат кон Црвеното Море, јави Анадолија.

Американската Централна команда (CENTCOM) потврди дека американските сили вчера откриле ракета земја-воздух што требало да биде лансирана кон Црвеното Море, од регион контролиран од Хутите.

Командата додава дека нападот бил извршен во самоодбрана со образложение дека проектилот претставувал закана за американските авиони во регионот.

Во соопштението, исто така, се наведува дека Хутите од Јемен успеале да лансираат противбродска балистичка ракета во Црвеното Море, но дека ниту еден брод не е оштетен.

Од минатата есен, Хутите ги гаѓаат товарните бродови во Црвеното Море во сопственост или управувани од израелски компании или превезуваат стока до и од Израел во знак на солидарност со Газа.

Со ескалација на тензиите поради заедничките воздушни напади на САД и Велика Британија врз позициите на Хутите во Јемен, групата објави дека сите американски и британски бродови ги смета за легитимни воени цели.

Ѓоковиќ воодушеви стотици луѓе во трговски центар во САД (ВИДЕО)

Деновиве, додека тренираше на Универзитетот UCLA, Новак Ѓоковиќ сподели видео во кое го „рекламира“ производот SILA на компанијата „Waterdrop“ чиј амбасадор е.

Станува збор за коцки за хидратација со електорилит кои се „спонзорирани“ од самото име на најголемиот светски тенисер во историјата, па не е чудно што Ноле ја посети продавницата на споменатата компанија во Лос Анџелес.

По тој повод го предизвика општа еуфорија кај присутните, кои побрзаа да се фотографираат со Србинот кој во раце држеше кутија „СИЛА“.

Она што е исто така интересно е дека Ѓоковиќ најпрвин се упатил кон толпата каде што биле децата, а пред да влезе во трговскиот центар се поздравил со сите.

Секако, многу брзо потпишуваше автограми и се дружеше со обожавателите, а како изгледаше сето тоа можете да погледнете во видеото подолу:

притисни ентер