Во живо

последно ажурирање пред 4 месеци

Свет

Видео: Крената во воздух браната Какховка, во јужна Украина

Браната висока 30 метри и долга 3,2 километри е изградена во 1956 година на реката Дњепар, како дел од хидроцентралата Какховка.

пред 4 месеци13:35

Украина пред невидена апокалипса, цели населби исчезнуваат под вода, време за спас се помалку

Украинската јавна телевизија Суспилне го објави најновиот извештај за последиците од уништувањето на браната Каховка, споделувајќи и мапа на која се гледа точно каде се наоѓа браната, како и кои градови и населби сега се загрозени од напливот на вода.

-Поради експлозијата во хидроелектраната, околу 80 населени места се во опасност од поплави, рече премиерот Денис Шмигал.

„Досега делумно или целосно се поплавени повеќе од десет населени места“, соопштија од регионалната управа на Херсон.

Во критичната зона , на десниот брег на регионот Херсон, се наоѓаат околу 24.000 лица.

Локалните власти ги евакуираат жителите од потенцијалните зони на поплавување. На пладне тргна возот за евакуација од Херсон за Миколаев.

Украинските власти ги повикаа жителите кои живеат низводно да ја напуштат областа.

Регионалниот шеф на Херсон, Олександр Прокудин, предупреди дека за неколку часа нивото на водата во реката Дњепар ќе биде „критично“.

-Почна евакуацијата во опасната зона. Ве молиме направете се што можете за да го спасите вашиот живот. Веднаш напуштете ги опасните подрачја, порача тој и ги повика граѓаните да земат документи и најпотребни работи и да ги чекаат автобусите.

Во населбата Нова Каховка е прогласена вонредна состојба поради нападот врз браната, која продолжува да се урива и неконтролирано испушта вода низводно, изјави градоначалникот на Нова Каховка, Владимир Леонтиев, на ТВ Канал 1.

Тој појасни дека украинските сили продолжуваат да ја гранатираат областа и дека значителен број проектили ги погодиле бреговите на Днепар.

-Сега ги преместуваме жителите кои се директно на брегот. Градот се уште е цел на гранатирање. Мислам дека жителите на околу 300 куќи ќе бидат евакуирани и тие веќе се евакуираат сега за да се избегнат жртви, изјави Леонтиев за ТВ „Русија-24“ .

Да потсетиме, рано утринава беше уништена браната Каховка, а Русија и Украина меѓусебно се обвинија за минирање на клучната брана.

пред 4 месеци10:57

Нивото на водата по експлозијата на браната Нова Какховка кренато за пет метри

Нивото на водата околу браната Нова Какховка во јужна Украина, која беше разнесена во текот на ноќта, се зголеми за пет метри, а неколку острови се веќе целосно поплавени, јавуваат руските медиуми, повикувајќи се на локалните власти.

Засега, 22.000 луѓе кои живеат во 14 населени места во јужната украинска област Херсон се во опасност од поплави по експлозија на браната, изјави денеска прорускиот гувернер на регионот.

Проруски функционер во градот Нова Каховка рече дека жителите на околу 300 куќи биле евакуирани откако била пробиена блиската брана.

Градоначалникот Владимир Леонтев за руската државна телевизија изјави дека штетата на браната е резултат на низа украински удари.

Хидроцентралата Каховка е „целосно уништена“ и не може да се обнови по детонацијата во машинската просторија, соопшти денеска државната хидроцентрала на Украина.

Руската државна нуклеарна компанија Росатом објави дека нема закана за нуклеарната централа Запорожје, која се наоѓа на територијата окупирана од Русија, откако беше пробиена блиската брана.

Директорот на централата Запорожје, која Русија ја држи од март 2022 година, на Телеграм напиша дека нема ризик за безбедноста на објектот.

Браната висока 30 метри и долга 3,2 километри е изградена во 1956 година на реката Дњепар, како дел од хидроцентралата Какховка.

Содржи резервоар што го снабдува со вода полуостровот Крим, што Русија го анектираше во 2014 година, и нуклеарната централа Запорожје, што, исто така, е под руска контрола.

Украинската војска соопшти дека руските сили ја урнале браната, додека руски извори ја обвинуваат Украина.

пред 4 месеци09:20

Масивната брана Какховка, од времето на Советскиот Сојуз, што се наоѓа во јужна Украина а кој е под контрола на Русија, вчера беше крената во воздух, поплавувајќи ги околните области, јавија британските медиуми, повикувајќи се на извори од двете страни.

Непотврдени видеа на социјалните мрежи покажуваат серија интензивни експлозии околу браната Какховка. Друго видео покажува како вода протекува низ остатоците од браната.

Браната висока 30 метри и долга 3,2 километри е изградена во 1956 година на реката Дњепар, како дел од хидроцентралата Какховка.

Содржи резервоар што го снабдува со вода полуостровот Крим, што Русија го анектираше во 2014 година, и нуклеарната централа Запорожје, што, исто така, е под руска контрола.

Украинската војска соопшти дека руските сили ја урнале браната.

Сè уште нема „критична опасност“ за нуклеарната централа Запорожје поради уривањето на браната Какховка, соопшти синоќа руската агенција Тасс, цитирајќи официјален претставник во регионот Запорожје, кој е поддржан од Москва.

Украинскиот претседател Володимир Зеленски свика итен состанок на Советот за национална безбедност и одбрана поради експлозијата на браната Нова Какховка, во јужна Украина, јави на Твитер секретарот на Советот Олексеј Данилов, цитиран од британските медиуми.

„Руското уривање на ѕидот од браната Нова Какховка е екоцид, но националните и регионалните власти работат на обезбедување на безбедноста на локалните жители“, напиша на социјалната мрежа Телеграм шефот на администрацијата на украинскиот претседател Андриј Јермак.

Тој додаде дека руските активности околу браната, исто така, претставуваат закана и за блиската нуклеарна централа Запорожје, без да наведе конкретни детали.

Шоу биз

Има само 33 години а веќе влегува во историјата

Светската музичка ѕвезда Тејлор Свифт ќе заработи милијарда долари.

Филмот за турнеја на во моментов најпопуларната светска пејачка Тејлор Свифт започнува на 13 октомври.

Филмот за концертната турнеја на американската поп ѕвезда во моментов најпопуларната светска пејачка 33 годишната Тејлор Свифт ќе започне да се прикажува ширум светот на 13 октомври.

- Турнејата не е единственото нешто што сакаме да се одржи низ светот. Многу сум возбудена што можам да ви кажам на сите дека концертниот филм „The Eras Tour“ сега и официјално доаѓа во кината ширум светот – објави пејачката на Инстаграм.

Таа може да заработи милијарда долари од турнејата, за прв пат во историјата. Се очекува филмот да заработи повеќе од 100 милиони долари во првиот викенд само во кината низ САД и Канада, што досега никогаш не се случило, за фил прикажан само во киносалите.

Свет

Видео: Најмалку 52 лица загинаа во експлозијата на бомба во Пакистан, десетици се повредени

Најмалку 52 лица загинаа, а повеќе од 50 се повредени во денешниот самоубиствен бомбашки напад на верски собир во пакистанската провинција Белучистан, соопштија полициски претставници.

Бомбашкиот напад се случил во областа Мастунга, во близина на џамија за време на верски собир по повод роденденот на пророкот Мухамед, објавија британските медиуми.

Бомбашот го активираше експлозивот во близина на возилото на заменик началникот на полицијата, изјави полициски претставник.

Повредените се префрлени во болниците во блискиот град Мастунг.

Министерот за внатрешни работи Сарфраз Бугти рече дека бомбардирањето е „многу грозоморен чин“.

Техрик-е-талибан Пакистан негира дека го извршил нападот, за кој сè уште никој не ја презел одговорноста. Муслиманите во Пакистан и светот го слават роденденот на исламскиот пророк со одржување на јавни собири.

ПРЕДУПРЕДУВАЊЕ!
ВОЗНЕМИРУВАЧКО ВИДЕО!

Македонија

Пендаровски: Неопходен е модел за амортизирање на пазарните шокови

„Неопходен е модел за амортизирање на пазарните шокови во амбиент на постојани променливи економски околности“.

Неизвесноста го засилува масовното иселување на младите не само од нашата земја, туку и од целиот регион на Западен Балкан. Со тоа губиме непроценлив човечки и социјален капитал од кој зависи долгорочниот економски раст и развој на нашите држави и на целиот регион. Неопходни се реформи во виталните сегменти клучни за економскиот развој, како што се инвестициите, продуктивноста на трудот, димензионирање на образованието според барањата на пазарот на трудот и креирање на квалитетни работни места, порача денеска претседателот Стево Пендаровски во обраќањето на 9. Меѓународна истражувачка конференција што ја организираат Народната банка и Комитетот за преобразување на Бретон Вудс.

Според Пендаровски, тоа најдобро може да се постигне преку засилени реформи и забрзана интеграција во Европската Унија.

-Поголемата трговска и финансиска интеграција на регионот во европскиот пазар, во изминативе децении беше еден од виталните фундаменти на економскиот раст. Во регионот на Западен Балкан, токму македонската економија има највисоко ниво на трговска интеграција со ЕУ. Но, за македонските граѓани да ги почувствуваат придобивките од Унијата, освен трговска, неопходна е и политичка интеграција – што значи прифаќање и на европските стандарди и критериуми. Затоа, нам, и на земјите од регионот повеќе од кога било порано ни е неопходно натамошно зајакнување, а не намалување на врските со развиените економии, потенцира Пендаровски.

Како мала, отворена и увозно зависна економија, земјава, оцени, диспропорционално ги чувствува ефектите од глобалните потреси. Ефектите од здравствената, енергетската, економската, социјалната и безбедносната криза конвергираа во поликриза која ги покачи цените на енергенсите и на прехранбените производи, го забави економскиот раст, ја забрза инфлацијата, ги зголеми животните трошоци и го стесни просторот за поддршка на економијата.

-Затоа ни е важно да биде пронајден модел за амортизирање на пазарните шокови во амбиент на постојани променливи економски околности, подвлече претседателот.

Тој се осврна и на монетарната политика. Во услови на нестабилно надворешно опкружување и сѐ повисоки ценовни притисоци, особено поради војната во Украина, Народната банка, рече, по пример на Европската централна банка, почна да ја прилагодува својата монетарна политика.

-При тоа, факт е дека здравата монетарна политика придонесе да се зачува макроекономската стабилност на државата и делумно да се заузда растечката инфлација. Но, тоа не значи дека сите предизвици се надминати. Геополитичките и геоекономските ризици неспорно ги засилуваат долгорочните негативни ефекти и врз демографијата, истакна шефот на државата.

Пред Пендаровски, на конференцијата се обратија гувернерката Анита Ангеловска Бежоска и извршниот директор на Комитетот за преобразување на Бретон Вудс (КПБВ), Марк Узан.

притисни ентер