Вевчанци ја продолжија традицијата, василичарите продефилираа и покрај полицијата

„Бугарски фашистички окупатор", руската вакцина „Спутник", служба за дезинфекција, легална продажба на марихуана, мексиканци, пирати, специјалци, беа дел василичарските маски, кои продефилираа низ вевчанските улици.

Годинашното карневалско издание, се разликува од претходните поради мерките за заштита од коронавирусот.

Под силно полициско обезбедување и со по две маски, една за заштита од Ковид 19, а другата василичарска, ниту во услови на светска пандемија, вевчанци не се откажуваат од скоро 15 вековната традиција за одржување на Вевчанскиот карневал.

Василичарите кои тргнаа од почетокот на селото, според планираното продефилираа до центарот на Вевчани, каде изостана традиционалното оро, но во еден момент имаше судир со полицијата, која сакала да спречи соединување на неколку помали групи во една поголема.

Двете василичарски друштва, Горна и Долна маала се оградија од организацијата, а Општината пред речиси еден месец го откажа културно-забавниот дел.

– Никој неможе да ги спречи, поединечни маски сигурно ќе има. Не верувам дека ќе дојде до инцидент да се наруши јавниот ред и мир. Немаме никакви ингеренции во делот на организација на карневалот, изјави градоначалникот Сашо Јанкоски.

Преку маски, самостојни или групни на сатиричен начин вевчанци ги прикажуваат настаните што ја одбележале годината што измина, но и упатуваат пораки до институциите за одредени прашања. Тоа не изостана ниту годинава. Велат дека низ вековите се соочиле и со други пандемии како колера и лепра, но тоа не било причина да се прекине традицијата.

– И оваа година како и секоја продлжуваме. Ковид ни наложи да сме малку поизменети, но остануваме исти. Годинава василичарите прв пат носат по две маски, една василичаска и една за заштитна од коронавирусот. Ќе ги запазиме протоколите. Се ќе помине во најдобар ред. Ниту во колера и лепра не се откажал карневалот. Бил страшен и комунизмот и фашизмот, но василичарите излегле. И денеска покрај сите притисоци Василичарите излегуваат, истакна еден василичар.

Угостителските објекти се исполнети до последното место.

– Ги почитуваме мерките, се одржува дистанца, средства за хигиена има доволно. Не е тешко да се одржува редот. Вевчанци се дисциплинирани, кога ќе им се каже нешто се почитува, вели Наташа Мурџеска угостител од Вевчани.

Карневалот е нешто свето за вевчанци, тие секоја година во голем број излегуваат маскирани и според обичаите по дефилето низ улиците продолжуваат во домовите од каде го „бркаат лошото". Традиционално дел од манифестацијата се зетот и невестата, музичарите, глупавите августи и ѓаволите.

Карневалот е вековна традиција во Вевчани, а вевчанци цела година живеат со идеите како ќе се маскираат. Вевчанци ќе кажат се, но до карневалското дефиле маските ги чуваат во тајност. Традиционално карневалот почнуваше со дефиле под маски напладне на 13 јануари, а следниот ден маските се палат во центарот на Вевчани, со што завршува манифестацијата./МИА

Утре без струја дел од корисниците во Аеродром и Бутел

 Утре без електрична енергија во одреден период ќе останат дел од корисниците во општините Аеродром и Бутел.

Од ЕВН Македонија АД информираат дека без струја утре ќе бидат во периодот од 09:00-12:00 часот корисниците од бул.Јане Сандански згради број:86, 88 и 90 во општина Аеродром.

Во периодот од 08:00-09:00 часот без струја ќе останат корисниците од ул.Гоце Стојчевски згр.бр.5 влез 1,2 и 3, како и од ул.Лазо Москов згр.бр.2 влез 1,2 3 и 4 во општина Бутел.

Видео: Порие го нокаутираше „големиот“Мекрегор

Дастин Порие во УФЦ спектаклот во Абу Даби го нокаутираше големиот шампион Ирецот Колин Мекгергор.

Главната борба на вечерта заврши со иненадувачки нокаут на Конор Мегрегор.

Младиот Дастин стигна го голема победа со нокаут во втората рунда.

За Ирецот Мекгерор ова е првиот нокаут во кариерата во УФЦ.

Мечот започна со агресивни напади на популарниот „Ноториус“ Колин Мекгрегор со директи го напаѓаше Дастин, која пак беше подобар во клинч.

Порие во втората рунда изненади со еден десен директ по кој следеа серија удари од кои Мекгрегор не успеа да се врати во борба. Контроверзниот Мекгрегор на крајот спортски го прифати поразот и на му ја честиташе победата на Порие.

Намален бројот на активни случаи на заболени од Ковид-19, на инфективните одделенија има слобод

По големите регистрирани бројки на заболени со Ковид-19, во последниот период полека се стабилизира состојбата со епидемијата во земјава, за што е показател намалениот број на активни случаи. 

Во текот на последнава недела за над 3000 е намален бројот на активни случаи.

Од Министерството за здравсто посочија дека бројот на хоспитализирани лица постојано се менува, но истакнаа дека на инфективните одделенија има слободни кревети.

Според последните податоци, вкупно 274 лица сомнителни и потврдени за КОВИД -19 се лекуваат на инфективните оддели во Скопје.

– Во моментов на Кожната клиника во ковид центарот се лекуваат 18 пациенти, на Клиниката за неврологија 22 болни, а на Институтот за ТБЦ се примени вкупно 22 пациенти со симтоми на корона вирусот, во ковид центарот на Клиниката за нефрологија во моментов се сместени 20 пациенти. На Клиниката за Гастроентерохепатологија лежат 15 пациенти. Во ГОБ 8 Септември има вкупно 86 болни, а на Клиниката за инфективни болести лежат 79 пациенти, додека во Иститутот за белодробни заболувања кај деца Козле има 11 пациенти. Голем дел од пациентите се на кислородна поддршка, се наведува соопштението на МЗ.

Од Министерството за здравство наведоа дека според последните извештаи на болниците кои пристигнуваат кај нив на дневна основа, во болницата во Битола се хоспитализирани 32 пациенти позитивни и суспектни на КОВИД-19, во болницата во Штип се хоспитализирани 28 пациенти, на инфективното одделение во Тетово има 15 пациенти, во Велес се лекуваат 20 болни, а во Куманово 45 пациенти позитивни и суспектни на КОВИД 19, во ковид центарот во Охрид има хоспитализирано 40 пациенти, во Прилеп 29 во ковид центарот во Гостивар 17, а во Струга 16 болни. Во болницата во Струмица хоспитализирани се 21 пациенти, во Кочани 1 во Кичево 15, Кавадарци 17, во Гевгелија 3 лица, а во Дебар 11 позитивни и суспектни на корона вирусот.

– Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 584 и има околу 590 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла, истакнаа од МЗ.

Од Министерството истакнаа дека бројот на приеми во изминативе денови е стабилен.

Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Вкупниот број на ковид-дијагностицирани во нашата земја од почетокот на епидемијата изнесува 90471, оздравени пациенти се 76423, починати 2779. Досега се направени 441134 тестирања на КОВИД-19

притисни ентер