ВЕСТИ ОД ИДНИНАТА - Конечно Македонија ги отвори границите за своите граѓани, ќе добијат ли двајца Македонци Нобелова награда?

Денес е 28 Август 2020 год.  а ова се најновите и вонредни вести на Канал 5 ТВ ( текстот е фикција/козерија )  

1. Канал 5 ексклузивно дознава дека Македонија оваа година ќе ги номинира Борис Кондарко и Оливер Дерковски за лауреати за Нобеловата награда во областа на економијата.
Имено, нивната фантастична економска теорија на т.н. „математичката нелогичност“ најверојатно ќе им ја донесе првата награда во Стокхолм .
Овие двајца скромни но еминентни членови на Државната Изборна Комисија работеа со својот тим , и ја открија теоријата на т.н. математичка нелогичност.
Кондарко и Деркоски докажаа дека било која просечната вредност истовремено е и максимална, нешто што изминативе 180 год. очигледно беше погрешно применувано во пракса.

На прашање на Канал 5, како дојдоа до ова генијално откритие, Кондарко помалку срамежливо одговори дека сите овие месеци правеле интелектуални тестирања по што сфатиле ако на пр. бројот 2 е најмалата вредност од која се бара просекот, и бројот 2 е и максималната вредност ,тогаш јасно е дека просекот е 2, кој истовремено е и максимална вредност.
На ова се додаде луцидниот и секогаш мистериозно насмеан Деркоски кој продолжи дека потоа се обиделе и со броевите 21, 50 и 60, по што се гушнале , со маски нормално, за да го прослават овој неверојатен успех во економската наука на светско ниво - новата светска тероија на т.н. „математичка нелогичност“

2. На денешната седница на Владата на Македонија, се разговараше на темата дали конечно е време да се отворат границите на нашата земја и од 1ви Септември конечно да започне летната сезона и за нашите граѓани.

За да се дозволи излез од Македонија и влез во друга држава , граѓаните на граница ќе мора да покажат дека имаат во своето возило заштитни маски за надвор но и за во во вода, еден мини базен на надувување, најмалку по 2 чифта нови костими/шорцеви за капење, а ако одат во Грција, на заштитните маски задолжително мора да пишува на англиски „I am from North Macedonia“, а доколку се решат да летуваат на Црно Море во Бугарија, на заштитните маските мора да пишува „Гоце Делчев е Б’лгарин“. Дополнително , доколу се возат во „друштво“, возилата мора да бидат оддалечени најмалку 2-3 метри меѓусебе

3.Вчеравечер се појави нова видео снимка на лидерот на ВМРО-ДПМНЕ во која се гледа дека плива во базенот во Карпош без маска и ракавици. Веднаш дојде демант од министерот за внатрешни работи, Наќе Чулев кој изјави дека и оваа снимка е политички монтирана, и додаде дека стилот со кој пливал Мицкоски во базенот, делфин, плус одсјајот од плочките на дното на базенот ,не дозволувале да се забележат и маската и ракавиците кои Мицкоски очигледно ги носел додека пливал

4.И последната вест од оваа седница на Владата, е дека од 1ви Септември се намалува полицискиот час, кој сега ќе трае од доцните 19.45 вечерта, па се до 4.45 наутро наредниот ден.

Ова беа Вестите на Канал 5 Тв од 28 Август 2020 год.

( текстот е фикција/козерија )

Се вжештува атмосферата на терен во пресрет на 15-ти јули

На речиси половина пат до одржување на изборите партиите ги заоструваа меѓусебните провокации. 

Покрај секојдневните објавувања на т.н бомби, прозивки и обвинувања за криминали, изборната кампања продолжува традиционално и со уништување на партиските рекламни материјали. Мета на вандализам беа билбордот и партиските плакати во Македонска Каменица на носителот на ИЕ3 од СДСМ Љупчо Николовски.

“А мене срцето ми кажува дека кој и да го вандализирал моето име и лице на овој начин, не знаел за ништо подобро. Никој не му покажал поарно и почовечно. Затоа и му простувам”....напиша помеѓу другото Николовски во својата реакција на Фејсбук.

Но и Алијанса за Албанците на Села се соочува со уништени изборни плакати низ Скопје.Затоа пак се поставува прашањето – дали втората половина од изборната кампања ќе ги разгори провокациите?

Политичкиот аналитичар Петар Арсовски за Канал 5 вели негативната кампања стана карактеристика во земјава. Темпото на провокации, вели Арсовски, ќе се засили. Но сите средства што ги користат партиите во борба за глас повеќе на свое конто, смета дека нема да имаат ефект кај неопределените гласачи.

Сите чинови на вандализам се пријавени во полиција која треба да ги открие сторителите. Оваа глетка е вообичаена во скоро секој изборен процес во земјава кога се забележуваат испишани политички пораки на штабови, демолирани партиски канцеларии и уништени билборди.

Филипче: Според евиденцијата на ДСЗИ околу 5.000 лица се во изолација на домашно лекување и можат да гласаат на изборите

Ние дадовме списоци на здравствени работници. По тројца во општина ќе бидат опредлени од ДИК за да го спроведат заедно со одборите ова гласање. 

Министерот за здравство Венко Филипче на денешната прес-конференција информираше дека според евиденцијата на Државниот санитарен и здравствен инспекторат (ДСЗИ) нешто помалку од 5.000 луѓе се во изолација на домашно лекување, кои доколку сакаат да гласаат на предвремените парламентарни избори на 15 јули треба да се пријават на веб-страната на Државната изборна комисија (ДИК).

– Ние дадовме списоци на здравствени работници. По тројца во општина ќе бидат опредлени од ДИК за да го спроведат заедно со одборите ова гласање. Не известија од ДИК дека планираат симулација на процесот на денот на гласање во среда или четврток со членови на избирачки одбори, со претставници на набљудувачи од партиите како тоа би изгледало со сите заштитни превентивни средства согласно протоколот којшто го дадовме. Секако дека претставници на Комсијата за заразни болести биле на таа симулација, рече Филипче.

Согласно ревидираниот Роковник на ДИК рокот за пријавување на лицата со Ковид-19 и во самоизолација за гласање истекува на 8 јули на полноќ. Гласањето за оние што ќе се пријават ќе се одвива на 13 јули, а гласањето ќе го спроведат здравствени избирачки одбори односно Посебни избирачки одбори во кои членови се тројца здравствени работници и претставници на политичките партии. Лицата кои ќе добијат позитивен тест за Ковид-19 и ќе им биде дадено решение за самоизолација од 8 до 13 јули нема да можат да се пријават и да гласаат на парламентарните избори.

МОН подготви концепт за далечинско учење од септември, предлози и сугестии до петок

Министерството за образование и наука објави нацрт-верзија на Концепт за развивање систем за образование од далечина во основните и во средните училишта во земјава.

Изработката на документот е иницирана од промените во начинот на реализација на воспитно-образовниот процес на глобално ниво поради пандемијата предизвикана од појавата и ширењето на вирусот КОВИД-19.

– Концепцијата треба да обезбеди непречено одвивање на едукацијата на учениците во основните и средните училишта од 1 септември 2020 година, преку приспособување на процесот на новонастанатата ситуација и реалност, велат од Министерството за образование и наука.

МОН го подготви Концептот за учење од далечина заедно со Министерството за информатичко општество и администрација, Бирото за развој на образованието, Центарот за стручно образование и обука, Државниот просветен инспекторат и Државниот испитен центар, во соработка со УСАИД, УНИЦЕФ, Македонскиот центар за граѓанско образование-МЦГО, наставници од основните и средните училишта и од високообразовните установи во земјава, како и повеќе експерти од областа на образованието и ИКТ-сферата.

Од МОН наведуваат дека сите заинтересирани најдоцна до 10 јули 2020 можат да придонесат во подготовка на што поквалитетна содржина на овој документ со доставување предлози и сугестии на електронската адреса: mitkoceslarov@bro.gov.mk .

Поради опасност од ширење на заразата со КОВИД-19, наставата во 2019/2020 од средината на март до крајот на учебната година во јуни беше реализирана онлајн и со учење од далечина преку различни е-платформи.

Министерот за образование и наука Арбер Адеми пред крајот на учебната година за МИА изјави дека се разгледува и сценариото како ќе се постапи ако се соочиме со исти или полоши околности на почетокот од 2020/2021 година.

– Генерално, ако имаме иста ситуација, исти околности, можеби ќе се соочиме со исти мерки или ќе размислиме во насока на реорганизирање или поинакво организирање и реализирање на наставата во училишните клупи, рече Адеми.

притисни ентер