Вечерва во „Само Вистина“ дебатираа пратениците Миле Лефков и Мартин Костовски

Костовски: Техничка влада може да се укине за следните избори. Лефков: Не само што изгубивте во Куманово, туку ви се формира и трета партија.

Лефков: Вие сте од Куманово, лидерот ви е од Куманово, не само што изгубивте во Куманово, туку ви се формира и трета партија, вие да се кандидирате за претседател во било која зграда за претседател на куќен совет, ќе изгубите. Вие сте избрани од граѓаните, но за жал никој не ги почитува граѓаните. Кога зборуваме за Премиер Албанец, зборуваме за Премиер на препорака од ДУИ, најкриминалната партија, нема ден да нема скандал поврзан со нив. До кога ќе мафтате со европското знаменце за ваша корист и носите закони што се далеку од европски?

Костовски: Факт е дека конзистентноста и договорите меѓу коалиционите партнери се почитувале и ќе се почитуваат и во иднина. Ние не ретерираме од тоа да има Премиер Албанец, не е важно што е по нациоанлност, важен е квалитетот на личноста и тоа нема да се рефлектира врз рејтингот на СДСМ. Имаме лидер на партијата посветен и ве уверувам дека ќе излеземе како победници на изборите во 2024 година. Техничка влада може да се укине за следните избори, не постои заглавување по лифтови и влечеа луѓе за да гласаат, јас сум задоволен што може да зборувам да нема техничка влада.

Конте е на потесниот список на Баерн, но не и приоритет, Антонио би сакал да работи во Серија А

Актуелниот германски фудбалски шампион Баерн Минхен го прифаќа назначувањето на Антонио Конте на крајот од сезоната.

Според инсајдерот Матео Морето, италијанскиот тренер е на потесниот список на минхенскиот клуб, но не е меѓу приоритетните опции. Актуелниот германски шампион е насочен кон потписот на Чаби Алонсо од Баер Леверкузен.

Самиот Конте би сакал да ја продолжи кариерата во Италија и чека можност да води тим од Серија А, но сепак не исклучува преселба во Баерн.

Педесет и четиригодишникот е без ангажман откако го напушти Тотенхем во март 2023 година. /МИА

Украина потпиша билатерални безбедносни договори со Италија и Канада

Претседателот на Украина Володимир Зеленски соопшти дека потпишал билатерални безбедносни договори со италијанската премиерка Џорџа Мелони и канадскиот премиер Џастин Трудо.

Договорите имаат за цел да ја зајакнат безбедноста на Украина додека таа не ја постигне својата цел да стане членка на НАТО.

Во објава на социјалните мрежи, Зеленски рече дека документот „поставува силна основа за долгорочно безбедносно партнерство меѓу Украина и Италија“.

Лидерите на Италија и Канада во моментов се во Киев за да ја одбележат втората годишнина од инвазијата на Русија врз Украина. /МИА

Израелски медиуми: Делегацијата се враќа од Париз со умерен оптимизам

Функционерот, чија изјава ја пренесуваат повеќе портали, вели дека е постигнат „нацрт-договор“ со Хамас за привремен прекин на огнот во Газа, објави „Тајмс оф Израел“.

Израелска делегација се враќа од разговорите во Париз за примирје со умерен оптимизам дека може да се постигне договор за привремено прекинување на борбите со Хамас во Појасот Газа и ослободување на израелски и странски заложници, јавија израелските медиуми, повикувајќи се на неименуван функционер.

Функционерот, чија изјава ја пренесуваат повеќе портали, вели дека е постигнат „нацрт-договор“ со Хамас за привремен прекин на огнот во Газа, објави „Тајмс оф Израел“.

- Имаше добри разговори, има значителен напредок. Имаме основа за да изградиме план и преговори, ја цитира Канал 12 изјавата на функционерот.

Изворот вели дека нацртот прво ќе биде претставен на одобрување до воениот кабинет, а потоа и до остатокот од владата. Весникот „Марив“ објави дека воениот кабинет ќе се состане вечерва за да слушне вести од Париз.

Следната фаза од разговорите, според изворот, ќе се фокусира на централното прашање за тоа кои заложници ги држат милитантните групи во Газа и кои палестински затвореници ќе бидат ослободени како дел од прекинот на огнот, како и деталите на времетраењето на прекинот на огнот.

„Џерусалем Пост“, повикувајќи се на два извори запознаени со содржината на преговорите за примирје, претходно јави дека за време на состанокот во Париз меѓу претставниците на САД, Израел, Египет и Катар, е договорен нов и ажуриран нацрт-договор за ослободување на израелските заложници кои ги држи Хамас во Појасот Газа.

Изворите објасниле дека постигнатиот напредок би можел да овозможи премин на преговори за деталите од договорот, како што се бројот и идентитетот на затворениците кои ќе бидат ослободени.

Тие исто така рекле дека воениот кабинет на Израел сега очекува да добие информации од преговарачкиот тим и да одлучи за понатамошните чекори, што би можело да се случи уште вечерва./МИА

притисни ентер