Ватикан објави нови детали за огромното богатство и луксузните имоти низ Европа

Престижни адреси во Париз, Лондон и Женева и 3.000 имоти во Рим - Ватикан откри нови детали за својата империја на недвижнини, за изворите на приходи и скандалите.

Нунцио Галантино, кому пред 2 години му била доделена задача од папата Франциско да го централизира имотот на Ватикан, вели дека му здодеало од „сензационалистички“ приказни за папското богатство.

„Едноставно не е точно кога луѓето велат дека повеќето недвижнини во Рим им припаѓаат на Католичката црква и на Ватикан“, изјавил за АФП бизскупот, кој ја предводи Административната управа за имот на Апостолската столица (АПСА).

Размерот на имотите во Ватикан е неверојатен, а управувањето со една зграда во Лондон предизвика голем скандал во срцето на Католичката црква.

Инвестициите започнале во 1929 година кога со Латеранскиот договор на Кралството Италија и Светата Столица се формирала независна држава Ватикан. Договорот со Италија вклучувал надомест за имотот земен од поранешната папска држава.

Меѓу одземениот црковен имот се наоѓала и огромната палата Квиринале. Некогаш таму живееле триесет папи, а денес е резиденција на италијанскиот претседател.

Тогашниот папа Пиј XI одлучил да ги инвестира приходите во недвижен имот, вклучително и во странство, „за да се обезбеди слобода и независност на Црквата“, рече Галантино.

АПСА со години управувала со 737 имоти во срцето на Париз околу Булеварот Сен Мишел, градската област Одеон и Елисејските полиња, на површина од скоро 56.000 квадратни метри во вредност од околу 595,5 милиони евра.

Во Лондон имаат 27 имоти - во близина на плоштадот Сент Џејмс, Кенсингтон и улицата Бонд, со површина од околу 4600 квадратни метри, проценета на околу 108,5 милиони евра.

Во Швајцарија, особено во Женева и Лозана, Црквата поседува 140 недвижнини на површина од 16.000 квадратни метри , вредни повеќе од 91 милион евра.

Ватикан има изградено згради во Рим, претежно во двете главни улици што се поврзуваат со плоштадот Свети Петар.

Денес, АПСА е задолжена за изнајмување на 2.400 станови и 600 канцеларии и продавници во Италија, што и донеле 99 милиони евра во 2019 година.

Околу 15 проценти од нив се на слободен пазар, 30 проценти се субвенционирани закупнини, особено на вработените и пензионерите, а останатите се згради во кои се наоѓаат институциите на Ватикан или се бесплатни заеми на училишта и универзитети.

Целта на Галантин е да ја подобри „профитабилноста“ на имотот на Ватикан, истакнувајќи дека некои станови се празни, а други се трошни.

Тој вели дека е тешко да се одреди вредноста на имотот во Италија, не само затоа што зградите како базиликата Свети Петар се непроценливи, туку нивната вредност може да се протега на неколку милијарди евра само за имотот на пазарот за изнајмување.

Покрај тоа, има стотици станови управувани од министерството што ги надгледува мисионерските активности на Црквата, заработувајќи уште три до четири милијарди евра, според економскиот весник „ Il Sole 24 Ore “.

АПСА сè уште прави попис на нивните средства во Италија, а Галантино се надева дека ќе биде готов до пролет.

Папата Франциск неодамна го ставила под контрола на АПСА имотот во Лондон што моќниот државен секретаријат, централната администрација на Ватикан, го стекнала со индиректни деловни активности преку италијански посредници.

Меѓу нив е и зграда на авенијата Слоун 60, во срцето на ексклузивната област Челси во Лондон, што била купена во две фази од 2014 година.

Италијански финансиер кој дејствувал како посредник на Ватикан во зделката е уапсен минатата година под обвинение за корупција, но оттогаш бил ослободен.

Една година порано, полицијата во Ватикан изврши рација во канцелариите на Државниот секретаријат, а минатата година бил отпуштен кардиналот Анџело Бечиу, кој бил висок функционер за време на договорот.

Репутацијата на црквата исто така е нарушена откако инвестициски фонд со седиште на Малта, кој управува со друго портфолио на недвижнини во Лондон со пет луксузни апартмани, ги искористиле парите за да инвестираат во филмот „Rocketman“ за музичката sвезда Елтон Џон, инаку хомосексуалец.

Папата изјавил дека сака да се повлече од сите овие инвестиции што е можно поскоро за да се намали ризикот од нарушување на угледот на Црквата.

Скандалите со имотот не се ништо ново. Судовите во Ватикан минатиот месец го осудиле поранешниот шеф на Банката во Ватикан (ИОР) на девет години затвор за проневера и перење пари поврзани со коруптивни зделки со недвижнини.

Ковачевски не ги отфрла предлозите на Мицкоски за укинување на Балансерот и бројот на пратеници

Лидерот на СДСМ Ковачевски не ги отфрла ад хок идеите на ВМРО-ДПМНЕ за укинување на балансерот при ваботувања во јавната администрација, намалување на бројот на пратеници и воведување на една изборна единица.

Лидерот на СДСМ Ковачевски ад хок не ги отфрла предлозите на ВМРО-ДПМНЕ за укинување на балансерот при ваботувања во јавната администрација, намалување на бројот на пратеници и воведување на една изборна единица, но смета дека уставните измени за откочување на европскиот пат сега се приоритет за државата. Според него балансерот е воведен од влада на ВМРО-ДПМНЕ, но согласен е дека се злоупотребува и смета треба да има поширок политички консензус за негово надминување.

Во напуштањето на владејачката коалиција на некои од коалициските партнери Ковачевски гледа различни мотиви, но не, како што рече, идеолошки. Потврди дека нема да предложи разрешување на лидерот на Достоинство Стојанче Ангелов, иако тој најави дека ќе премине во опозиција поради неисполенти ветувања, а вчера изјави дека би се вратил во коалиција со СДСМ за плата од 5.000 евра.

-Тој најави дека ќе ја напушти коалицијата, а утрово посочува дека би се вратил во коалицијата. Јас вака му кажав, дека без разлика дали ќе ја напушти или нема да ја напушти – јас нема да предложам негово разрешување. Јас сум имал коректен однос со сите коалициони партнери, изјави Ковачевски.

Според Ковачевски во СДСМ нема незадоволство, а пратеничките листи кои се објавени ќе бидат конечни. Коалицијата која што вчера ја потврдија нема да се проширува вели тој, а се разговара за соработка со граѓанскиот сектор.

ВМРО-ДПМНЕ вечерва на извршен и централен ќе ги утврдува пратеничките листи

На изборните листи на ВМРО-ДПМНЕ ќе има чесни, професионални и храбри лица, уверува партискиот лидер Христијан Мицкоски, а вечерва целосниот список од 120 кандидати за пратеници ќе биде тема на дебата на седници на извршен и централен комитет. 

Веќе се шпекулира дека на листите ќе се најдат повеќемина од актуелната пратеничка група на опозициската партија, но официјална потврда се очекува в сабота на најавената промоција на кандидатите. Мицкоски најави позитивна кампања, од противкандидатите очекувал клевети и опструкции, но сепак очекувал победа за Силјановска и ВМРО-ДПМНЕ.

Победа очекува и спротивниот табор - најавено е дека в недела ќе ја презентираат партиската програма со која ќе влезат во изборната трка. Лидерот на СДСМ Димитар Ковачевски негира дека за листите во неговата партија имало несогласувања, како што се шпекулираше за време на нивните партиски состаноци кога ги гласаа минатиот викенд.

Покрај СДСМ и ВМРО-ДПМНЕ, свои листи најави Европскиот фронт предводен од ДУИ, албанската опозиција на Касами, Гаши и Меџити - „ВРЕДИ“, Левица, Движењето „ЗНАМ и Коалиција „Храбро“.

Дел од нив деновиве ги претставија носителите, а крајниот рок за доставување на целосните листи во Државната изборна комисија е вторник, 2 април.

Зголемен број хоспитализирани деца во кумановска болница

Зголемен е бројот на хоспитализирани пациенти на детското одделение во општата болница Куманово, информираа денеска надлежните од јавната здравствена установа.

Најголем процент на хоспитализираните се деца заболени од вируси, но и дечиња кои имаат алергиски реакции, неколкумина се заболени од „голема кашлица“.

Болнички се лекуваат 20 деца, дневно на одделението има и по 50-тина деца од новороденчиња до десет години. Оние со потешка клиничка слика, пневмонии се хоспитализирани, останатите со полесна клиничка слика се лекуваат на дневна болница.

- Пролетната сезона почна и се зголемува бројот на деца кои имаат вируси и алергиски реакции. Во моментов имаме и деца заболени од „голема кашлица“-пертусис, изјави началничката на детското одделение д-р Ферихан Бајрами.

Родителите ги носат децата и барата помош од педијатрите за зголемена телесна температура, кашлица која прогресира во потешки компликации, со опструкции, пневмонии.

- Последно време имаме дечиња заболени од пертусис. Најголем процент се деца на училишна и предучилишна возраст, но и новороденчиња кои поради возраста не можат целосно да бидат вакцинирани, ниту со прва, ниту со втора доза. Ако родителите забележат покачена температура, кашлица, веднаш да се извршат испитувања и ПЦР метода за пертусис што се прави во лабораторијата и веднаш да се изолира детето и да се почне со соодветна терапија, вели докторка Бајрами.

И алергиските реакции предизвикуваат проблеми кај децата. Симптомите појаснува педијатарот се кивање, кашлица која е сува и надразнителна, бистра носна секреција, затнато носе, чешање на нос и очи.

- Во моментов се инхалаторни полен, цветови, прашина. Потребно е да се направат алерголошки испитувања. И во болницата нудиме таков тест преку крв, кажа Бајрами.

Педијатрите препорачуваат здрава, балансирана исхрана, внес на витамини. Одделението е добро екипирано и можат да се справат со зголемен број на заболени деца.

притисни ентер