Вашингтон пост: САД тивко ја предупредуваат Москва да не употреби нуклеарно оружје

САД веќе неколку месеци вршеле приватна комуникација со Москва со предупредување до руските лидери за тешките последици што следуваат доколку таа употреби нуклеарно оружје, соопшти денеска весникот Вашингтон пост.

Според извори на весникот, Администрацијатa на Бајден намерно давала општи предупредување за последиците од нуклеаренн напад, за Кремљ да има главоболки каков би бил одговорот на Вашингтон на таков напад.

-Обидите на Белата куќа да култивира она што во нуклеарното одвраќање се нарекува „стратешка нејаснотија“, доаѓаат во време кога Русија продолжува со ескалирачката реторика за можна употреба на нуклеарно оружје наспорти мобилизацијата дома, за да се запрат руските воените неуспеси на во истолна Украина, коментира весникот.

САД не откриваат каква е содржината на тие предупредувачки пораки, но факт е дека во изминатите месеци се ангажирани во постојана комуникација со Москва. Не се знае дали биле телеграфирани пораки и по најновата закана од претседателот Владимир Путин, кога најави „делумна“ мобилизација.

По почетокот на војната при крајот на февруари годинава Русија досега неколкупати се закани дека ќе употреби нуклеарно оружје. Од Администрацијата велат дека иако во Кремљ не се срамат да врши нуклеарни уцени, засега не е забележано разместување на руски нуклеарни оружја за подотовка за неизбежен удар.

Завчера, после Путин, таква уцена испрати и Димитриј Меведев, шеф на Советот на безбедност во Кремљ. Во соопштение на својот Телеграм канал тој предупреди дека ако Запад не престане да ја снабдувате Украина со воена помош, Русија може да употреби најново „хиперзвучно“ оружје со цел да ја запре офанзивата и да ги замрзне придобивките на теренот.

Останува да се види дали ова сеуште останува блеф или тие навистина ќе го направат тоа. Путин во своето обраќање прецизираше дека „ние не блефираме“.

-Она што треба да се признае е дека ова е можеби најстрашната епизода во оваа војна, кога атомско оружје може да биде употребено, за првпат после многу децении. Последиците од дури и таканаречена „ограничена нуклеарна војна“ би биле апсолутно катстрофални, велат за весникот набљудувачите. /МИА

Фото: Холивудски ѕвезди фатени на дело!

 Холивудските ѕвезди актерките Џенифер Анистон (55) и Сандра Булок (59) продолжуваат да ја освојуваат публиката со својот физички изглед, а долго време се шпекулира дали направиле пластична операција

Јавноста се уште се прашува дали овие убавици и во шестата деценија се навистина природни и едноставно прекрасно стареат.

Двете холивудски убавици пред два дена се забележани како ја напуштаат познатата клиника за пластична хирургија во Гринич, а друштво им правеше Аманда Анка.

Инаку оваа ординација е специјализирана за кревање на горниот и долниот дел на лицето, а цените за таков зафат во зависност од третманот се движат од 50.000 до 100.000 долари по третман.

Подигнувањето на веѓите и очните капаци е нешто поевтино, а цената на овој третман е околу 30.000 долари.

Познатите дами посетија ординација на познат хирург чија специјалност е „подмладување на лице и ринопластика“, како што е наведено на веб-страницата на клиниката.

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

притисни ентер