Рускиот претседател Владимир Путин и кинескиот претседател Си Џинпинг се пред вториот ден од разговорите за економските односи и се очекува двете страни денеска да потпишат два големи договора за проширување на „сеопфатното партнерство“ и за „стратешката соработка“.

Како што пренесуваат странските агенции, Си и Путин вчера разговараа четири и пол часа, нарекувајќи се еден со друг „драг пријател“, а меѓународно изолираниот руски лидер рече дека е отворен да разговара за предлозите на Кина за решение на војната во Украина.

Рускиот лидер за време на средбата рече дека е отворен за разговори за Украина и го пофали предлогот на Пекинг за конфликтот од 12 точки, што вклучува повик за дијалог и почитување на територијалниот суверенитет на сите земји.

Економската соработка ќе заземе централно место денеска во разговорите меѓу кинескиот и рускиот лидер.

Двете страни треба да потпишат два големи договора за проширување на „сеопфатното партнерство“ и „стратешката соработка“, соопшти Кремљ. На состанокот ќе присуствува и рускиот министер за одбрана Сергеј Шојгу. Според Москва, на дневен ред се и прашања за воено-техничката соработка.

Според Кремљ, по разговорите се планирани изјави на Путин и Си.

Во Западната конференција, најкорисен играч на неделата беше кошаркарот на Сакраменто кингс, Домантас Сабонис. „Кралевите“ имаа три победи во четири натпревари, а Сабонис просек од 22,8 поени, 16 скока и 10 асистенции по натпревар.

Во Источната конференција наградата му припадна на центарот на Филаделфија, Џоел Ембид. Неговиот тим освои три победи. Просекот на играчот е 35 поени, 12,7 скока и 3,3 блокади.

Сакраменто е на 4.место на Запад, додека Филаделфија на третата позиција во Источната конференција.

Кишида е единствениот лидер на Г7 кој се уште не ја посетил Украина од почетокот на руската офанзива кон крајот на февруари минатата година.

Се очекува тој да се сретне со украинскиот претседател Володимир Зеленски, а двајцата ќе разговараат за јапонската поддршка за обновата на Украина.

Во мај Кишида ќе претседава со тридневниот самит на Г7 во јапонскиот град Хирошима.