Утре почнува судењето на поранешниот француски претседател, Саркози

Поранешниот француски претседател Никола Саркози утре ќе се појави пред судот поради обвиненија за корупција и злоупотреба на функцијата.

Ова е прв случај во неколку истраги против десничарски политичар кој ја води Франција помеѓу 2007 и 2012 година, па тој ќе се појави пред судијата по неколку години обиди за повлекување или откажување на обвиненијата, објави „Гардијан“.

Во случајот познат како „афера со прислушување“, обвинителството тврди дека Саркози и неговиот адвокат Тиери Херцог се обиделе да го подмитат судијата Гилберт Азибер за да му предадат тајни информации од посебната истрага против поранешниот француски лидер.

За возврат, Саркози е обвинет дека му понудил на Азибер да му обезбеди пријатно работно место на Азурниот брег.

Саркози е цел на низа правни истраги - од обвинувањата дека починатиот либиски лидер Моамер Гадафи нелегално ја финансирал неговата кампања до примање наводно мито од продажба на оружје во Пакистан.

Ќе се снима рекламен спот на патот Велес-Штип, повремени прекини на сообраќајот

Поради снимање рекламен спот денеска од 6:00 до 13:00 часот ќе има повремени прекини на сообраќајот на регионалниот пат Р1321 – Велес-Штип.

Како што информираат од продукцијата што го снима спотот, сообраќајот ќе биде во прекини во временски интервали од по пет минути.

Сончево и ведро време со максимални температури до 18 степени

Ведро и студено е утринава во целата држава. Слаба магла има во Скопската котлина и во Демир Капија.

Според утринските мерења на УХРМ, најстудено е во Берово каде се измерени -8 степени по што следуваат Битола и Струмица со -7, Демир Капија со -6 и Тетово со -5. Четири степени под нулата се измерени во Скопје, Прилеп, Штип и Гевгелија, -3 во Дебар и -1 во Крива Паланка и Лазарополе. Нула степени утринава се измеренеи во Охрид, Виница и Маврово и 4 степени во Крушево и Дојран.

За денеска синоптичарите најавуваат сончево време со слаба магла по котлините во утринските часови. Максималната температура ќе биде во интервал од 10 до 18 степени.

Во Скопје слично време со максимална температура до 10 степени.

Седница на Антикорупциската комисија

ДКСК најави дека на седницата ќе постапува и по предмети од Годишниот план за следење на имотната состојба и интереси, како и по конкретни предмети.

Државната комисија за спречување на корупцијата денеска на седница треба да расправа за усвојување на методологија за антикорупциска проверка на легислативата и на практично упатство за правилата за ад-хок откривање и управување со случаи на судир на интереси за членовите на Владата.

ДКСК најави дека на седницата ќе постапува и по предмети од Годишниот план за следење на имотната состојба и интереси, како и по конкретни предмети.

притисни ентер