Усвоениот предлог за уставните измени испратен до Собранието

Предлогот за пристапување кон уставните измени поврзани со преспанскиот договор, усвоен на вонредната владина седница е испратен до Парламентот. 

Содржи четири сушински промени кои од утре влегуваат во Собранието, каде се уште е нејасно дали е обезбедено потребното двотретинско мнозинство.

Ниту потпретседателската на Собранието Ременски не прецизираше дали веќе е обезбедена двотретинска поддршка во собранието. Ги повика пратениците да преземат одговорност, да ја послушаат волјата на граѓаните кои се изјасниле на референдумот и да гласаат за уставните измени. Порача оти амнетија нема да има, а доколку раководството на ВМРО-ДПМНЕ и понатаму го блокира процесот, веднаш ќе се оди на предверемни избори.

Од опозициската ВМРО-ДПМНЕ велат дека Заев нема легитимитет да го менува Уставот и уставното име на Република Македонија. Го повикуваат премиерот да се откаже од капитулантскиот договор со Грција.

„Зоран Заев нема легитимитет да ги менува идентитетот, историјата, културата и традицијата на Република Македонија. Граѓаните не ја поддржаа неговата антидржавна политика и му порачаа дека договорот од Преспа за промена на името е правно - политички мртов“, се наведува во партиското соопштение.

По доставувањето на амндманите до Уставната комисија во Собранието, започнува расправата која може да трае најмногу 10 дена, а уставните измени најверојатно ќе се гласаат идниот вторник. За да поминат во Собранието потребно е поддршка од девет опозициски пратеници, односно за уставните измени да гласаат вкупно 80 пратеници.

Прва седница на Владата предводена од премиерот Димитар Ковачевски

Владата предводена од новиот премиер Димитар Ковачевски денеска ќе ја одржи првата седница, со почеток во 14 часот. 

Новиот состав на Владата беше изгласан синоќа пред полноќ во Собранието. Владата има 21 член, еден повеќе од претходниот состав.

Претседателот на Владата Ковачевски ќе има четворица заменици, Артан Груби – прв вицепремиер и министер за политички систем и односи меѓу заедниците, Славица Грковска – вицепремиер за борба против коруција и криминал, Бојан Маричиќ – вицепремиер за европски прашања и Фатмир Битиќи – вицепремиерот за економски прашања.

Оливер Спасовски е избран за министер за внатрешни работи, Славјанка Петровска – за одбрана, Никола Тупанчевски – за правда, Благој Бочварски – министер за транспорт и врски, Љупчо Николовски – за земјоделство, шумарство и водостопанство, Јована Тренчевска – за труд и социјална политика, Бисера Костадиновска-Стојчевска – за култура, Горан Милевски – министер за локална самоуправа, Беким Сали – за здравство, Јетон Шаќири – за образование и наука, Бујар Османи – за надворешни работи, Фатмир Бесими – министер за финансии, Крешник Бектеши – за економија, Насер Нуредини – за животна средина, Адмирим Алити – за информатичко општество и администрација и Џемаил Чупи – министер без ресор задолжен за дијаспората.

Цената на златото со благ раст поради монетарната политика на ФЕД

Цената на златото утрово благо порасна поради очекувањата дека ФЕД нема нагло да ја заостри монетарната политика и покрај високата инфлација, покажуваат податоците за трговијата.

Во 7.41 часот цената на февруарските фјучерси на златото на Њујоршката берза порасна за 0,18 отсто или 3,25 долари на 1819,8 долари за троја унца. Мартовските фјучерси на среброто се зголемија за 0,48 отсто на 23.027 долари за унца.

Вниманието на инвеститорите е насочено кон понатамошните активности на ФЕД, кој најверојатно ќе ја зголеми основната каматна стапка на следниот состанок.

Според аналитичарите на TD Securities, цитирани од Волстрит Журнал, неодамнешната изјава на претседателот на ФЕД, Џером Пауел, е сигнал дека каматните стапки може благо да се зголемат. Ова значи дека благородниот метал има можност за поскапување.

Северна Кореја истрела неидентификуван проектил во Јапонското Море

Северна Кореја истрела неидентификуван проектил во Јапонското Море, соопшти Заедничкиот комитет на началници на Генералштабот на Јужна Кореја.

Пентагон соопшти дека САД сакаат да разговараат за спорните прашања со Северна Кореја.

Ова е четврто истрелување ракета од страна на Пјонгјанг оваа година. Претходните се извршени на 5, 11 и 14 јануари. Во првите два случаја, Северна Кореја соопшти дека успешно тестирала хиперсонични ракети. На 14 јануари, две балистички ракети со краток дострел беа истрелани од железнички ракетен комплекс.

притисни ентер