Уставниот суд и Правниот Факултет воспоставија соработка

Уставниот суд и Правниот Факултет воспоставија соработка која треба да придонесе и за подигање на кредибилитетот на правосудството.

Претседателот на Уставниот суд Дарко Костадиновски и деканот на Правниот факултет „Јустинијан Први“ при УКИМ Сашо Георгиевски денеска потпиша Меморандум за соработка со кој се овозможува воспоставување соработка, размена на знаења и искуства и јакнење на инстититуционалните капацитети, која треба да придонесе и за подигање на политичката и правната култура во државата.

Костадиновски истакна дека за него како судија и претседател на Уставниот суд потпишувањето на овој Меморандум е добра вест за Уставното судство, бидејќи цени дека поголемото приуство на науката во Уставниот суд ќе биде од врвно значење, а самиот Меморандум. ќе донесе бенефит за двете инмституции.

-Не случајно како врвен приоритет ја поставив поголемата присутност на науката во Уставниот суд. Прво моја лична оценка беше дека предолго време науката отсуствувапше од УС и тоа е нешто што мора да се поправи. Проф. Георгиевски кажа дека природна и нортмална е врската меѓу ПФ и УС и таа заемна инетракција треба да ни донесе заемена корист особено за прашања од значење за уставното судство, а такви има многу. Втората, мојата лична оценка за состојбите во државата воопшто и за довербата на граѓаните не само во правосудниот систем туку генерално во државниот систем, е ниската политичка, пред се политичка, правна, уставна и судска култура. Ова е една од формите во која ние можеме да соработуваме и за подигнување на таа култура, бидејќи отстуството на таа култура предолго во нашето општество не доведе до оваа состојба. Постојат многу форми за соработка, очекувам плодна соработка и особено ми е драго што токму јас со мојот двоен ментор да ја потпишеме оваа соработка, рече Костадиновски, потенцирајќи дека и ќе направи се во негова моќ да се реализираат сите содржини.

Проф. Георгиевски истакна дека Уставниот суд не е обичен суд, тоа е инстутуција која стои над правниот систем, над уставно - правниот поредок со многу сериозна задача да пополнува прзнини да утврдува насоки и принципи за тоа каде треба да се движи воопшто правото, како да функционира правниот систем и за тоа, вели, на Уставниот суд му е едноставно неопходна и академска база.

-Не случајно Уставните судови во светот во своите редови имаат и претставници од Академијата и истакнати правници кои објавувале трудови и се занимавале со научна дејност. Тука е спојот меѓу нас, ние сме навистина многу заинтересирани за интензивна соработка и да помогнеме во насока на подигнување на прваната култура во рамки на професионалците и надвор од тоа во јавноста, подигнување на авторитетот на обете институции. Ние веќе утврдивме агенда како ќе соработуваме што говори за желбата и подготвеноста за соработка, рече проф. Георгиевски за Меморандумот кој е на иницијатива на Костадиновски и на Уставниот суд.

На новинарско прашање за тоа што опфаќа агендата Костадиновски појасни дека во наредните десетина дена ќе се утврдат теми и дилеми кои ќе бидат во фокусот од сите правни области, а предвидени се и две работилници, една во октомври во Уставниот суд, а втората до крајот на годината на Правниот факултет. Соработката меѓу другото опфаќа и воспоставување програма за волонтирање на студенти во Судот, за спроведување истражувања од студенти на постдипломски и дкоторски студии, заедничко аплицирање за проекти од областа на уставното право и уставното судство, ангажирање претставници од Факултетот при изготвување посебни извештаи, изработка на зборници.

-За мене најважна е да ја слушнеме правната мисла за важните уставно - правни теми и дилеми, кои ни се појавуваат секој ден при работата на секој предмет, на секоја седница. Идејата е да си помогнеме едни на други - правната мисла да ни помогне нас како судии за да го подигнеме и кредибилитетот и угледот на Уставниот суд, но од друга страна и ние да му помогнеме на Правниопот факултет кој е најстрар најемнинентен субјкет во нашата држава, да помогнеме и на негоивот кредибилитет и углед, рече Костадиновски.

Меморандумот за соработка влегува во сила со денот на неговото склучување.

Највисоките хрватски функционери си ги зголемија платите за 83%

Хрватската влада денеска ја усвои одлуката за зголемување на платите на највисоките државни функционери.

Со оваа одлука, месечните примања на претседателот Зоран Милановиќ, премиерот Андреј Пленковиќ и на претседателот на парламентот Гордан Јандроковиќ од август ќе пораснат за 2.500 евра..

Основицата на платата на околу 270 функционери ќе се зголеми за 83,45 посто, па место досегашните 516 евра бруто, ќе изнесува 947 евра.

Според новите пресметки, Пленковиќ ќе има плата од 5.535 евра, а Милановиќ од 6.074 евра.

Соработка -Министерството за локална самоуправа- Министерството за дигитална трансформација

Министерството за локална самоуправа во соработка со Министерството за дигитална трансформација и со општините ги интензивира активностите за дигитализација на локалните услуги

Министерот за локална самоуправа Златко Перински денеска имаше состанок со министерот за дигитална трансформација Стефан Андоновски на кој се разговараше за конкретните чекори за дигитализација на општините, со вклученост и на донаторската заедница.

На состанокот беа презентирани можностите за вклучување на сите општини во процесот на дигитализација со цел и помалите општини да можат да го фатат чекорот со поддршка од надлежните министерства. Притоа беше констатирано дека основите се веќе поставени со воспоставената електронска платформа од страна на УНДП и на Министерството за локална самоуправа, а ќе се направат напори за вклучување на услугите на националниот портал за услуги воден од Министерството за дигитална трансформација.

Претставниците од УНДП истакнаа дека изразената подготвеност од страна на надлежните министерства да се интензивираат работите дава можност целиот процес на дигитализација на локално ниво да се заокружи многу побрзо од планираната динамика.

Министерот за локална самоуправа Златко Перински истакна дека Министерството за локална самоуправа ќе го води овој процес и очекува поддршка од сите вклучени страни, а општините нема да бидат оставени сами.

-Ќе работиме на обезбедување на сите технички услови и на зајакнување на административните капацитети на локално ниво, а помалите општини ќе бидат вклучени без исклучок, со воспоставување на меѓуопштинска соработка со поголемите и покапацитетни општини, рече министерот Перински. Перински нагласи дека целиот процес ќе се води системски за што веднаш ќе се ревидираат планираните активности во нацрт Акцискиот план за спроведување на Програмата за одржлив локален развој и децентрализација и по неговото усвојување од страна на Владата целиот процес ќе биде предвидлив со точно утврдена временска рамка за реализација на сите конкретни чекори.

ВМРО-ДПМНЕ: Мицкоски ја води државата напред, а Филипче да каже како направи хациенда

Мицкоски ја води државата напред, а Филипче да каже како направи хациенда од милион евра, купи џип и направи портфолио од фирми.

Реакција на ставовите на Венко Филипче

Мицкоски ја води државата напред, а Филипче да каже како направи хациенда од милион евра, купи џип и направи портфолио од фирми.

Македонија за еден месец има поголем напредок, од со СДС за 7 години. Државата доби ефтини средства од Унгарија, држава членка на НАТО и ЕУ, по камати пониски од државните обврзници на САД и земјите од ЕУ. Најавена е голема странска инвестиција во областа на зелената енергија, големи странски инвеститори присутни во земјата водени од сигурноста која ја пружа владата се одлучуваат на големи нови инвестиции. Пензиите се покачуваат. Име повеќе за секого.

Филипче пред да зборува за било што, нека каже со кои пари неговото семејство ја изгради хациендата на Водно? Истата со над 400м2 станбена површина чини повеќе од милион евра.

Филипче да каже на чие име е џипот Ауди Q8, и со кои пари е платен и зошто?

Очекуваме одговор и за фирмите во Бугарија, но и за фирмите на брат му со Вице Заев.

Тендер министерот Филипче должи одговорни за Онкологиjа и за Хематологија и Ирина Пановска, и за одуларната болница во Тетово, и за вакцините и за редица други крвави и дебели тендери. Одговори мора да има.

Со почит,

Центар за комуникации на ВМРО-ДПМНЕ

притисни ентер