Македонија

Услогласеноста на Македонија со надворешната политика на ЕУ ги судри Димитров и Захариева

 Очигледно е потребна поголема внимателност, особено кога се работи за лесно достапни податоци. Вака впечатокот е разочарувачки - дека идејата била паушално да се оцрни соседот, што не би било ниту пријателски, ниту европски. “ напиша Димитров.

“Скандалозна невистина која не е ниту пријателска, ниту европска.” -вака вицепремиерот за европски прашања Никола Димитров реагираше на последната изјава на бугарската министерка Екатерина Захариева, во која вели дека македонската надворешна политика била под 50 отсто усогласена со онаа на ЕУ кон Русија. Димитров во реакцијата објавена на Фејсбук вели дека според последниот извештај на Европската Комисија објавен во октомври лани, а кој се однесува на 2019 година Македонија е со 92 отсто усогласеност.

“ Очигледно е потребна поголема внимателност, особено кога се работи за лесно достапни податоци. Вака впечатокот е разочарувачки - дека идејата била паушално да се оцрни соседот, што не би било ниту пријателски, ниту европски. “ напиша Димитров.

Дека изјавата на Захариева е чиста невистина која има цел да се дискредитира Македонија вели Малинка Ристевска Јорданова и од Институтот за европска политика. Таа за Канал 5 изјави дека процентот на усогласеност на надворешните политики со ЕУ во последните пет години е драстично зголемен.

“ Од 2015 наваму тој процент расте од 68 посто до 92 посто 2019 година. Истовремено се констатира во извештајот е ЕУ дека во однос на некои мерки за Русија не дипломатските, туку во економсмите мерки кои унијата ги има утврдено. Тоа се континурани неосновани напади за дескридитација на нашата држава и ова навистина излегува од секоја норма и добро е што се одговара веднаш и со факти.”вели Малинка Ристевска Јорданова – Институт за европска политика.

Захариева во синоќешното интервју за бугарско радио кажа дека некои од земјите на Западен БАлкан, кои се кандидатки за членство во ЕУ треба да се реформираат и даодлучат дали ќе бидат сојузници на НАТО и членки на ЕУ.

- Македонија е една од овие земји, со исклучително низок процент, под 50 отсто на усогласеност со заедничката надворешна политика на ЕУ. Србија, исто така, е една од оние земји со помал процент, но не толку низок како Република Македонија, тврди Захариева, посочувајќи дека Албанија има прилично висока стапка на усогласеност во областа на надворешната политика со ЕУ.

Захариева, иако вели дека се прават обиди за намалување на тензиите, во претходниот период даде повеќе контроверзни изјави, како онаа дека Македонија е творба на Титовата Коминтерна.

Премиерот Заев најави дека следната недела, а можеби и порано ќе се оствари средба на министрите Османи и Захариева, на која треба да се договори одржувањето на Втората меѓувладина конференција, која уште лани требаше да ја организира Македонија. На конференцијата е предвидено да се усвои заедничкиот Акцискиот план, кој содржи низа образовани, културни и инфраструктурни проекти и е резултат на двата документа кои претходно си ги разменија Скопје и Софија

Култура

Хуманитарен концерт во сеќавање на Климентина Рафајловска

Во Салон 19:19 во Скопје вечерва ќе се одржи концерт во сеќавање на Климентина Рафајловска (1977-1994), која била ученик на пијано и харфа во училиштето „Илија Николовски-Луј”.

На програмата ќе бидат изведени дела од композиторите Сен Санс, Равел, Буланже, Штолцел, Пијацола, Хенсон, Капле, Форе и Шостакович.

На концертот ќе учествуваат музичари од нејзината генерација, Ема Абаџиева – обоа, англиски рог, Весна Ангелова Христов – пијано, Орце Ицковски – фагот, Гордана Јаневска – виолина, Тереза Крцоска – виолина, Јанинка Невчева – пијано, Јулија Нелковска – виолина, Надежда Рубен – сопран, Боро Станковски – виола, Елена Стојческа – флејта, Дарко Трајковски – виолина, Мерсиха Шукри – харфа.

Соученичката на Рафајловска, Мерсиха Шукри, која е единствената харфистка во земјава во изјава за МИА вели дека целта, меѓудругото, е и да се подигне свеста и поддршката за болните од рак.

- Климентина Рафајловска ни беше соученичка во музичкото училиште. За жал, за кратко време нѐ напушти, се разболе од леукемија. Оваа година се навршуваат 30 години од нејзината смрт. Во таа чест, генерацијата се собравме да одржиме концерт во нејзина чест. Воедно, да ја подигнеме свеста и поддршката за сите заболени од лошата болест, вели Шукри, додавајќи дека животот е непредвидлив и затоа е потребно многу повеќе љубов и разбирање.

Човекот е покршлив од стаклото и многу малку е свесен дека секому може да му се случи, вели Мерсиха Шукри.

Во чест на Рафајловска, од 1995 до 2008 година беше доделувана наградата „Климентина Рафајловска” за првенец на генерација, од страна на истоимената Фондација. Меѓу добитниците на оваа награда се и Симон Трпчески, Ирина Наумовска, Никола Атанасов, Александар Краповски и други.

Средствата собрани со продажба на билетите и од донаторската кутија, ќе бидат донирани на Здружението посветено на пациенти болни со рак и нивни негуватели ХЕМА-ОНКО, а наменети за потребите на пациентите на Универзитетска клиника за хематологија.

Регион

Единаесет лица се повредени во сообраќајка на бугарски автобус во Турција

Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.

Сообраќајната несреќа се случила на 50 километри од бугарската граница. Автобусот е на компанијата „Метро туризам“.

На местото на несреќата се упатени екипи на полиција и медицински лица.

Повредените, вклучувајќи го и возачот на автобусот, се хоспитализирани во околните болници. /МИА

Македонија

Сообраќајот тековно и без застои

Сообраќајот на државните патишта се одвива непречено, по претежно суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

притисни ентер