Уште едно обвинение за корупција против поранешната лидерка на Мјанмар Аунг Сан Су Ќи

 Поранешната лидерка на Мјанмар Аунг Сан Су Ќи, која претходно беше  од страна на воената хунта на шест години затвор, повторно е обвинета за корупција.

Како што јави Франс прес повикувајќи се на свои извори, против добитничката на Нобелова награда за мир во 1991 година, вчера се изречени пет нови точки од обвинение, пренесува Бета.

Според медиумите под контрола на воените власти, таа е обвинета дека и нанела финансиска загуба на државата со прекршување на прописите за набавка и купување на хеликоптери.

Поранешниот претседател Винсент Минт е обвинет по истите точки, велат изворите.

Седумдесет и шестгодишната Аунг Сан Су Ќи е во притвор од државниот удар на 1 февруари 2021 година, кога генералите ја соборија нејзината влада и ставија крај на една деценија од демократската транзиција во земјата.

Оттогаш, таа се соочи со низа тужби и судски постапки за наводни прекршување на законот за државни тајни од колонијалното време, изборни измами, немири, поттикнување јавни немири и друго.

Таа претходно беше осудена на шест години затвор и се соочува со неколку децении затвор доколку биде осудена по сите обвиненија.

Во Крушево одбележан роденденот на Тоше, ќе полнеше 41 година

Родното Крушево на балканската музичка ѕвезда Троше Проески на неговиот 41 роденден  сака овој ден да не биде само ден на хуманоста во градот.

Туку 25 јануари да биде ден на хуманоста во Македонија. Така како што денеска десетици негови сограѓани и подржувачи од Балканот се хумани и доследни кон неговиот животен пат. Зашто Тоше пред се беше човек кој ширеше љубов топлина и разбирање.

Со богата музичко сценска изведба во спомен куќата на Гумење и во неговииот вечен дом. Секој посетител имаше прилика да ја почуствува тагата и болката. Но и внатрешната потреба да напише некој убав збор.

Над милион посетители со својот пишан збор дале придонес тој вечно да биде меѓу нас.

Со својот ангелски глас го освои Балканот. Игри без граници и многу негови хитови уште долго ќе се пејат а во спомен куќата за него свои изведби имаа камерниот оркестар од Битола. Солисти од Македонската опера и балет. Како и групата Мелем и Никола Зацески а беше изведен и музичкиот перформанс на Горан Папаз.

Целосно е исчистена дивата депонија на кејот на реката Вардар во општина Гази Баба

Екипите на Град Скопје денеска завршија со чистење и целосно е исчистена дивата депонија кај кејот на реката Вардар во општина Гази Баба, која зафаќаше површина од над 13.000 квадратни метри. 

Собрани се над 4.000 кубни метри комунален отпад и градежен шут што секојдневно ја загадуваше животната средина и го загрозуваше здравјето на жителите од оваа општина.

Градот Скопје интензивно работи на чистење на депонии во населбата Лисиче, Ново Село во општина Ѓорче Петров, како и целосно чистење на дива депонија во населено место Брњарци, општина Гази Баба.

Чистење на сите диви депонии во Скопје е приоритет, со цел превенција на загадување на воздухот, почвата и водите и заштита на здравјето на граѓаните. Ги охрабруваме граѓаните да се вклучат во оваа акција на Градот, со тоа што ќе пријавуваат диви депонии, но пред се, да бидеме совесни граѓани кои се однесуваат еколошки одговорно и се грижат за својот град и за животната средина.

Град Скопје

ССМ бара минималната плата да се зголеми најдоцна до март, во спротивно се закануваат со штрајк

Минималец од 18 илјади или штрајк.

ССМ се закани дека ако износот на минималната плата не се зголеми најдоцна до март и не се усогласат и другите плати нагоре - ќе излезат на улица. Иако претходно владини министри најавија можно зголемување на минималецот во јуни годинава, од ССМ велат дека ќе ја почекаат средбата со Влада закажана за 31ви па потоа ќе носат одлука што понатаму.

В петок претседателството и советот на синдикатот ќе кројат план за следните чекори. Синдикалците бараат и К-15 за цел јавен сектор исто како што е за приватниот.

„Најпоследна дата што може да се зголеми минималната плата е согласно законот и таа да се зголеми од март, согласно законско решение член 4 кој вели дека таа расте по однос на три параметри, БДП, животни трошоци и пораст на просечна плата.“ изјави Дарко Димовски, претседател на ССМ

ССМ со апел до пратениците – прво на листа за гласање да се измените на законот за минимална плата, со кој таа ќе изнесува 60% од просечната, па дури потоа на дневен ред да се сите други закони.

„Бараме народни избраници да не се занимаваат со закони како што се изборен закон, прекин на апанажа итн. Сметаме дека овој закон е еден есенцијален закон за егзинстенција каде што бараме се што поднесовме да се изгласа, па потоа тие што предлагаат како бенефит на нивни цели.“ изјави Дарко Димовски, претседател на ССМ

ССМ вчера имаше средба со министерката за труд Јована Тренчевска, од чиј кабинет соопштија дека и владина заложба е минималецот да биде 18 илјади што е можно побрзо оваа година, додека до крајот на мандатот да порасне на 20 илјади денари.

притисни ентер